Dubay mətbuatında 20 Yanvar faciəsi haqqında məqalə dərc edilib
Azərbaycanın Dubaydakı baş konsulluğunun dəstəyi ilə “Nəbd Əl Vatan”, “Arab-citizen” və digər mətbu orqanlarında 20 Yanvar faciəsi haqqında məqalə dərc edilib.
AZƏRTAC xəbər verir ki, ərəbdilli oxuculara yanvarın 20-sinin Azərbaycanda Ümumxalq Hüzn Günü olmasından, 32 il əvvəl sovet qoşunlarının Ermənistanın Azərbaycan ərazilərini ilhaq etmək cəhdlərinə etiraz edən dinc əhaliyə divan tutmasından ətraflı bəhs olunub. Azərbaycanın Dubaydakı baş konsulu Cavidan Hüseynovun verdiyi məlumata istinad edilən məqalədə bildirilib ki, təpədən-dırnağa qədər silahlanmış sovet hərbçiləri qadın, uşaq, qoca demədən dinc insanlara atəş açıb, təkcə paytaxt Bakıda deyil, Lənkəran, Neftçala şəhərlərində də günahsız sakinləri qətlə yetiriblər. Qanlı hadisələr zamanı 131 dinc sakin həlak olub, 744 nəfər yaralanıb. Bu qırğınlar faşistlərin Nürnberq məhkəməsində üzə çıxarılan cinayətləri qədər dəhşətlidir.
Məqalədə həmin ağır günlərdə Azərbaycan xalqının ümummilli lideri Heydər Əliyevin respublikamızın Moskvadakı daimi nümayəndəliyinə gələrək xalqı ilə həmrəylik nümayiş etdirdiyi, bu ağır cinayəti törədən sovet liderlərini kəskin şəkildə qınadığı qeyd olunub. Dahi siyasətçinin səsləndirdiyi bəyanatda İkinci Dünya müharibəsindən sonra Sovet İttifaqında, hər hansı regionda bu cür qəddar kütləvi qırğının törədilmədiyini ifadə etməsi xüsusi vurğulanıb.
Məqalədə qeyd olunub ki, 20 Yanvar Azərbaycanda Ümumxalq Hüzn Günü elan edilib və hər il insanlar faciə qurbanlarının xatirəsini anmaq üçün Şəhidlər xiyabanına axın edirlər.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycan ədəbiyyatına böyük töhfələr verən alim
26 Aprel
“Voyager 1” zondu uzun fasilədən sonra Yerə siqnal göndərib
26 Aprel
Bayraq aşiqi
26 Aprel
Rus kosmonavtlar açıq kosmosda 4 saatdan çox vaxt keçiriblər
26 Aprel
Qubalılar yol sarıdan rahatlığa çıxırlar
26 Aprel
Çiyid səpini sürətlənir
26 Aprel
Bəşəri dəyər
26 Aprel
COP29 "yaşıl dünya"ya qapı açacaq
26 Aprel
Azərbaycan Respublikasının Prezidenti zati-aliləri cənab İlham Əliyevə
26 Aprel
Sahibkarlar Gününə həsr olunmuş konfrans keçirilib
26 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!