27 Sentyabr Anım Gününün altıncı ildönümünün qeyd olunması ilə bağlı Tərtər Rayon İcra Hakimiyyətinin Tədbirlər Planına uyğun olaraq, Tərtər Rayon İcra Hakimiyyətinin başçısı Müstəqim Məmmədov Hüsənli kəndindən olan Vətən müharibəsi şəhidi Hüseynov Eşqin Cəsarət oğlunun ailəsini ziyarət edib, onların qayğıları ilə maraqlanıb.

Görüş zamanı Tərtər Rayon İcra Hakimiyyətinin başçısı Müstəqim Məmmədov vurğulayıb ki, şəhid ailələrinə, qazilərə və veteranlara göstərilən hərtərəfli diqqət və qayğı Müzəffər Ali Baş Komandan, Prezident İlham Əliyev tərəfindən həyata keçirilən dövlət siyasətinin əsas prioritetidir. Qeyd edib ki, dövlət başçısının tapşırığına əsasən, bu həssas təbəqədən olan insanların sosial problemlərinin operativ həlli bütün dövlət qurumlarının qarşısında duran ən başlıca vəzifələrdəndir.

İcra başçısı bildirib ki, 44 günlük Vətən müharibəsində torpaqlarımızın azadlığı uğrunda canından keçən qəhrəman övladlarımızın əziz xatirəsi Tərtərdə hər zaman uca tutulur. Şəhidlərimizin əmanəti olan ailələrin mənzil-məişət şəraitinin yaxşılaşdırılması, onların məşğulluq və digər sosial məsələlərinin həlli rayon icra hakimiyyəti tərəfindən hər zaman xüsusi diqqətdə saxlanılır.

Qeyd edək ki, Hüseynov Eşqin Cəsarət oğlu 20 yanvar 1998-ci ildə Tərtər rayonunun Hüsənli kəndində anadan olub. O, 44 günlük Vətən müharibəsində Suqovuşan kəndi istiqamətində gedən ağır döyüşlərdə rəşadət göstərərək 29 sentyabr 2020-ci il tarixdə - 22 yaşında şəhidlik zirvəsinə ucalıb və doğulduğu Hüsənli kəndində torpağa tapşırılıb.

Eşqin Hüseynov ölümündən sonra Azərbaycan Respublikasının Prezidenti  İlham Əliyevin müvafiq sərəncamları ilə 3-cü dərəcəli "Vətənə xidmətə görə" ordeni, "Vətən uğrunda", "Suqovuşanın azad olunmasına görə" və "İgidliyə görə" medalları ilə təltif edilib.

Şəhidin ailə üzvləri onlara göstərilən diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya öz dərin minnətdarlıqlarını bildiriblər.

Lazım QULİYEV,

“Azərbaycan” 

II hissə

Şörəyel və Loruda ilk xristian məbədləri hunəsilli xristian din xadimləri tərəfindən inşa edilmişdir. Hamamlıda Qazax bazilikası kimi tanınan Alban-Hun (Qıpçaq) məbədi V əsrdə Hun boylarının bir qolu olan Qazax tayfasına mənsub olan din xadimləri tərəfindən inşa edilmişdir. Hamamlının başlıca xristian dini abidələri içərisində IV əsrdə inşa edilmiş Müqəddəs Xaç kilsəsi, VII-XIII əsrlərə aid Əştərək abidələri (Əştərək kəndi), VII əsrdə Manas və Qriqori adlı qıpçaq keşişləri tərəfindən inşa edilən Karmvravor kilsəsi, VII əsrə aid Aruç kilsəsi, Ovanavəng kəndində V əsrə aid kilsə, Abaran şəhərində V əsrə aid Qazax bazilikası, Aşnak kəndində V əsrə aid kilsəni qeyd etmək olar. Bu abidələrin əksəriyyətində sonradan bərpa işləri adı ilə erməni xaç daşları yerləşdirilmiş və üzərindəki yazılı kitabələri dağıdılmışdır. Cənubi Qafqazın erkən xristian abidələrini tədqiq etmiş A.L.Yakobson qeyd edir ki, "Qafqaz Albaniyasının monumental erkən Orta əsr memarlığı Ermənistan ərazisində üstün mövqeyə malik olmuşdur". Abaran şəhərində olan Müqəddəs Xaç kilsəsi 1877-ci ildə bərpa bəhanəsi ilə ciddi dəyişikliyə məruz qalaraq, kitabəsi dağıdılmışdır. Loru və Dərəçiçək yaylaqlarında türk boylarına aid xeyli sayda at heykəlləri vardır. Bu torpaqlardan yerli türk boylarının izini birdəfəlik silmək məqsədilə ermənilər hazırda planlı şəkildə bu abidələri məhv etməklə məşğuldurlar. 

Göyçə mahalının qədim mənbələrdə rast gəlinən adlarından biri olan Gegarkuni hidronimi qədim türkcədə Gögarku (Göy arx) sözü ilə izah olunur, mənası "Göy arx, çuxur" deməkdir. Göyçə ərazisində alban xristian məbədləri içərisində IX-X əsrlərə aid Qızılvəng (Qızılvəng kəndi), Qamışlı (Qamışlı/Qanlı/Qanlı Allahverdi kəndi), Daşkənd (Daşkənd kəndi), Kiçik Məzrə (Bala Məzrə kəndi), Əyrivəng (Əyrivəng kəndi), Xutavəng (Yuxarı Adıyaman kəndi) və Şoqakavəng (Çoraqyu kəndi) kilsələrini qeyd etmək olar.

Zəngibasar ərazisində xristian Hun boylarına və albanlara aid xaç daşları məhv edilmiş və yazılı kitabələr məhv edilmişdir. Erməni qriqoryan kilsəsinin saxtakarlıqları burada digər yerlərə nisbətən özünü daha açıq-aydın büruzə verməkdədir. Zəngibasarın alban xristian abidələri içərisində VII əsrə aid kilsəni (Şahab kəndi), X-XIII əsrlərə aid Avucdar monastırını, X-XIII əsrlərə aid kilsə və qalanı (Ursazor kəndi), XIII əsrdə inşa edilmiş Ağca monastırını (Gilanlar kəndi yaxınlığı) xüsusilə qeyd etmək olar.  Sərdarabad mahalında dağıdılmış alban dini abidələri içərisində V əsrə aid bazilikanı və VII əsrə aid Mavi Mələklər məbədini qeyd etmək olar. Qərbi Azərbaycanın bir çox yerində olduğu kimi, Sərdarabad ərazisində də "erməni dini məbədləri" kimi qələmə verilən xristianlığaqədərki dini ibadətgahlar alban əhalisinin dini dünyagörüşünü əks etdirir. XX əsrin əvvəllərində erməni tarixçisi N. Adons albanların hərbi, dini, siyasi həyatı ilə bağlı geniş məlumata malik olmadığını etiraf edirdi. 

Etibarlı mənbələrdə Zəngəzurun xristian abidələrinin ermənilərə aid olması haqqında məlumata rast gəlinmir. Ermənilər bu abidələrin bir hissəsinin üzərində ciddi dəyişikliklər edərək qriqoryan kilsələrinə çevirmiş, qalanlarını isə tamamilə dağıtmışlar. Məlum olduğu kimi, alban hökmdarı III Mömin Vaçaqan xristianlığı təbliğ etmək məqsədilə geniş inşaat tədbirləri həyata keçirmişdir. VII əsrdə Qarabağda Uti vilayətində yaşamış tarixçi Musa Kalankatlı "alban tarixi" əsərində III Mömin Vaçaqanın "ildə olan günlərin sayı qədər çoxlu kilsə tikdirməsi" haqqında məlumat vermişdir. Comərdli və Ərəfsə kəndləri yaxınlığında yerli əhalinin Qızılkilsə adlandırdığı və ziyarət etdiyi bu Alban məbədinin hazırda yalnız xarabalıqları qalıb. Bu abidə ermənilər tərəfindən iki dəfə ciddi dağıntıya məruz qalmışdır. 1918-ci ilin iyulunda daşnak Andranikin öz quldur dəstəsi ilə bu kənddə törətdiyi kütləvi qırğınlar nəticəsində Qızılkilsə məbədi yerli əhalinin inanc yerlərindən biri olduğu üçün dağıdılıb xarabalığa çevrilmişdir. Hazırda Qərbi Azərbaycan ərazisində Ermənistan hakimiyyəti və erməni qriqoryan kilsəsi tərəfindən tarixi abidələrimizə qarşı kultursid siyasəti davam etməkdədir. 

Beləliklə, məlum olur ki, Qərbi Azərbaycan ərazisində ilk xristian abidələri Hun və Alban boylarına aiddir. Bu abidələrin əksəriyyəti Ermənistanın kultursid siyasətinin əsas hədəflərindən biri olaraq məhv edilmişdir. Qərbi Azərbaycan ərazisində arxeoloji qazıntılar nəticəsində aşkar edilmiş maddi-mədəniyyət nümunələri və bu ərazinin qədim tarixi haqqında məlumat verən yazılı mənbələr Azərbaycan xalqının etnogenezində mühüm rol oynamış albanların, utilərin və türk boylarının avtoxton mənşəli etnoslar olduğunu, erməni toplumunun isə gəlmə və yadelli etnik ünsür olduğunu təsdiq edir. Qərbi Azərbaycan ərazisi müasir dövrdə Ermənistan respublikası adlandırılsa da, onun qədim tarixi irsinin özlərini hay adlandıran müasir erməni xalqına heç bir aidiyyəti yoxdur.

Ramin ƏLİZADƏ,

AMEA A.A.Bakıxanov adına Tarix və Etnologiya İnstitutunun böyük elmi işçisi

Heyvandarlar fəallıq göstərirlər

Ağcabədi rayonunun Təzəkənd kəndində fermer Əbülfət Əsgərovun heyvandarlıq təsərrüfatına baxış keçirilib.

Ağcabədi Rayon İcra Hakimiyyətinin başçısı Rafil Hüseynov, Kənd Təsərrüfatı Nazirliyi yanında Aqrar Xidmətlər Agentliyinin (AXA) sədri Sərdar Hacıyev, Ağcabədi Dövlət Aqrar İnkişaf Mərkəzinin direktoru Abbas Süleymanov, rayon icra hakimiyyətinin və aidiyyəti qurumların nümayəndələri, eləcə də digər şəxslər baxışda iştirak ediblər.

Fermer təsərrüfatında saxlanılan iri və xırdabuynuzlu heyvanların saxlanma, bəslənmə və yemlənmə şəraiti ilə tanış olunub. Təsərrüfatın fəaliyyəti, heyvandarlığın inkişafı və məhsuldarlığın artırılması ilə bağlı fermerlə fikir mübadiləsi aparılıb.

Görüş zamanı heyvandarlıq sahəsində tətbiq olunan subsidiya mexanizmləri və yeni qərarlar barədə fermerə ətraflı məlumat verilib. Süd məhsuluna görə subsidiyaların ödənilməsi, ətlik heyvanlarla bağlı subsidiya imkanları və digər məsələlər izah olunub.

Həmçinin heyvanların sağlamlığının qorunması məqsədilə həyata keçirilən profilaktik peyvəndləmə tədbirlərinin əhəmiyyəti diqqətə çatdırılıb və təsərrüfatın daha səmərəli təşkili ilə bağlı müvafiq tövsiyələr verilib.

Görüşdə "Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026-2030-cu illər üçün Dövlət Proqramı"nın əsas prioritet istiqamətləri barədə də söhbət aparılıb. Qeyd olunub ki, heyvandarlığın inkişafı, fermerlərin istehsal imkanlarının genişləndirilməsi və müasir təsərrüfatçılıq metodlarının tətbiqi istiqamətində həyata keçirilən tədbirlər kənd təsərrüfatının davamlı inkişafına xidmət edir.

Tarlalar ağ örpəyə bürünüb

2026-cı təsərrüfat ilində pambıq yığımının başlanmasına start verilib.

Ağcabədi Rayon İcra Hakimiyyətinin başçısı Rafil Hüseynov, Kənd Təsərrüfatı Nazirliyi yanında Aqrar Xidmətlər Agentliyinin (AXA) sədri Sərdar Hacıyev, Ağcabədi Dövlət Aqrar İnkişaf Mərkəzinin direktoru Abbas Süleymanov, Ağcabədi Rayon İcra Hakimiyyətinin və aidiyyəti qurumların nümayəndələri, "Azərpambıq ASK" MMC-nin Ağcabədi filialının direktor əvəzi Ərşad Ağayev və digər şəxslər məhsul yığımının gedişi ilə tanış olublar.

