Futbol üzrə dünya çempionatının açılış mərasimi keçirilib.
Tədbir Meksikanın paytaxtı Mexikoda yerləşən “Asteka” stadionunda təşkil olunub.
Mərasimin bədii hissəsində dünyaşöhrətli müğənni Şakira, həmçinin David Getta, EJAE, Meqan Covon Rut Pit və Andrea Boçelli çıxış ediblər.
Meksika – Cənubi Afrika Respublikası oyunu öncəsi dünya çempionatının səfiri Salma Hayek Pinault meydana çıxaraq dünyanın müxtəlif ölkələrindən olan azarkeşləri salamlayıb. O, İspan dilində çıxış edərək Meksikanın ABŞ və Kanada ilə birlikdə mundiala ev sahibliyi etməsindən qürur duyduqlarını bildirib.
Daha sonra dünya çempionatında iştirak edən 48 ölkənin dövlət bayraqlarının paradı təşkil olunub.
Açılış mərasimindən sonra Meksika və Cənubi Afrika Respublikası yığmaları arasında mundialın ilk oyunu start götürüb.
Qeyd edək ki, dünya çempionatına ABŞ, Kanada və Meksika birgə ev sahibliyi edir. FIFA digər iki ev sahibi ölkədə də ilk qarşılaşmalardan əvvəl açılış tədbirlərinin keçirilməsini planlaşdırır.
21:30
Futbol üzrə dünya çempionatının açılış mərasimi start götürüb.
AZƏRTAC xəbər verir ki, tədbir Meksikanın paytaxtı Mexikoda - mundialın ilk matçının keçiriləcəyi "Asteka" stadionunda təşkil olunub.
Açılış mərasiminin bədii hissəsində dünyaşöhrətli müğənni Şakira, eləcə də David Getta, EJAE, Meqan Covon Rut Pit və Andrea Boçelli kimi musiqiçilər çıxış edəcəklər.
Dünya çempionatına ABŞ, Kanada və Meksika birgə ev sahibliyi etdiyi üçün FIFA digər iki ölkədə də ilk matçlardan öncə açılış mərasimi keçirməyi planlaşdırır.
Qeyd edək ki, futbol üzrə dünya çempionatı bu gün oynanılacaq Meksika-Cənubi Afrika Respublikası oyunu ilə start götürəcək. Qarşılaşma Bakı vaxtı ilə saat 23:00-da başlayacaq.
Mundialda ilk dəfə 48 komanda mübarizə aparacaq.
677jpg_1781134810.jpg)