Qonaqlar Ağcabədi şəhəri ərazisində "Azərpambıq ASK" MMC ilə müqavilə əsasında fəaliyyət göstərən fermer Famil Quliyevin pambıq sahəsində işgüzar söhbət ediblər. Burada pambıq bitkisində defolyasiya məqsədilə aparılan dərmanlama tədbirləri ilə tanış olunub, həmçinin digər sahədə pambığın maşınla yığımının gedişi izlənilib.

Fermer təsərrüfatında görülən işlər, məhsuldarlığın artırılması, pambıq yığımının vaxtında və itkisiz həyata keçirilməsi ilə bağlı fikir mübadiləsi aparılıb, mövcud vəziyyət müzakirə olunub və müvafiq tövsiyyələr verilib.

Qeyd olunub ki, pambıqçılığın inkişafı, məhsuldarlığın yüksəldilməsi və fermerlərin fəaliyyət imkanlarının genişləndirilməsi istiqamətində həyata keçirilən tədbirlər aqrar sahənin inkişafına mühüm töhfə verir.

Lazım QULİYEV,

"Azərbaycan"

Bu, 2022-2026-cı illəri əhatə edən sosial-iqtisadi inkişaf strategiyasıdır

Azərbaycan dövləti daim öz qüdrətini daha da artırmaq, yüksək rifah cəmiyyətinin qurulması istiqamətində yeni hədəfləri gerçəkləşdirmək əzmindədir. "Azərbaycan-2030: sosial-iqtisadi inkişafa dair Milli Prioritetlər"  və bu prioritetlərə söykənən "2022-2026-cı illərdə sosial-iqtisadi inkişaf Strategiyası" məhz bu məqsədlə hazırlanmışdır. Sənəd Prezident İlham Əliyevin 21 iyul 2022-ci il tarixli sərəncamı ilə təsdiq olunmuşdur.

Bu strategiyanın 2026-cı ilin sonuna ölkə iqtisadiyyatının simasında böyük dəyişikliklərə səbəb olacağı, onun sayəsində iqtisadi artımın tamamilə yeni keyfiyyət amilləri bazasında formalaşacağı, xüsusilə prioritet sahələrdə artım templərinin sürətlənəcəyi, iqtisadiyyatın və məşğulluğun dayanıqlılığının  daha da güclənəcəyi nəzərdə tutulmuşdur.

Sənəddə deyilir: "Özəl sektorun, o cümlədən mikro, kiçik və orta sahibkarlığın inkişafı yeni və daha səmərəli stimullar və inkişaf mühiti hesabına sürətlənəcək, özəl və xarici investorların ölkə iqtisadiyyatında fəallığı artacaq, qeyri-xammal ixracı genişlənəcəkdir. Qeyri-neft-qaz sektoruna, xüsusilə ərzaq təhlükəsizliyinin daha da gücləndirilməsini təmin edən, ixrac potensialının artırılmasına və kənd yerlərində rifahın yüksəlməsinə töhfə verən rəqabətqabiliyyətli aqrar istehsal və emalı sənayesinə dövlət dəstəyi və investisiyalar cəlb olunacaq, innovasiyalar, habelə dövlət-özəl tərəfdaşlığı ilə bu sahədə resurs və xidmət təminatı gücləndiriləcək".

Sözügedən strategiyaya uyğun olaraq göstərilən vaxtda dövlətə məxsus hüquqi şəxslərin fəaliyyətinin iqtisadi səmərəsinin yüksəldilməsi, iqtisadiyyatda şəffaflığın daha da artması, iqtisadi idarəetmənin keyfiyyətinin yeni səviyyəyə qalxması qarşıda duran vəzifələrdir. Bu sıraya, eləcə də, dövlət əmlakının özəlləşdirilməsi və dövlət-özəl tərəfdaşlığının genişləndirilməsi, dövlətə məxsus olan hüquqi şəxslərin restrukturizasiya tədbirlərinin həyata keçirilməsi, burada dövlət payının azaldılması sahəsində müvafiq işlər görməsi daxildir.

Prioritetlər kimi həmçinin makroiqtisadi və maliyyə sabitliyinin qorunması, dövlət büdcəsinin dayanıqlılığının və səmərəliliyinin artırılması mexanizmlərinin təkmilləşdirilməsi müəyyənləşdirilib. Nəzərdə tutulub ki, kapital bazarının inkişaf mühitində əhəmiyyətli dəyişikliklər baş verəcək, real sektorun və sahibkarlığın maliyyə xidmətlərinə və resurslarına çıxış imkanlarının genişləndirilməsi mexanizmləri gücləndiriləcək. İnsan kapitalının davamlı inkişafı və yeni keyfiyyətə transformasiyası mühiti daha da təkmilləşəcək, milli iqtisadiyyatda innovasiyaların sürətlə mənimsənilməsi üçün zəruri ekosistem formalaşacaq, ölkənin "yaşıl enerji" məkanına çevrilməsi və ətraf mühitin sağlamlaşması prosesləri sürətlənəcək.

Eləcə də innovasiyaların təşviq ediləcəyi, müasir texnoloji həllərin tətbiqinin genişləndiriləcəyi, bu zəmində iqtisadiyyatın effektivlik əsasında inkişafı və rəqabətədavamlılığının təmin olunacağı bildirilib. Əhalinin sosial müdafiəsinin, xüsusilə həssas təbəqələrin sosial təminatının gücləndiriləcəyi, pensiya sistemində mühüm keyfiyyət dəyişikliyi baş verəcəyi qeyd olunub.

"Nəhayət, ölkənin sosial-iqtisadi inkişafında tarixi dönüş dövrü və yeni strateji mərhələ olan işğaldan azad edilmiş ərazilərin bərpası və ölkə iqtisadiyyatına reinteqrasiyası əsasında bu regiona böyük qayıdış təmin ediləcəkdir", - deyə sənəddə bu məsələ də xüsusi vurğulanıb.

Məlum olduğu kimi, sənətin icra vəziyyəti iqtisadi islahatların Təhlili və Kommunikasiya Mərkəzi (İİTKM) tərəfindən rəqəmsal portallar vasitəsilə izlənilir.

Bu yaxınlarda "Azərbaycan Respublikasının 2022-2026-cı illərdə sosial-iqtisadi inkişaf Strategiyası"nda nəzərdə tutulan dayanıqlı və rəqabətqabiliyyətli iqtisadiyyat üzrə hədəflərə nail olunması məqsədilə yaradılmış "İqtisadi artım" üzrə işçi qrupun növbəti iclası keçirilib. İclasda strategiya üzrə nəzərdə tutulan tədbirlərin icra vəziyyəti, görülmüş işlər və qarşıda duran vəzifələr müzakirə edilib.İşçi qrupun sədri, iqtisadiyyat nazirinin müavini Səməd Bəşirli strategiya üzrə həyata keçirilən tədbirlərin ölkəmizdə dayanıqlı və rəqabətqabiliyyətli iqtisadi inkişafın təmin olunmasında əhəmiyyətini vurğulayıb. İşçi qrupunun fəaliyyət istiqamətləri üzrə tədbirlərin icra vəziyyəti, həmçinin İqtisadiyyat Nazirliyinin əsas icraçı olduğu tədbirlər çərçivəsində görülmüş işlər barədə məlumat verib.

İqtisadi İslahatların Təhlili və Kommunikasiya Mərkəzinin icraçı direktorunun müavini Təranə Salıfova strategiyanın icrasının yekun mərhələsinə yaxınlaşması fonunda 2026-cı il üzrə hədəflərə nail olunmasının, icrası davam edən tədbirlərin sürətləndirilməsinin və nəticə indikatorları üzrə nəzərdə tutulan göstəricilərin təmin edilməsinin əhəmiyyətini vurğulayıb.

İİTKM-in Monitorinq və qiymətləndirmə şöbəsinin müdiri Orxan sadıqov Strategiyanın monitorinq və qiymətləndirilməsi çərçivəsində 2026-cı ilin 6 ayı ərzində görülmüş işlər və qarşıda duran fəaliyyət istiqamətləri barədə məlumat verilib.

Daha sonra strategiyada nəzərdə tutulan tədbirlərin icrası ilə bağlı görüləcək işlər ətrafında fikir mübadiləsi aparılıb, növbəti addımlar müəyyənləşdirilib.

Qeyd edək ki, "Azərbaycan Respublikasının 2022-2026-cı illərdə sosial-iqtisadi inkişaf Strategiyası"nda nəzərdə tutulmuş tədbirlərin tam, vaxtında və effektiv icrasının təmin edilməsi, həmçinin aidiyyəti dövlət orqanlarının fəaliyyətinin əlaqələndirilməsi məqsədilə 8 işçi qrupu fəaliyyət göstərir.

Flora SADIQLI,

"Azərbaycan"

Azərbaycan Respublikası Prezidentinin 25 may 2026-cı il tarixli sərəncamı ilə təsdiq edilmiş "Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026-2030-cu illər üçün Dövlət Proqramı"  ölkədə aqrar sahənin yeni inkişaf mərhələsinə keçirilməsi, intensiv və rəqabətqabiliyyətli istehsal modelinin genişləndirilməsi, məhsuldarlığın artırılması, müasir texnologiyaların tətbiqinin sürətləndirilməsi və ərzaq təhlükəsizliyinin daha da möhkəmləndirilməsi kimi qarşıya mühüm vəzifələr qoymuşdur. 

Dövlət proqramında kənd təsərrüfatı məhsullarının istehsalı və emalında müasir yanaşmaların tətbiqi, resurslardan, xüsusilə su və torpaq ehtiyatlarından səmərəli istifadə, aqrar dəyər zəncirinin inkişaf etdirilməsi, istehsalçıların müasir aqrar xidmətlərə çıxış imkanlarının genişləndirilməsi, emal və logistika infrastrukturunun gücləndirilməsi, eləcə də yerli istehsalın və ixrac potensialının artırılması kimi əsas istiqamətlər  müəyyənləşdirilmişdir.  Proqram çərçivəsində aqrar sahədə məhsuldarlığın və rəqabət qabiliyyətinin yüksəldilməsi ilə yanaşı, iqlimə davamlı və innovasiya əsaslı istehsal modelinə keçidin sürətləndirilməsi də nəzərdə tutulmuşdur. 

dövlət proqramının icrası ilə əlaqədar Goranboy rayonunda kənd təsərrüfatı sahəsində fəaliyyət göstərən təsərrüfatlarda monitorinqlərin keçirilməsinə başlanılmışdır. Növbəti monitorinq çərçivəsində Goranboy Rayon İcra Hakimiyyətinin başçısı Məhərrəm Quliyev, Azərbaycan Respublikası Prezidentinin Administrasiyasının Ərazi-təşkilat məsələləri şöbəsinin sektor müdiri Adil Vəliyev, Azərbaycan Respublikası Kənd Təsərrüfatı Nazirliyinin tabeliyində Aqrar Tədarük və Təchizat ASC-nin İdarə Heyətinin sədri Elgün Məhəmmədəlizadə, eləcə də rayonda yaradılmış qərargahın üzvləri Goranboy rayonunun Muzdurlar kəndində kənd təsərrüfatı texnikalarının istehsalı ilə məşğul olan müəssisədə olmuşlar. Monitorinq zamanı müəssisənin fəaliyyəti, istehsal imkanları, mövcud maddi-texniki baza, istehsal olunan məhsulların çeşidi, texnoloji proseslər və gələcək inkişaf perspektivləri ilə bağlı ətraflı məlumat verilərək bildirilmişdir ki, müəssisədə kənd təsərrüfatında istifadə olunan müxtəlif texnika və avadanlıqlar, o cümlədən lazer mala, diskli mala, dişli mala və müxtəlif təyinatlı ferma avadanlıqları istehsal olunur. İstehsal prosesində müasir texnologiyalardan və yerli imkanlardan istifadə edilməklə kənd təsərrüfatı istehsalının texniki təminatına töhfə verilməsi məqsədilə müxtəlif növ aqrar texnikaların hazırlanması həyata keçirilir. Baxış zamanı müəssisənin istehsal gücünün artırılması, məhsul çeşidinin genişləndirilməsi, yeni texnologiyaların tətbiqi, müasir kənd təsərrüfatı texnikalarının istehsalının artırılması və rayonun aqrar təsərrüfatlarının texniki ehtiyaclarının yerli istehsal hesabına daha geniş şəkildə ödənilməsi məsələləri ətrafında fikir mübadiləsi aparılmışdır. Qeyd olunmuşdur ki, kənd təsərrüfatının müasir texnika və avadanlıqlarla təmin edilməsi məhsuldarlığın yüksəldilməsi, əmək və vaxt itkilərinin azaldılması, aqrotexniki tədbirlərin optimal müddətdə həyata keçirilməsi və istehsal xərclərinin səmərələşdirilməsi baxımından mühüm əhəmiyyət daşıyır. 

Monitorinq zamanı   mövcud imkanlar müəyyənləşdirilərək istehsalçıların qarşılaşdıqları problemlərin operativ həlli və dövlət proqramından irəli gələn tədbirlərin yerlərdə səmərəli icrasının təmin edilməsi ətrafında müzakirələr aparılmış, kənd təsərrüfatının inkişafı, müasir istehsal və emal imkanlarının genişləndirilməsi, yerli istehsalın artırılması, aqrar sahədə çalışan sahibkarlara dəstəyin gücləndirilməsi və yeni layihələrin həyata keçirilməsi istiqamətində fikir mübadiləsi aparılmışdır.

Sabir ƏLİYEV,

"Azərbaycan"

Azərbaycanda dağ-mədən sənayesinin inkişaf dinamikası son illərdə müsbət istiqamətdə dəyişib. Əvvəlki dövrlə müqayisədə bu sahədə istehsal imkanlarının genişləndirilməsi, yeni yataqların istismara cəlb edilməsi, müasir texnologiyaların tətbiqi və emal imkanlarının artırılması istiqamətində mühüm addımlar atılıb.

Bunu AZƏRTAC-a açıqlamasında Milli Məclisin deputatı Aydın Hüseynov bildirib.

Onun sözlərinə görə, dağ-mədən sənayesi Azərbaycanın qeyri-neft sektorunun mühüm istiqamətlərindən biri olmaqla, ölkənin iqtisadi potensialının artırılmasında xüsusi əhəmiyyət daşıyır.

"Əvvəlki illərdə əsasən xammal hasilatı ilə xarakterizə olunan sahədə hazırda əlavə dəyərin artırılması, hasil olunan resursların daha səmərəli emalı və istehsal zəncirinin genişləndirilməsi məsələlərinə diqqət artırılıb. Azərbaycan zəngin mineral-xammal ehtiyatlarına malik ölkələrdəndir. Son dövrdə dağ-mədən sənayesinə investisiyaların artırılması, istehsal proseslərinin modernləşdirilməsi və beynəlxalq standartlara uyğun texnologiyaların tətbiqi sahənin inkişafına müsbət təsir göstərir. Bu dinamika həm sənaye istehsalının artmasına, həm də yeni iş yerlərinin yaradılmasına şərait yaradır", - deyə deputat qeyd edib.

A.Hüseynov vurğulayıb ki, işğaldan azad edilmiş ərazilərdə mövcud mineral ehtiyatların iqtisadi dövriyyəyə cəlb edilməsi də Azərbaycanın dağ-mədən sənayesinin gələcək inkişaf perspektivlərini genişləndirir. Bu baxımdan geoloji tədqiqatların aparılması, yataqların qiymətləndirilməsi və müasir hasilat texnologiyalarının tətbiqi xüsusi əhəmiyyət daşıyır.

Deputat əlavə edib ki, qarşıdakı dövrdə əsas məqsədlərdən biri təbii sərvətlərdən səmərəli istifadə etməklə yanaşı, onların emal səviyyəsini yüksəltmək və dağ-mədən sənayesinin ölkə iqtisadiyyatında yaratdığı əlavə dəyəri artırmaq olmalıdır.

A.Hüseynov qeyd edib ki, növbəti mərhələdə əsas hədəflərdən biri təbii ehtiyatlardan səmərəli və davamlı istifadə etməklə yanaşı, onların emal səviyyəsinin artırılmasıdır. Bunun üçün innovativ texnologiyaların tətbiqi, ekoloji tələblərə əməl olunması, istehsalın enerji səmərəliliyinin yüksəldilməsi və insan kapitalının inkişaf etdirilməsi xüsusi əhəmiyyət daşıyır: "Dağ-mədən sənayesinin inkişafında əsas məqsəd ölkənin təbii sərvətlərindən maksimum iqtisadi fayda əldə etmək, eyni zamanda gələcək nəsillər üçün dayanıqlı inkişaf prinsiplərini qorumaqdır. Bu baxımdan hasilatla yanaşı, emal sənayesinin inkişaf etdirilməsi və məhsulların rəqabətqabiliyyətliliyinin artırılması Azərbaycanın iqtisadi potensialının daha da gücləndirilməsinə xidmət edəcək".

Prezident İlham Əliyevin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə bu sahənin Azərbaycanın iqtisadi inkişafında qarşıdakı dövrdə prioritet istiqamətlərdən biri kimi müəyyənləşdirildiyini göstərir. Müşavirədə ölkənin qeyri-neft sektorunun genişləndirilməsi, regionların iqtisadi potensialından səmərəli istifadə, yeni sənaye müəssisələrinin yaradılması və faydalı qazıntıların hasilatından emalına qədər tam istehsal zəncirinin formalaşdırılması ilə bağlı mühüm məsələlər diqqətə çatdırılıb.

Bu sözləri AZƏRTAC-a açıqlamasında Milli Məclisin deputatı Novruzəli Aslanov söyləyib.

O bildirib ki, dağ-mədən və metallurgiya sənayesinin inkişafına dair Dövlət Proqramı Azərbaycanın qeyri-neft sektorunun şaxələndirilməsi, regionların iqtisadi potensialının artırılması və yeni sənaye imkanlarının yaradılması baxımından mühüm əhəmiyyət daşıyır. Proqramın cəmi dörd il ərzində icrası nəzərdə tutulur. Bu müddətdə 5 mindən çox daimi iş yerinin yaradılması, dövlət büdcəsinə əlavə vergi daxilolmalarının təmin edilməsi, ixrac imkanlarının genişləndirilməsi və illik maliyyə təsirinin 1 milyard manatdan çox olması gözlənilir. Bu proses xüsusilə işğaldan azad edilmiş Qarabağ və Şərqi Zəngəzur iqtisadi rayonları üçün böyük əhəmiyyət kəsb edir. Kəlbəcər, Ağdərə və Zəngilan kimi ərazilərdə qızıl, mis və molibden yataqlarının müasir geoloji üsullarla yenidən qiymətləndirilməsi və istismara hazırlanması həmin ərazilərdə yeni iqtisadi fəaliyyət sahələrinin formalaşmasına, məşğulluğun artmasına və investisiya imkanlarının genişlənməsinə şərait yarada bilər. Burada əsas məqsəd yalnız faydalı qazıntıların hasilatı deyil. Yataqlardan çıxarılan filizin zənginləşdirilməsi və emalının da ölkə daxilində təşkil edilməsi xüsusi əhəmiyyət daşıyır. Beləliklə, xammalın, sadəcə, ixracı əvəzinə daha yüksək əlavə dəyər yaradan istehsal zənciri formalaşdırmaq mümkündür.

"Dağ-mədən sənayesinin inkişafı regionların sosial-iqtisadi inkişafı istiqamətində son iyirmi ildə həyata keçirilən dövlət proqramlarının məntiqi davamı kimi də qiymətləndirilə bilər. 2004-cü ildən başlayaraq regionlarda yolların, məktəblərin, xəstəxanaların, dəmir yollarının və hava limanlarının tikintisi, qazlaşdırma və enerji infrastrukturunun genişləndirilməsi iqtisadi fəaliyyət üçün mühüm baza yaradıb. Bu infrastruktur imkanlarının yeni sənaye layihələri ilə tamamlanması regionların iqtisadi potensialından daha səmərəli istifadə olunmasına imkan verə bilər. Müşavirədə iqtisadi artımın mövcud göstəricilərinə də diqqət yetirilib. ÜDM artım tempinin aşağı düşməsində təbii neft hasilatının azalmasının əsas amillərdən biri olduğu qeyd edilir. Bununla yanaşı, qeyri-neft sektorunda artımın davam etməsi iqtisadiyyatın şaxələndirilməsi baxımından mühüm göstəricidir. Dağ-mədən və metallurgiya sənayesinin inkişafı da qeyri-neft sektorunda yeni artım mənbələri yaradacaq", - deyə N.Aslanov vurğulayıb.

Deputat əlavə edib ki, "Filizçay" polimetal yatağı, "Daşkəsən" filiz yatağı və Qərb Sənaye Parkı ilə bağlı layihələr xüsusi əhəmiyyət daşıyır. Qərb Sənaye Parkında filiz hasilatı ilə yanaşı, zənginləşdirmə, pelet və briketləşdirilmiş dəmir istehsalı müəssisələrinin yaradılması nəzərdə tutulur. Eyni zamanda alüminium istehsalının 2030-cu ilin sonuna qədər 100 min tona çatdırılması qarşıya qoyulan hədəflər sırasında yer alır. "Filizçay" yatağının istismara hazırlanması da mühüm layihələrdən biridir. Bu yataq üzrə texniki-iqtisadi əsaslandırmanın hazırlanması və investisiya qərarının qəbul edilməsi qarşıdakı mərhələdə əsas məsələlərdən olacaq. Dövlət və özəl sektorun, o cümlədən xarici investorların prosesə cəlb edilməsi iri layihələrin maliyyələşdirilməsi və müasir texnologiyaların tətbiqi üçün əlavə imkanlar yarada bilər.

Müşavirədə ekoloji məsələlərin də xüsusi diqqətdə saxlanılması vurğulanıb. Belə ki, dağ-mədən sənayesinin inkişafı ilə yanaşı, meşələrin, su ehtiyatlarının və digər təbii sərvətlərin qorunması əsas prioritetlərdən biri olmalıdır. İstehsal proseslərinin müasir ekoloji standartlara uyğun qurulması, ciddi ekspertizanın aparılması və təbiətə təsirin minimuma endirilməsi sənayeləşmənin dayanıqlı xarakter daşıması baxımından vacibdir.

Otuz ilə yaxın ərazilərinin 20 faizi işğal altında saxlanılan Azərbaycan təcavüzkar Ermənistanla danışıqlar apararaq münaqişəni ilk növbədə sülh yolu ilə nizamlamağa çalışırdı. Bakı öz torpaqlarının müharibəsiz qaytarılmasının tərəfdarı olsa da, vasitəçilik effekt vermir, müzakirələr nəticəsiz qalırdı. Üstəlik, Ermənistan tərəfinin ozamankı status-kvonu möhkəmləndirmək və yeni ərazilər zəbt etmək niyyəti aydın şəkildə üzə çıxırdı. Təbii ki, Azərbaycan işğalla barışa bilməzdi və barışmadı. Bu səbəbdən, ölkəmiz sülh danışıqlarına paralel olaraq öz imkanlarını, iqtisadi müstəqilliyini, hərbi qüdrətini və beynəlxalq nüfuzunu artırmağa davam edirdi.

Düzgün strategiya və düşünülmüş məqsədyönlü siyasət nəticəsində Azərbaycan Ordusunun arsenalı ən müasir silah və hərbi texnika ilə zənginləşdirilir, hərbçilərin bilik və bacarıqları artırılırdı. Eyni zamanda diplomatik müstəvidə yürüdülən çoxşaxəli və prinsipial xarici siyasət, beynəlxalq təşkilatlar, xarici dövlətlərlə fəal işin aparılması, habelə regional enerji və kommunikasiya layihələri Azərbaycanın mövqeyini daha da möhkəmləndirirdi. Ölkəmizin nüfuzu artır, bölgədə Azərbaycanın iradəsi həlledici olurdu. Bütün bu amillər torpaqlarımızın işğaldan azad edilməsini sadəcə zaman məsələsinə çevirirdi. Real güc nisbəti qarşısında belə Bakı son ana qədər məsələnin qan tökülmədən, beynəlxalq hüquq çərçivəsində həllinə şans verirdi. Təəssüf ki, rəsmi İrəvan konstruktiv mövqe nümayiş etdirmək əvəzinə, vəziyyəti daha da gərginləşdirmək yolunu tuturdu.

Azərbaycanın dəfələrlə Ermənistanı işğal etdiyi əraziləri azad etməyə çağırmasına baxmayaraq, qarşı tərəf buna məhəl qoymur, yeni torpaqlar işğal etmək niyyətinə düşür, ardıcıl hərbi təxribatlar yolunu seçirdi. Həmçinin danışıqlar prosesinin formatını və məzmununu məhv edərək, BMT Təhlükəsizlik Şurasının qətnamələrini icra etməkdən boyun qaçırır, sülh tərəfdarı olmadığını açıq şəkildə ortaya qoyurdu. Ermənistanın baş naziri Nikol Paşinyanın 2019-cu il avqustun 5-də Xankəndidə "Qarabağ Ermənistanın bir hissəsidir və nöqtə" bəyanatı işğalçılıq siyasətinin ən bariz etirafı oldu. Paralel olaraq, İrəvan qondarma rejimi "dövlət" adlandırır, şəhər və kəndlərimizin adlarını dəyişdirir, ölkəmizi yeni müharibə ilə hədələyirdi. Həmin dövrdə müdafiə naziri olmuş D.Tonoyan açıq şəkildə bəyan edirdi ki, Ermənistan yeni əraziləri zəbt etmək uğrunda müharibəyə hazırlaşır. 

İrəvanın təxribatçı addımları tezliklə hərbi müstəviyə keçdi. 2020-ci ilin iyul ayında Ermənistan Azərbaycanla dövlət sərhədinin Tovuz istiqamətində növbəti hərbi təxribat törətdi. Təxribatın məqsədi regionda yeni gərginlik mənbəyi yaratmaq, işğal faktını ikinci plana keçirmək, üçüncü dövlətləri münaqişəyə cəlb etmək idi. Lakin Azərbaycan Ordusu düşmənə sarsıdıcı zərbə endirərək bu planı boşa çıxardı. İrəvan bundan nəticə çıxarmayaraq 2020-ci ilin avqust ayında terror aktları törətmək məqsədilə Azərbaycana diversiya qrupu göndərdi, lakin bu təxribat planı da hərbçilərimiz tərəfindən pozuldu. Baş verənlər fonunda danışıqlar prosesi tamamilə dalana dirəndi, demək olar ki, nəticəsiz şəkildə dayanmışdı. Çünki Ermənistan rəhbərliyi prosesi imitasiya xatirinə aparırdı. 

Gedişatı düzgün dəyərləndirən Azərbaycan Prezidenti İlham Əliyev hələ 2020-ci il sentyabrın 24-də, yəni hərbi əməliyyatların başlamasından bir neçə gün öncə BMT Baş Assambleyasının 75-ci sessiyasının ümumi debatlarında videoformatda çıxışı zamanı dünya birliyinin diqqətini baş verən hadisələrə yönəltdi. Dövlətimizin başçısı Ermənistanın yeni təxribatları və təcavüzkar siyasəti barədə xəbərdarlıq edərək, beynəlxalq aləmi İrəvana təzyiq göstərməyə və təxribatlardan çəkindirməyə çağırdı. Prezident İlham Əliyev Ermənistanın BMT Təhlükəsizlik Şurasının qətnamələrinə məhəl qoymadığını, işğal olunmuş ərazilərdə qanunsuz məskunlaşdırma siyasəti yürütdüyünü, Azərbaycan xalqına məxsus mədəni irsi talan etdiyini və təmas xətti boyunca mülki vətəndaşlarımızı məqsədyönlü şəkildə hədəfə aldığını diqqətə çatdırdı. 

İyul təxribatına toxunan dövlətimizin başçısı bildirdi ki, 2020-ci il iyulun 12-də Ermənistanın növbəti təxribatı nəticəsində hərbçilərimiz və 76 yaşlı mülki vətəndaşımız həlak oldu, mülki infrastruktura ciddi zərər dəydi. Daha sonra avqust ayındakı diversiya cəhdini xatırladan Prezident İlham Əliyev yaxalanan dəstə başçısının mülki vətəndaşlara qarşı terror aktları planlaşdırdığını etiraf etdiyini vurğuladı. Dövlətimizin başçısı həmin ilin mart ayında Azərbaycanın işğal olunmuş torpaqlarında təşkil edilmiş qondarma "seçkiləri", Ermənistan rəsmilərinin hədələrini, Mingəçevir su anbarı və neft-qaz terminalları kimi strateji obyektlərin hədəf seçilməsini növbəti təxribat cəhdləri adlandırdı. 

Bütün bu faktları beynəlxalq ictimaiyyətin nəzərinə çatdıran Azərbaycan Prezidenti Ermənistanın irimiqyaslı müharibəyə hazırlaşdığını aydın şəkildə bəyan etdi: "Ermənistan rəhbərliyinin düşməncəsinə verilən bəyanatları və edilən təxribatlar Ermənistanın Azərbaycana qarşı yeni müharibəyə hazırlaşdığını nümayiş etdirir. Biz BMT-ni və beynəlxalq ictimaiyyəti Ermənistanı növbəti hərbi təcavüzdən çəkindirməyə dəvət edirik. Təxribatların baş verməsinə və gərginliyin artmasına görə məsuliyyət tam şəkildə Ermənistanın hərbi-siyasi rəhbərliyinin üzərinə düşür".

Ermənistan rəhbərliyi bu xəbərdarlıqdan dərs çıxarmadı, beynəlxalq ictimaiyyət isə İrəvana təzyiq etmədi. Beynəlxalq birliyin seyrçi mövqeyi və hüququn aliliyini təmin etməkdə acizliyi Ermənistanın arxayınlaşmasına və növbəti avantüralara əl atmasına zəmin yaratdı. Düşmən tərəfin hərbi-siyasi rəhbərliyinin israrlı və davamlı təxribatları müharibəni qaçılmaz etdi. 

Nəticədə 2020-ci il sentyabrın 27-də Ermənistanın növbəti irimiqyaslı hərbi əməliyyatlara başlamasına cavab olaraq Azərbaycan Ordusu əks-hücuma keçdi və "Dəmir yumruq" əməliyyatı Vətən müharibəsinə çevrildi. Bütün cəbhələrdə erməni silahlı qüvvələrini darmadağın edən Azərbaycan öz doğma torpaqlarını otuzillik düşmən işğalından azad etdi. Dövlətimizin başçısı İlham Əliyevin xəbərdarlıqlarından dərs çıxartmayan işğalçı Ermənistan öz təcavüzkar siyasətinin acı nəticələri ilə üz-üzə qalaraq kapitulyasiya sənədinə imza atmağa məcbur oldu. 

İsmayıl QOCAYEV, 

"Azərbaycan"

Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. Azərbaycan Respublikası Prezidentinin 2024-cü il 7 noyabr tarixli 226 nömrəli Fərmanı (Azərbaycan Respublikasının Qanunvericilik Toplusu, 2024, № 11, maddə 1196; 2025, № 8, maddə 749; 2026, 

№ 5 (I kitab), maddə 408) ilə təsdiq edilmiş "Azərbaycan Nəqliyyat və Kommunikasiya Holdinqi (AZCON)" publik hüquqi şəxsin idarəetməsinə veriləcək dövlət müəssisələrinin, habelə dövlət payı olan təsərrüfat cəmiyyətlərinin və publik hüquqi şəxslərin siyahısı"na aşağıdakı məzmunda 8.7- ci  bənd əlavə edilsin:

"8.7. "Hərbiləşdirilmiş Mühafizə İdarəsi" Məhdud Məsuliyyətli Cəmiyyəti.".

2. Azərbaycan Respublikasının Nazirlər Kabineti bu Fərmandan irəli gələn məsələləri həll etsin.

İlham ƏLİYEV,

Azərbaycan Respublikasının Prezidenti

Bakı şəhəri, 23 sentyabr 2026-cı il

Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 3-cü və 32-ci bəndlərini rəhbər tutaraq, "Azərbaycan Respublikasında dağ-mədən (metal filizləri) və metallurgiya sənayesinin inkişafının təmin edilməsi ilə bağlı bir sıra tədbirlər haqqında" Azərbaycan Respublikası Prezidentinin 2026-cı il 1 aprel tarixli 986 nömrəli Sərəncamının icrası ilə əlaqədar qərara alıram:

1. "Azərbaycan Respublikasında dağ-mədən (metal filizləri) və metallurgiya sənayesinin inkişafına dair 2027-2030-cu illər üçün Dövlət Proqramı" (bundan sonra - Dövlət Proqramı) təsdiq edilsin (əlavə olunur).

2. Azərbaycan Respublikasının Nazirlər Kabineti:

2.1. Dövlət Proqramında nəzərdə tutulmuş tədbirlərin əlaqələndirilməsini və icrasına nəzarəti həyata keçirsin;

2.2. Dövlət Proqramında nəzərdə tutulmuş tədbirlərin icra vəziyyəti barədə ildə bir dəfə Azərbaycan Respublikasının Prezidentinə məlumat versin;

2.3. bu Sərəncamdan irəli gələn digər məsələləri həll etsin.

3. Dövlət Proqramında nəzərdə tutulmuş tədbirlərin icrasının monitorinqini və qiymətləndirilməsini Azərbaycan Respublikası Nazirlər Kabinetinin sifarişi əsasında İqtisadi İslahatların Təhlili və Kommunikasiya Mərkəzi həyata keçirsin.

4. Azərbaycan Respublikasının Maliyyə Nazirliyi və Azərbaycan Respublikasının İqtisadiyyat Nazirliyi Dövlət Proqramında nəzərdə tutulmuş tədbirlərin maliyyələşdirilməsi məqsədilə hər il Azərbaycan Respublikası dövlət büdcəsinin və dövlət investisiya proqramlarının tərtibi prosesində zəruri maliyyə vəsaitinin nəzərdə tutulması üçün müvafiq tədbirlər görsünlər.

İlham ƏLİYEV,

Azərbaycan Respublikasının Prezidenti

Bakı şəhəri, 23 sentyabr 2026-cı il

Ətraflı:

Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

"AzerGold" Qapalı Səhmdar Cəmiyyətinin Müşahidə Şurasının tərkibinin təsdiq edilməsi haqqında" Azərbaycan Respublikası Prezidentinin 2021-ci il 22 fevral tarixli 2515 nömrəli Sərəncamının (Azərbaycan Respublikasının Qanunvericilik Toplusu, 2021, ¹ 2, maddə 180 (Cild I); 2025, ¹ 12 (II kitab), maddə 1166) birinci hissəsində "Mehman İsmayılov - Azərbaycan Respublikasının Maliyyə Nazirliyi Aparatının İnvestisiya layihələrinin və infrastrukturunun maliyyəsi" sözləri "Gündüz Əliyev - Azərbaycan Respublikasının Maliyyə Nazirliyi Aparatının Maliyyə xidmətləri və dövlət müəssisələri üzrə siyasət" sözləri ilə əvəz edilsin.

İlham ƏLİYEV,

Azərbaycan Respublikasının Prezidenti

Bakı şəhəri, 23 sentyabr 2026-cı il

№ 310

Azərbaycan Respublikası Nazirlər Kabinetinin QƏRARI

Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, “Bir sıra dövlət qurumlarının fəaliyyətinin təkmilləşdirilməsi haqqında” Azərbaycan Respublikası Prezidentinin 2026-cı il 20 fevral tarixli 599 nömrəli Fərmanının 4.2-ci bəndinə və Azərbaycan Respublikası Prezidentinin 2012-ci il 6 iyun tarixli 648 nömrəli Fərmanı ilə təsdiq edilmiş “Yerli icra hakimiyyətləri haqqında Əsasnamə”nin 2.8-ci bəndinə əsasən Azərbaycan Respublikasının Nazirlər Kabineti qərara alır:

1. Bakı Şəhər İcra Hakimiyyəti başçısının tabeliyində “Mərkəzi Nəbatat Bağı” və “Dendrologiya Bağı” publik hüquqi şəxslər Bakı Şəhər İcra Hakimiyyəti başçısının tabeliyində “Mərkəzi Nəbatat və Dendrologiya Bağı” Məhdud Məsuliyyətli Cəmiyyətinə (bundan sonra – Cəmiyyət) çevrilmə yolu ilə yenidən təşkil edilsin.

2. Cəmiyyətin işçilərinin say həddi 230 ştat vahidi müəyyən edilsin.

3. Cəmiyyətin ümumi yığıncağının səlahiyyətlərinin həyata keçirilməsi aşağıdakılara həvalə edilsin:

3.1. Azərbaycan Respublikasının Nazirlər Kabinetinə:

3.1.1. Azərbaycan Respublikasının Prezidenti ilə razılaşdırmaqla, Cəmiyyətin yenidən təşkili və ləğv edilməsi;

3.2. Azərbaycan Respublikasının İqtisadiyyat Nazirliyinə:

3.2.1. Cəmiyyətin nizamnaməsinin təsdiqi və nizamnamə kapitalının miqdarının müəyyən olunması, onlarda dəyişiklik edilməsi;

3.2.2. Cəmiyyətin nümayəndəlik və filiallarının yaradılmasına və ya ləğvinə, törəmə cəmiyyətlərinin yaradılmasına, yenidən təşkilinə və ya ləğvinə razılıq verilməsi;

3.3. Bakı Şəhər İcra Hakimiyyətinə:

3.3.1. bu Qərarın 3.1.1-ci, 3.2.1-ci və 3.2.2-ci yarımbəndlərində qeyd edilənlər istisna olmaqla, Azərbaycan Respublikasının Mülki Məcəlləsi, Azərbaycan Respublikasının bu sahədə münasibətləri tənzimləyən digər normativ hüquqi aktları və Cəmiyyətin nizamnaməsi ilə ümumi yığıncağın səlahiyyətlərinə aid edilmiş digər məsələlərin həlli.

4. Bakı Şəhər İcra Hakimiyyəti:

4.1. Cəmiyyətin nizamnaməsi və nizamnamə kapitalının miqdarı ilə bağlı təkliflərini hazırlayıb iki ay müddətində Azərbaycan Respublikasının İqtisadiyyat Nazirliyinə təqdim etsin;

4.2. Azərbaycan Respublikasının Maliyyə Nazirliyi ilə razılaşdırmaqla, Cəmiyyətin strukturunu, əməkhaqqı sistemini və xərclər smetasını üç ay müddətində təsdiq etsin;

4.3. Cəmiyyətin dövlət qeydiyyatına alınması üçün onun nizamnaməsi təsdiq edildikdən sonra 3 (üç) gün müddətində “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanununa uyğun olaraq tədbirlər görsün;

4.4. bu Qərardan irəli gələn digər məsələləri həll etsin.

5. Azərbaycan Respublikasının İqtisadiyyat Nazirliyi Cəmiyyətin nizamnaməsinin təsdiqi, nizamnamə kapitalının miqdarının müəyyən edilməsi və dövlət qeydiyyatına alınması üçün zəruri tədbirlərin görülməsini təmin etsin.

6. “Bakı Şəhər İcra Hakimiyyəti başçısının tabeliyində “Mərkəzi Nəbatat Bağı” və “Dendrologiya Bağı” publik hüquqi şəxslərin yaradılması haqqında” Azərbaycan Respublikası Nazirlər Kabinetinin 2022-ci il 7 yanvar tarixli 5 nömrəli Qərarının (Azərbaycan Respublikasının Qanunvericilik Toplusu, 2022, № 1, maddə 57 (Cild I) 3-cü, 4-cü və 8-ci hissələri ləğv edilsin.

7. Bu Qərarda dəyişiklik Azərbaycan Respublikası Prezidentinin 2023-cü il 6 oktyabr tarixli 2328 nömrəli Fərmanı ilə təsdiq edilmiş “İcra hakimiyyəti orqanlarının normativ hüquqi aktlarının layihələrinin hazırlanması, razlaşdırılması, qəbul edilməsi və dərc edilməsi qaydası haqqında Əsasnamə”nin 3.5-ci bəndinə uyğun edilə bilər.

8. Bu Qərarın 6-cı hissəsi Cəmiyyət “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanunu ilə müəyyən edilmiş qaydada dövlət qeydiyyatına alındığı gündən qüvvəyə minir.

Əli Əsədov,

Azərbaycan Respublikasının Baş naziri

Bakı şəhəri, “ 22 ” “ sentyabr ” 2026-cı il

№ 311

Azərbaycan Respublikası Nazirlər Kabinetinin QƏRARI

Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, Azərbaycan Respublikasının Nazirlər Kabineti qərara alır:

1. Azərbaycan Respublikası Nazirlər Kabinetinin 2017-ci il 17 noyabr tarixli 500 nömrəli Qərarı (Azərbaycan Respublikasının Qanunvericilik Toplusu, 2017, № 11, maddə 2164 (Cild I); 2024, № 1, maddə 127, № 2, maddə 244, № 4, maddə 465, № 7, maddələr 891, 903, № 9, maddələr 1045, 1106, № 10, maddələr 1165, 1178, № 11, maddə 1257, № 12 (I kitab), maddələr 1319, 1324; 2025, № 2, maddə 187, № 3, maddələr 266, 268, № 5, maddə 512, № 9, maddələr 845, 868, № 10, maddə 971, № 12 (II kitab), maddə 1261; 2026, № 1, maddə 80, № 2, maddə 178, № 4, maddə 383, № 5 (II kitab), maddələr 452, 466; Azərbaycan Respublikası Nazirlər Kabinetinin 2026-cı il 15 iyul tarixli 216 nömrəli, 20 iyul tarixli 221 nömrəli və 9 sentyabr tarixli 282 nömrəli qərarları) ilə təsdiq edilmiş “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə 7415 33 000 0 alt yarımmövqeyinə aid sətrin “Tarif dərəcəsi (gömrük dəyərinə görə faizlə və ya ölçü vahidinə görə ABŞ dolları ilə)” sütununda “15 (1000 kq – 15 ABŞ dolları*)” sözləri “15 (1000 kq – 15 ABŞ dolları, 31.12.2029-cu il tarixinədək 1000 kq – 300 ABŞ dolları*)” sözləri ilə əvəz edilsin.

2. Bu Qərar dərc edildiyi gündən 30 (otuz) gün sonra qüvvəyə minir.

Əli Əsədov,

Azərbaycan Respublikasının Baş naziri

Bakı şəhəri, “ 22 ” “ sentyabr ” 2026-cı il

SOCAR-ın prezidenti Rövşən Nəcəf Türkiyənin “Karpowership” şirkətinin İdarə Heyətinin sədri Orhan Remzi Karadeniz ilə görüşüb.

AZƏRTAC qurumun yaydığı məlumata istinadən xəbər verir ki, görüşdə qonaqlara SOCAR-ın qlobal genişlənmə strategiyası, müxtəlif ölkələrdə həyata keçirdiyi layihələr barədə məlumat verilib.

Beynəlxalq fəaliyyət coğrafiyasını genişləndirən SOCAR-ın enerji dəyər zəncirinin müxtəlif istiqamətləri üzrə strateji tərəfdaşlıqlar qurmağa və investisiya portfelini şaxələndirməyə xüsusi önəm verdiyi qeyd olunub.

Söhbət zamanı SOCAR ilə “Karpowership” arasında beynəlxalq bazarlarda birgə fəaliyyət imkanları, o cümlədən elektrik enerjisi istehsalı, enerji infrastrukturu, yeni enerji həlləri və qarşılıqlı maraq doğuran digər istiqamətlər üzrə mümkün əməkdaşlıq perspektivləri nəzərdən keçirilib.

Dövlətlərin üzləşdiyi ortaq zəifliklər bölünmə deyil, həmrəylik mənbəyinə çevrilməlidir.

AZƏRTAC xəbər verir ki, bunu Ümumdünya Səhiyyə Təşkilatının Baş direktoru Tedros Adhanom Qebreyesus Nizami Gəncəvi Beynəlxalq Mərkəzinin Nyu-Yorkda təşkil etdiyi “Ortaq gələcək naminə etimadın, əməkdaşlığın və qlobal sabitliyin bərpası” mövzusunda XXXVII Yüksəksəviyyəli Görüşdə çıxışı zamanı bildirib.

ÜST rəhbəri səhiyyəni dövlətlərin ümumi təhdidlər qarşısında hələ də birgə fəaliyyət göstərə bildiyi mühüm sahələrdən biri kimi qiymətləndirib. O, COVID-19-dan əldə olunan dərslər əsasında üçillik danışıqlardan sonra ÜST-yə üzv dövlətlərin Pandemiya Sazişini qəbul etdiklərini xatırladıb.

“Pandemiya Sazişi çoxtərəfliliyin canlı və işlək olduğunun real sübutudur. Ölkələr patogenlərə çıxış və faydaların bölüşdürülməsi sistemi üzrə danışıqları davam etdirirlər və bu, sazişin həyata keçirilməsinə və qüvvəyə minməsinə yol açacaq. Ölkələr arasında hələ də fikir ayrılıqları var, lakin onların həll yolunu tapacaqlarına əminəm. Ən vacibi odur ki, onlar hələ də bir-biri ilə danışırlar”, - deyə Qebreyesus bildirib.

O, son aylarda pandemiyaların qarşısının alınması, hazırlıq və cavab tədbirləri üzrə siyasi bəyannamənin də razılaşdırıldığını və sənədin bu həftənin cümə günü BMT Baş Assambleyasının yüksəksəviyyəli iclasında təsdiqlənməsinin gözlənildiyini deyib.

Qebreyesus qlobal institutların dəyişən dünyaya uyğunlaşmasının zəruriliyini də vurğulayıb: “Heç kim çoxtərəfliliyin asan və ya mükəmməl olduğunu deməyib. Dünyamız daim dəyişir və çoxtərəfli sistem də onunla birlikdə dəyişməlidir. İslahatların məqsədi institutları sadəcə qoruyub saxlamaq deyil, onların məqsədə uyğun, hesabatlı və ölçüləbilən nəticələr vermək qabiliyyətində olmasını təmin etməkdir”.

Onun sözlərinə görə, ortaq zəifliklər yox olmayıb, əksinə, daha aydın görünür.

“Zəiflik bölünmənin də, həmrəyliyin də mənbəyinə çevrilə bilər. Seçim bizimdir. Gələcək dövlətlər arasında daha güclü divarlarla deyil, daha güclü etimadla təmin ediləcək”,- deyə ÜST-ün baş direktoru vurğulayıb.

BMT Baş Assambleyasının 81-ci sessiyası ilə əlaqədar ABŞ-nın Nyu-York şəhərinə səfəri çərçivəsində Türkiyə Prezidenti Rəcəb Tayyib Ərdoğan Ermənistanın Baş naziri Nikol Paşinyanla görüşüb.

AZƏRTAC xəbər verir ki, Nyu-Yorkdakı “Türk Evi”ndə baş tutan görüş mətbuata qapalı keçib.

Görüşdə Türkiyə-Ermənistan əlaqələri, eləcə də regional və qlobal məsələlər müzakirə olunub. Ərdoğan ikitərəfli ticarət və nəqliyyat sahələrində normallaşma prosesini dəstəklədiyini bildirib, əldə olunan müsbət dinamikanın davam etdirilməsinin vacibliyini vurğulayıb.

Türkiyə Prezidenti ölkəsinin Azərbaycan və Ermənistan arasında sülh prosesində qarşılıqlı addımların atılmasını məmnuniyyətlə qarşıladığını bildirib.

Görüşdə Türkiyənin xarici işlər naziri Hakan Fidan da iştirak edib.

Nyu-Yorkda BMT-nin Baş Assambleyasının 81-ci sessiyası çərçivəsində Nizami Gəncəvi Beynəlxalq Mərkəzinin təşkilatçılığı ilə “Ortaq gələcək naminə etimadın, əməkdaşlığın və qlobal sabitliyin bərpası” mövzusunda XXXVII Yüksək Səviyyəli Görüş keçirilir.

AZƏRTAC xəbər verir ki, görüş dövlət və hökumət başçılarını, BMT-nin və digər beynəlxalq təşkilatların yüksəksəviyyəli nümayəndələrini, sabiq liderləri və beynəlxalq ekspertləri bir araya gətirib.

Açılış mərasimində Ümumdünya Səhiyyə Təşkilatının Baş direktoru Tedros Adhanom Qebreyesus, BMT-nin Baş katibinin müavini və BMT Sivilizasiyalar Alyansının ali nümayəndəsi Migel Anxel Moratinos, təşkilatın Avropa İqtisadi Komissiyasının icraçı katibi Tatyana Molçan, Çinin Avropa məsələləri üzrə keçmiş xüsusi nümayəndəsi Vu Hunbo və digər şəxslər çıxış ediblər.

Tedros Adhanom Qebreyesus qlobal səhiyyəni dövlətlərin ortaq təhdidlər qarşısında əməkdaşlıq edə bildiyi sahələrdən biri kimi göstərib. O, gələcək pandemiyalara qarşı koordinasiyalı fəaliyyətin və dövlətlər arasında daha güclü etimadın vacibliyini vurğulayıb.

Migel Anxel Moratinos etimadın bərpasının beynəlxalq hüquqa və BMT Nizamnaməsinə hörmətdən başladığını bildirib. O, böhranlar dərinləşməzdən əvvəl dialoq, vasitəçilik və preventiv diplomatiyaya daha çox diqqət ayrılmasının əhəmiyyətini qeyd edib.

Tatyana Molçan çıxışı zamanım siyasi fikir ayrılıqlarının mövcud olduğu şəraitdə belə praktiki əməkdaşlığın mümkün olduğunu deyib. O, nəqliyyat dəhlizləri, ticarət, sərhəd keçidləri və ortaq su ehtiyatları kimi sahələrdə əməkdaşlığın dövlətlər arasında etimadın qurulmasına töhfə verdiyini vurğulayıb.

Vu Hunbo isə çoxtərəfliliyin əsasının dövlətlərin suveren bərabərliyi və qarşılıqlı hörmət olduğunu diqqətə çatdırıb. O, geosiyasi fikir ayrılıqlarının bərabərhüquqlu dialoq, qlobal çağırışların isə çoxtərəfli mexanizmlər vasitəsilə həllinə çağırıb.

Tədbir iki gün davam edəcək.

Xarici işlər naziri Ceyhun Bayramov BMT Baş Assambleyasının 81-ci sessiyası çərçivəsində ABŞ Konqresinin üzvü Co Uilson ilə görüşüb.

AZƏRTAC xəbər verir ki, tərəflər Azərbaycan- ABŞ strateji münasibətlərinin perspektivləri, eləcə də uzunmüddətli regional təhlükəsizliyin, sülhün və sabitliyin təşviqi məqsədilə ABŞ Konqresi ilə institusional əməkdaşlığın gücləndirilməsi barədə fikir mübadiləsi aparıblar.

Görüş zamanı Azərbaycanın regionda əsas roluna xüsusi diqqət yetirilib.

Rusiyanın xarici işlər naziri Sergey Lavrov və ABŞ dövlət katibi Marko Rubio Nyu-Yorkda danışıqlar aparıblar. Görüş zamanı Ukrayna məsələsinin nizamlanması və ikitərəfli münasibətlərlə yanaşı, Cənubi Qafqazdakı vəziyyət də müzakirə olunub.

AZƏRTAC xəbər verir ki, görüş BMT Baş Assambleyasının 81-ci sessiyasının yüksək səviyyəli həftəsi çərçivəsində keçirilib. Danışıqlar qapalı formatda baş tutub və 50 dəqiqədən çox davam edib.

Görüşün yekunlarına dair Rusiya Xarici İşlər Nazirliyinin yaydığı məlumata görə, əsas müzakirə mövzularından biri Ukrayna məsələsinin nizamlanması olub. Rusiya Xarici İşlər Nazirliyinin bildirdiyinə görə, S.Lavrov Kiyevin və onun Avropadakı tərəfdaşlarının fəaliyyəti ilə bağlı Moskvanın mövqeyini diqqətə çatdırıb. Rusiya tərəfi, həmçinin siyasi-diplomatik vasitələrdən istifadə etməklə və münaqişənin ilkin səbəblərini aradan qaldırmaqla bəyan etdiyi məqsədlərə nail olmaq əzmini təsdiqləyib. Beynəlxalq və regional məsələlərə də xüsusi diqqət ayrılıb.

“Beynəlxalq və regional məsələlər arasında Yaxın Şərqdə, Latın Amerikası və Karib hövzəsi regionunda vəziyyətə toxunulub”, - deyə Rusiya Xarici İşlər Nazirliyinin məlumatında qeyd olunur.

Tərəflər, həmçinin ilin sonunadək keçirilməsi nəzərdə tutulan “Böyük iyirmilik” qrupunun tədbirlərinə hazırlığı və beynəlxalq hüquq gündəliyinə dair bir sıra məsələləri nəzərdən keçiriblər.

Danışıqların əhəmiyyətli hissəsi Rusiya-ABŞ münasibətlərinə həsr olunub. Moskva Rusiya və ABŞ prezidentlərinin əldə etdiyi razılaşmalara uyğun olaraq bu münasibətlərin mümkün qədər tez normallaşdırılmasının zəruriliyini vurğulayıb.

Görüşün yekununda S.Lavrov və M.Rubio müzakirə olunan məsələlər üzrə Rusiya və ABŞ-nin xarici siyasət qurumları arasında təmasları davam etdirmək barədə razılığa gəliblər.

Bundan əvvəl Rusiya Xarici İşlər Nazirliyindən bildirilmişdi ki, danışıqlar zamanı Moskva və Vaşinqton arasında əməkdaşlığın BMT platformasında da müzakirə olunması nəzərdə tutulub.

Nyu-Yorkda Xəzər Siyasət Mərkəzinin (CPC) təşkilatçılığı ilə “Orta Dəhliz boyunca bağlantı, maliyyə və enerji” mövzusunda 7-ci Xəzər Biznes-Forumu keçirilib.

AZƏRTAC xəbər verir ki, BMT Baş Assambleyasının sessiyası çərçivəsində keçirilən tədbirdə ABŞ, Azərbaycan və regionun digər ölkələrindən rəsmilər, diplomatlar, biznes nümayəndələri və ekspertlər iştirak ediblər.

Xəzər Siyasət Mərkəzinin prezidenti Əfqan Nifti açılış nitqi zamanı bildirib ki, Azərbaycan ötən il Daşkənd Sammitində Mərkəzi Asiya ölkələrinin Məşvərət Görüşlərinə qoşulmaqla formatın C5-dən C6-ya genişlənməsinə töhfə verib. Onun sözlərinə görə, bu, Mərkəzi Asiya ilə Cənubi Qafqaz arasında əlaqələrin getdikcə gücləndiyini göstərir.

ABŞ Dövlət Departamentinin rəsmisi Piter Andreoli Azərbaycan və Ermənistan arasında əldə olunan irəliləyişin regionda daha güclü iqtisadi əlaqələrin qurulması üçün yeni imkanlar yaratdığını deyib. O qeyd edib ki, TRIPP layihəsi daha geniş Orta Dəhlizin mühüm bağlantılarından birinə çevrilə bilər.

ABŞ Dövlət Departamentinin rəsmisi Mark Kameron çıxışı zamanı Vaşinqtonun Mərkəzi Asiya və Cənubi Qafqaza diqqətinin indiyədək olmadığı qədər yüksək olduğunu vurğulayıb. O, Qazaxıstanla Azərbaycanı birləşdirən Trans-Xəzər fiber-optik kabel layihəsinin rəqəmsal bağlantılar və texnologiya investisiyaları üçün yeni imkanlar yaratdığını qeyd edib.

Azərbaycan xarici işlər nazirinin müavini Yalçın Rəfiyev bildirib ki, səmərəli regional bağlantılar Azərbaycan üçün daha qısa və proqnozlaşdırıla bilən marşrutlar, dayanıqlı təchizat zəncirləri, bazarlara daha geniş çıxış, eləcə də yeni ticarət və investisiya imkanları deməkdir. O, bu istiqamətdə Bakı Limanının genişləndirilməsi, Ələt Azad İqtisadi Zonası və modernləşdirilmiş Bakı–Tbilisi–Qars dəmir yolu kimi layihələrə diqqət çəkib. Nazir müavini TRIPP-in iqtisadi əməkdaşlıqla yanaşı, regionda sülh və sabitliyə də töhfə verə biləcəyini bildirib.

Gürcüstan xarici işlər nazirinin müavini Laşa Darsaliya Orta Dəhlizin yalnız alternativ ticarət marşrutu deyil, Avrasiyanın bağlantı sisteminin mühüm elementi olduğunu bildirib. Onun sözlərinə görə, region ölkələri sadəcə tranzit məntəqələri deyil, qarşılıqlı əlaqəli gələcəyin tərəfdaşları olmalıdır.

Qazaxıstan Prezidentinin ABŞ ilə danışıqlar üzrə nümayəndəsi Yerjan Kazıxan Orta Dəhlizi ölkəsinin gələcəyinə strateji investisiya adlandırıb. O bildirib ki, marşrut Qazaxıstanı Azərbaycan və bütövlükdə Cənubi Qafqaz vasitəsilə Türkiyə və Avropa ilə birləşdirir. TRIPP-in isə Avropa bazarlarına çıxışı təxminən 1000 kilometr qısalda biləcəyini qeyd edib.

Türkiyə xarici işlər nazirinin müavini Berris Ekinci bildirib ki, TRIPP mövcud regional marşrutlara rəqib deyil, onları tamamlayan layihə kimi nəzərdən keçirilməlidir. Onun sözlərinə görə, məqsəd müxtəlif nəqliyyat təşəbbüslərinin bir-birini gücləndirdiyi vahid regional sistem yaratmaqdır.

ABŞ Konqresinin Nümayəndələr Palatasının üzvü Abraham Hamadeh çıxışında Azərbaycan və Ermənistan arasında davamlı sülhün sərhədlərin açılmasına, ticarətin genişlənməsinə və regionda yeni iqtisadi imkanların yaranmasına şərait yaradacağını bildirib. Konqresmen, həmçinin “Azadlığa Dəstək Aktı”na 907-ci düzəlişin ləğvinin bu sahədə müstəsna rolunu vurğulayıb.

“BP America”nın ABŞ üzrə beynəlxalq əlaqələr rəhbəri Kimberli Harrinqton Xəzər regionunun enerji sektorunu uzunmüddətli əməkdaşlığın uğurlu nümunəsi kimi qiymətləndirib. O bildirib ki, bp Azərbaycanda son 30 ildə əldə etdiyi təcrübə və formalaşdırdığı imkanlardan daha geniş regiondakı yeni layihələrdə istifadə etməyi planlaşdırır.

“Apollo Global Management” şirkətinin nümayəndəsi Cəmşid Ehsani SOCAR-la strateji tərəfdaşlığın inkişaf etdirildiyini bildirib. Onun sözlərinə görə, Azərbaycanda və beynəlxalq səviyyədə irimiqyaslı enerji layihələrinin maliyyələşdirilməsi ilə bağlı müzakirələr aparılır.

7-ci Xəzər Biznes-Forumunda regionun strateji əhəmiyyəti vurğulanıb. Orta Dəhlizə xüsusi diqqət yetirilərək, sabitliyin və iqtisadi artımın maksimum təmin edilməsi üçün hökumət, cəmiyyət və biznes dairələrinin maraqlarının uzlaşdırılmasının vacibliyi qeyd olunub.

Azərbaycan, Türkiyə və Özbəkistan hərbi qulluqçularının iştirakı ilə ölkəmizdə keçirilən “Birliyin Gücü - 2026" birgə hərbi təliminin komanda-qərargah məşqləri keçirilib.

Bu barədə AZƏRTAC-a Müdafiə Nazirliyindən məlumat verilib.

Bildirilib ki, iştirak edən bölmələrin qərargah fəaliyyətinin, o cümlədən komandirlərin qərarqəbuletmə və bölmələri idarəetmə bacarıqlarının təkmilləşdirilməsi məqsədilə keçirilən məşqlərdə qərargahların müəyyən edilmiş ərazilərdə açılaraq yerləşdirilməsi, maskalanması və fəaliyyətlərinin təşkili üzrə tədbirlər həyata keçirilib.

Təlimdə icra ediləcək epizodlara uyğun olaraq Xocavənd rayonunda yerləşən "Qızılqaya", Naxçıvan Muxtar Respublikasındakı "Qarabağlar" Təlim mərkəzlərində, eləcə də Xəzər dənizinin ölkəmizə aid akvatoriyasındakı "Böyük Zirə" təlim sahəsində komandirlər tərəfindən yaranmış vəziyyətin qiymətləndirilməsi, təhlili və qərarların qəbul edilməsi üzrə tapşırıqlar yerinə yetirilib.

Məşqlərdə əsas diqqət iştirakçı ölkələrin hərbi qulluqçuları tərəfindən tapşırıqların birgə icrası zamanı qarşılıqlı uzlaşmanın effektivliyinin artırılmasına yönəldilib.

Futbol üzrə Azərbaycan milli komandası yoldaşlıq oyunu keçirib.

Ayxan Abbasovun başçılıq etdiyi kollektiv Bakıda Tacikistan yığması ilə qarşılaşıb.

"Palms Sports Arena"da oynanılan qarşılaşma yığmanın 1:0 hesablı qələbəsi ilə yekunlaşıb.

Qolu 58-ci dəqiqədə rəqibin qapıçısı Oleq Baklov vurub.

Qeyd edək ki, Azərbaycan millisi bu matçdan sonra UEFA Millətlər Liqasında Litva ilə evdə və səfərdə (27 sentyabr, 4 oktyabr), eləcə də Lixtenşteynlə Bakıda (1 oktyabr) üz-üzə gələcək.

Sentyabrın 23-də Azərbaycanın Polşaya yeni təyin olunmuş fövqəladə və səlahiyyətli səfiri Fuad İsgəndərov etimadnaməsinin surətini bu ölkənin Xarici İşlər Nazirliyinin Dövlət katibi Marçin Bosatskiyə təqdim edib.

Bu barədə AZƏRTAC-a Azərbaycanın Polşadakı səfirliyindən məlumat verilib.

Bildirilib ki, etimadnamənin surətinin təqdim olunmasından sonra Marçin Bosatski ilə keçirilmiş görüşdə Azərbaycan-Polşa ikitərəfli münasibətlərinin gündəliyində duran məsələlər, siyasi, iqtisadi, ticarət, humanitar və digər sahələrdə əməkdaşlığın inkişaf perspektivləri müzakirə olunub.

Dövlət katibi Fuad İsgəndərovu Azərbaycanın Polşadakı fövqəladə və səlahiyyətli səfiri vəzifəsinə təyin olunması münasibətilə təbrik edib, ona diplomatik fəaliyyətində uğurlar arzulayıb. Həmçinin Polşanın Azərbaycan ilə münasibətlərə, qarşılıqlı hörmət, etimad və ümumi maraqlara əsaslanan, bütün istiqamətləri əhatə edən real strateji tərəfdaşlıq səviyyəsinə yüksəlməsinə xüsusi əhəmiyyət verdiyini bildirib.

Marçin Bosatski, eyni zamanda, iqtisadi əməkdaşlığın genişləndirilməsi çərçivəsində Qarabağda həyata keçirilən bərpa və yenidənqurma işlərində Polşa tərəfinin iştirakına və bu istiqamətdə əməkdaşlığın inkişaf etdirilməsinə xüsusi önəm verildiyini diqqətə çatdırıb.

Görüş zamanı, həmçinin regional və beynəlxalq gündəliyin aktual məsələləri ətrafında fikir mübadiləsi aparılıb, qarşılıqlı maraq doğuran digər məsələlər də nəzərdən keçirilib.

Amerika Birləşmiş Ştatları (ABŞ) ilə danışıqlara hazırıq, amma güc dilini qəbul etmirik.

AZƏRTAC xəbər verir ki, bunu İran Prezidenti Məsud Pezeşkian BMT-nin Baş Assambleyasının 81-ci sessiyasında Yüksəksəviyyəli Müzakirələrdə çıxışı zamanı deyib.

Pezeşkian İranın danışıqlar masasına sadiq qaldığını bildirib. Onun sözlərinə görə, Tehran münaqişənin diplomatik yolla həllinə inanır, lakin bunu təhdid və hərbi təzyiq şəraitində qəbul etmir.

İran Prezidenti Məsud Pezeşkian ölkəsinə qarşı tətbiq edilən sanksiyaların əsas zərbəsinin əhalinin həssas təbəqələrinə dəydiyini bildirib.

AZƏRTAC xəbər verir ki, o, bunu BMT-nin Baş Assambleyasının 81-ci sessiyasında Yüksəksəviyyəli Müzakirələr zamanı çıxışında deyib.

“İran sanksiyalara məruz qalır. Xəstələr, günahsız insanlar, yoxsullar və cəmiyyətimizin ən həssas təbəqələri bu sanksiyaların hədəfinə çevrilirlər”, – deyə İran Prezidenti vurğulayıb.

Pezeşkianın sözlərinə görə, sülh və sabitlik üçün bütün ölkələrə münasibətdə eyni standart tətbiq edilməlidir: “İran xüsusi münasibət istəmir. Biz bərabər hüquqlar istəyirik və bununla yanaşı, üzərimizə düşən məsuliyyəti də qəbul edirik”.

İran Prezidenti əlavə edib ki, sanksiyaların və təzyiqlərin artırılması ölkəsinin mövqeyini dəyişməyəcək: “Sanksiyalar, artan təzyiq və güc dili qarşısında İran xalqının müqaviməti yalnız artacaq. Biz heç vaxt başımızı əyməyəcəyik”.

AZƏRTAC xəbər verir ki, öncə tədbirdə hər iki ölkənin Dövlət Himni səsləndirilib.

Çinin Azərbaycandakı səfiri Lu Mey qonaqları salamlayaraq bildirib ki, bu il Çin Xalq Respublikasının yaradılmasının 77-ci ildönümü, eləcə də Çin Kommunist Partiyasının yaradılmasının 105-ci ildönümü qeyd olunur.

Diplomat deyib ki, Çin dünya iqtisadiyyatının artımına ardıcıl olaraq mühüm töhfələr verir. Çin iqtisadiyyatı qlobal iqtisadiyyatın əsas mühərriki olaraq qalır və son illərdə qlobal iqtisadi artımın təxminən 30 faizini təmin edib: “Cari ilin birinci yarısında Çinin ÜDM-i 4,7 faiz artaraq bütün il üçün nəzərdə tutulmuş hədəflərə uyğun göstəricilər nümayiş etdirib. Çin dünyanın 150-dən çox ölkəsi və regionu üçün əsas ticarət tərəfdaşı qismində çıxış edir. Gələcəyə nəzər salsaq, qeyd etmək lazımdır ki, Çin iqtisadiyyatı böyük daxili bazara, güclü istehsal potensialına, inkişaf etmiş infrastruktura, etibarlı insan resurslarına, eləcə də bütöv sənaye və təchizat zənciri sisteminə əsaslanan yüksək dayanıqlılıq və möhkəm təməl nümayiş etdirir. Bütün bunlar dünya iqtisadiyyatının artımına sabitlik və etibarlılıq gətirməkdə davam edəcək. Çin elmi-texniki innovasiyalar sahəsində dünya lideridir. Çinin elmi-texniki sahədə davamlı irəliləyişləri sürətlə sənaye istehsalına tətbiq olunur və praktiki həllər tapır, bununla da qlobal iqtisadiyyat üçün çox zəruri olan yeni hərəkətverici qüvvəni təmin edir. Ən əsası odur ki, Çinin texnoloji innovasiyaları inklüziv və açıq xarakter daşıyır, biz onları beynəlxalq birliklə bölüşməyə səmimi-qəlbdən hazırıq”, - deyə səfir diqqətə çatdırıb.

O əlavə edib ki, Çinin "yaşıl keçid"i ölkə modernləşməsinin digər mühüm səciyyəvi xüsusiyyətinə çevrilib: “Quraşdırılmış güc baxımından enerji balansımızda bərpaolunan enerji mənbələrinin payı artıq 60 faizi ötür. Çin qlobal "yaşıl keçid"in təşviq edilməsində mühüm rol oynayır. Ölkəmiz dünyanın ən böyük "yaşıl" energetika sənayesi zəncirini yaradıb və bir çox ölkəyə əlçatan və yüksəkkeyfiyyətli ekoloji təmiz enerji həllərinə çıxış imkanı təmin edib. Bu xüsusda Çin Azərbaycanla Günəş və külək enerjisi sahəsində bir sıra layihələr üzrə əməkdaşlıq həyata keçirir”.

Səfir deyib ki, süni intellektin idarə edilməsi sahəsində Çin Süni İntellektin İdarə Edilməsi üzrə Qlobal Təşəbbüsün irəli sürülməsində liderliyi öz üzərinə götürüb. Cari ilin iyul ayında isə Çinin təşəbbüsü ilə Şanxay şəhərində Süni İntellekt Sahəsində Əməkdaşlıq üzrə Ümumdünya Təşkilatı yaradılıb.

Lu Mey bildirib ki, Azərbaycan və Xəzər dənizindən keçən Çin-Avropa dəmir yolu ekspresi ilə daşımaların həcminin il ərzində iki dəfə artacağı gözlənilir.

Səfir Çin-Azərbaycan hərtərəfli strateji tərəfdaşlığının böyük potensiala malik olduğunu və iki dövlət başçısının əldə etdiyi razılaşmaların həyata keçirilməsi istiqamətində Azərbaycanla əməkdaşlığı davam etdirməyə hazır olduqlarını vurğulayıb.

Enerji sahəsində əməkdaşlığa toxunan səfir Çinin və Azərbaycanın Günəş və külək enerjisi üzrə bir sıra layihələr həyata keçirdiyini qeyd edib. Həmçinin Çinin və Azərbaycanın BMT, Şanxay Əməkdaşlıq Təşkilatı və CICA çərçivəsində sıx qarşılıqlı fəaliyyət göstərdiyini bildirib.

Tədbirdə çıxış edən Baş nazirin müavini Şahin Mustafayev qeyd edib ki, Azərbaycan-Çin münasibətləri siyasi, iqtisadi, nəqliyyat, enerji, turizm və humanitar sahələrdə dinamik inkişaf edir.

Şahin Mustafayev vurğulayıb ki, 2025-ci ilin aprelində Prezident İlham Əliyevin Çinə dövlət səfəri zamanı iki ölkə arasında hərtərəfli strateji tərəfdaşlığın yaradılması haqqında Birgə Bəyanat imzalanıb. Sənəd Azərbaycan-Çin münasibətlərində yeni mərhələnin əsasını qoyub.

Baş nazirin müavini bildirib ki, 2026-cı ilin ilk 7 ayında iki ölkə arasında ticarət dövriyyəsi 4,5 faiz artaraq 2,6 milyard ABŞ dollarına çatıb.

“1995-ci ildən Çindən Azərbaycana 976 milyon ABŞ dolları birbaşa investisiya yatırılıb. Azərbaycandan Çinə yatırılan sərmayələrin ümumi həcmi isə 1,9 milyard ABŞ dolları təşkil edib. Hazırda Azərbaycanın müxtəlif iqtisadi sektorlarında 455 Çin şirkəti fəaliyyət göstərir və Çin şirkətləri ilə 50-yə yaxın birgə layihə həyata keçirilir”, - deyə Şahin Mustafayev əlavə edib.

Onun sözlərinə görə, nəqliyyat-tranzit sahəsində də artım qeydə alınıb. Cari ilin ilk 7 ayında tranzit daşımalarının həcmi 8 faiz artaraq 272,6 min ton təşkil edib.

Turizm əlaqələrinin də genişləndiyini deyən Şahin Mustafayev qarşılıqlı vizasız rejimin bu sahəyə əhəmiyyətli təkan verdiyini vurğulayıb. Ötən il Çindən Azərbaycana turist axını 42 faiz, Azərbaycandan Çinə turist axını isə təxminən 85 faiz artıb.

Şahin Mustafayev bildirib ki, ölkələrimiz beynəlxalq və çoxtərəfli platformalarda da sıx əməkdaşlıq edir.

Tədbirdə Azərbaycan hökumətinin yüksəkvəzifəli rəsmiləri, diplomatik korpusun nümayəndələri, ictimaiyyətin tanınmış simaları, Çin icmasının üzvləri iştirak ediblər.

Tədbir bədii hissə ilə davam edib. Tədbir iştirakçıları burada təqdim edilən sərgidə Çin mədəniyyətinin nümunələri ilə tanış olublar.

AZƏRTAC xəbər verir ki, nazirlər ikitərəfli gündəliyi nəzərdən keçirib, Azərbaycan-Aİ münasibətlərini müzakirə edib, həmçinin regional təhlükəsizlik və qarşılıqlı maraq doğuran məsələlər daxil olmaqla, əsas regional və beynəlxalq məsələlər ətrafında fikir mübadiləsi aparıblar.

AZƏRTAC xəbər verir ki, tərəflər ikitərəfli əlaqələrin möhkəmləndirilməsində yüksəksəviyyəli siyasi dialoqun və hər iki ölkənin liderləri arasındakı təmasların, eləcə də ticarət-iqtisadi əməkdaşlığın inkişafında Birgə Hökumətlərarası Komissiyanın mühüm rolunu vurğulayıblar. Həmçinin BMT, MDB, Qoşulmama Hərəkatı və digər çoxtərəfli platformalar çərçivəsində sıx əlaqələndirmənin əhəmiyyəti qeyd olunub.

İkitərəfli danışıqlardan sonra nazirlər “Azərbaycan Respublikasının Xarici İşlər Nazirliyi ilə Belarus Respublikasının Xarici İşlər Nazirliyi arasında 2027–2028-ci illər üçün Əməkdaşlıq Planı”nı imzalayıblar.

Bundan əlavə, tərəflər “Azərbaycan Respublikasının Xarici İşlər Nazirliyi ilə Belarus Respublikasının Xarici İşlər Nazirliyi arasında konsulluq məsələləri üzrə əməkdaşlıq haqqında Anlaşma Memorandumu”nu imzalayıblar.

Bu sənədlər tərəfdaşlığımızın institusional əsaslarını daha da möhkəmləndirəcək və qarşıdakı illərdə ikitərəfli əlaqələndirməni yeni səviyyəyə qaldıracaq.

AZƏRTAC xəbər verir ki, əvvəlcə Azərbaycan Respublikasının və Səudiyyə Ərəbistanı Krallığının Dövlət himnləri səsləndirilib.

Tədbirdə çıxış edən səfir İssam bin Saleh əl-Cuteyl bildirib ki, Səudiyyə Ərəbistanı ilə Azərbaycan arasında münasibətlər 1991-ci ildən başlayır. İki ölkə arasında yüksəksəviyyəli qarşılıqlı səfərlər sayəsində hazırda müxtəlif sahələrdə əhəmiyyətli inkişaf müşahidə olunur.

Səfir qeyd edib ki, hazırda Hökumətlərarası Birgə Komissiya və Səudiyyə Ərəbistanı-Azərbaycan Birgə İşgüzar Şurası vasitəsilə ticarət mübadiləsinin həcminin artırılması və investisiyaların genişləndirilməsi istiqamətində iş aparılır. O, siyasi sahədə də iki ölkənin və xalqların ortaq maraqlarına xidmət edən koordinasiyanın mövcud olduğunu vurğulayıb.

İssam bin Saleh əl-Cuteyl qarşıdakı dövrdə Səudiyyə Ərəbistanı ilə Azərbaycan arasında investisiya və ticarət dövriyyəsinin həcmini qısa müddətdə iki dəfə artırmağa imkan verəcək bir çox ortaq imkanların olduğunu deyib.

Tədbirdə çıxış edən Azərbaycanın Baş nazirinin müavini Samir Şərifov Azərbaycan və Səudiyyə Ərəbistanı arasında iqtisadiyyat, ticarət, sənaye, investisiya, alternativ və bərpaolunan enerji, yaşıl keçid, turizm və digər sahələrdə əməkdaşlığın daha da dərinləşdirilməsi istiqamətində qarşılıqlı səylərin davam etdirilməsinə sadiqliyi ifadə edib.

Baş nazirin müavini bildirib ki, Azərbaycan və Səudiyyə Ərəbistanı hökumətləri arasında yaradılmış Hökumətlərarası Birgə Komissiya müxtəlif sahələrdə əlaqələrin dərinləşdirilməsində mühüm rol oynayır. Onun sözlərinə görə, Komissiya dövlət başçılarının əməkdaşlığın daha da inkişaf etdirilməsi ilə bağlı verdikləri tapşırıqların həyata keçirilməsini təmin edən səmərəli mexanizmlərdən biridir.

Samir Şərifov hazırda Komissiyanın növbəti iclasına hazırlıq mərhələsində olduqlarını deyib. Bildirib ki, bu ilin sonunadək Azərbaycan tərəfinin ev sahibliyi ilə keçirilməsi nəzərdə tutulan 9-cu iclas əməkdaşlığın keyfiyyətcə yeni məzmunla zənginləşdirilməsinə töhfə verəcək.

Baş nazirin müavini Səudiyyə Ərəbistanı Krallığının Milli Günü münasibətilə qardaş Səudiyyə xalqına davamlı sülh, təhlükəsizlik, tərəqqi və firavanlıq arzulayıb, ölkələrimiz arasında mövcud dostluq və qarşılıqlı faydalı əməkdaşlığın gələcəkdə daha da möhkəmlənəcəyinə əminliyini ifadə edib.

Tədbir bədii hissə ilə davam edib.

AZƏRTAC xəbər verir ki, bunu İran Prezidenti Məsud Pezeşkian BMT-nin Baş Assambleyasının 81-ci sessiyasında Yüksəksəviyyəli Müzakirələrdə çıxışı zamanı deyib.

Onun sözlərinə görə, ölkəsinin hərbi imkanları hücum məqsədi daşımır və İran özünə qarşı hücumlara cavab olaraq müdafiə edilir.

Bu barədə AZƏRTAC-a Milli Məclisin Mətbuat və ictimaiyyətlə əlaqələr şöbəsindən məlumat verilib.

Bildirilib ki, səfiri Azərbaycanda diplomatik fəaliyyətə başlaması münasibətilə təbrik edən Sahibə Qafarova Azərbaycan və Birləşmiş Krallıq arasında dostluq və tərəfdaşlıq münasibətlərindən söz açıb. Ali və yüksəksəviyyəli qarşılıqlı səfərlərin və görüşlərin ölkələrimiz arasında münasibətlərin inkişafında mühüm əhəmiyyəti vurğulanaraq, bu dinamikanın bundan sonra da davam etdirilməsinin vacibliyi qeyd olunub.

İki ölkə arasında münasibətlərin inkişafında parlamentlərarası əlaqələrin rolundan bəhs edən spiker Sahibə Qafarova özünün Birləşmiş Krallığa səfərlərini, habelə Birləşmiş Krallığın ölkəmizə səfər etmiş yüksəksəviyyəli rəsmiləri ilə keçirdiyi görüşləri və aparılan danışıqları məmnunluqla xatırlayıb. Milli Məclisin Böyük Britaniya və Şimali İrlandiya Birləşmiş Krallığı ilə parlamentlərarası əlaqələr üzrə İşçi qrupunun fəaliyyəti vurğulanaraq, əlaqələrin daha da genişləndirilməsində qarşılıqlı səfərlərin və müntəzəm təmasların mühüm rol oynadığı diqqətə çatdırılıb. O cümlədən qeyd olunub ki, qanunvericilik orqanlarımız Parlamentlərarası İttifaq, ATƏT PA və NATO PA kimi beynəlxalq təşkilatlarda əməkdaşlıq edirlər.

Ölkələrimiz arasında mövcud olan sıx əməkdaşlıq münasibətlərindən bəhs edən səfir Dunkan Norman iki ölkə arasında münasibətlərin daha da dərinləşdirilməsi üçün geniş imkanların olduğunu bildirib. Təhsil, mədəniyyət və humanitar sahələrdə əməkdaşlığın inkişafı üçün geniş imkanların olduğu qeyd edilərək, qarşılıqlı təmasların və birgə təşəbbüslərin davam etdirilməsinin vacibliyi vurğulanıb.

Söhbət zamanı səfir ölkəmizdəki diplomatik fəaliyyəti dövründə digər sahələrlə yanaşı, qanunvericilik orqanları arasında da əlaqələrin daha da inkişaf etdirilməsi üçün səylər göstərəcəyini qeyd edib.

Görüşdə qarşılıqlı maraq doğuran digər məsələlər ətrafında da fikir mübadiləsi aparılıb.

 Prezident İlham Əliyevin sədrliyi ilə sentyabrın 22-də keçirilən “Azərbaycan Respublikasında 2027–2030-cu illərdə dağ-mədən (metal filizləri) və metallurgiya sənayesinin inkişafına dair Dövlət Proqramı”na həsr olunmuş müşavirə ölkəmizin qarşıdakı illər üçün iqtisadi və sənaye siyasətinin mühüm istiqamətlərini müəyyənləşdirdi.

2027–2030-cu illəri əhatə edən Dövlət Proqramı ölkəmizin zəngin təbii resurslarından səmərəli istifadə olunması, qeyri-neft sektorunun inkişafı və yeni, müasir sənaye sahələrinin yaradılması baxımından mühüm əhəmiyyət daşıyır.

Proqramın əsas hədəflərindən biri filiz hasilatından başlayaraq zənginləşdirmə, emal və son məhsul istehsalına qədər tam istehsal zəncirinin yaradılmasıdır. Bu yanaşma ölkə daxilində əlavə dəyərin artırılmasına, ixrac imkanlarının genişləndirilməsinə və beş mindən çox yeni daimi iş yerinin yaradılmasına şərait yaradacaq.

Bu proses Qarabağ və Şərqi Zəngəzurun bərpası və Böyük Qayıdış strategiyası baxımından da xüsusi əhəmiyyət daşıyır. İşğaldan azad edilmiş ərazilərdə mövcud mineral resursların iqtisadi dövriyyəyə cəlb edilməsi həmin ərazilərin həm də müasir sənaye və iqtisadi inkişaf mərkəzlərinə çevrilməsinə töhfə verəcək.

Eyni zamanda, Naxçıvan Muxtar Respublikasında geoloji kəşfiyyat işlərinin genişləndirilməsi Azərbaycanın mineral resurslarının daha dərindən öyrənilməsi baxımından yeni imkanlar yaradacaq. Müasir texnologiyaların tətbiqi əvvəllər tam tədqiq edilməmiş yataqların müəyyənləşdirilməsinə və ölkəmizin gələcək sənaye inkişafı üçün yeni resurs bazasının formalaşdırılmasına şərait yaradacaq.

Dövlət Proqramında metallurgiya sənayesinin inkişafına da xüsusi yer ayrılması ölkəmizin sənaye potensialının şaxələndirilməsi baxımından əhəmiyyətlidir. Alüminium istehsalının 2030-cu ilin sonunadək 100 min tona çatdırılması ilə bağlı hədəf bu istiqamətdə qarşıya qoyulan mühüm vəzifələrdəndir. Metallurgiya sənayesinin inkişafı Azərbaycanın idxaldan asılılığının azaldılması, yerli istehsalın genişləndirilməsi, ixrac imkanlarının artırılması və yeni texnoloji sahələrin formalaşdırılması baxımından əlavə imkanlar yaradacaq. Bu prosesdə həm dövlət müəssisələrinin, həm yerli sahibkarların, həm də xarici investorların iştirakı üçün imkanların yaradılması mühüm əhəmiyyət daşıyır. Azərbaycanın investisiya mühiti və həyata keçirilən sənaye siyasəti ölkəmizi bu sahədə yeni layihələr üçün cəlbedici tərəfdaşa çevirir.

Möhtərəm Prezidentimiz cənab İlham Əliyevin müşavirədə səsləndirdiyi fikirlər bir daha göstərir ki, Azərbaycanın təbii sərvətləri uzunmüddətli inkişafın mühüm resursu kimi nəzərdən keçirilir. Dağ-mədən və metallurgiya sənayesinin inkişafı nəticəsində yeni istehsal sahələrinin yaradılması, minlərlə insanın daimi işlə təmin olunması, regionların iqtisadi fəallığının yüksəldilməsi, ixrac potensialının genişləndirilməsi və dövlət büdcəsinə əlavə gəlirlərin daxil olması gözlənilir. Ən mühüm məqamlardan biri isə bu prosesin qeyri-neft sektorunun inkişafına yeni impuls verməsidir. Azərbaycan iqtisadiyyatının dayanıqlılığının təmin edilməsi baxımından qeyri-neft sənayesinin inkişafı strateji əhəmiyyət daşıyır.

Hesab edirəm ki, 2027–2030-cu illəri əhatə edən Dövlət Proqramı Azərbaycanın zəngin təbii ehtiyatlarının müasir texnologiyalar əsasında və milli iqtisadi maraqlar nəzərə alınmaqla istifadəsinə, yeni sənaye dəyər zəncirlərinin yaradılmasına və ölkəmizin iqtisadi potensialının daha da gücləndirilməsinə mühüm töhfə verəcək.

Fatma Yıldırım,

 Milli Məclisin deputatı

AZƏRTAC xəbər verir ki, bunu Baş nazirin müavini Şahin Mustafayev Çin Xalq Respublikasının yaradılmasının 77-ci ildönümünə həsr olunmuş qəbulda deyib.

Şahin Mustafayev bildirib ki, investisiya sahəsində əməkdaşlıq müsbət dinamika nümayiş etdirir. Hazırda sənaye, kənd təsərrüfatı, nəqliyyat, tikinti, ticarət və xidmət sahələri daxil olmaqla, Azərbaycan iqtisadiyyatının müxtəlif sektorlarında 455 Çin şirkəti fəaliyyət göstərir. Çinin iri şirkətləri ilə Azərbaycan arasında müxtəlif sahələri əhatə edən 50-yə yaxın birgə layihə həyata keçirilir.

Nəqliyyat-tranzit sahəsinin Azərbaycan-Çin əməkdaşlığında xüsusi yer tutduğunu vurğulayan Baş nazirin müavini bildirib ki, 2026-cı ilin ilk 7 ayında tranzit daşımalarının həcmi ötən ilin müvafiq dövrü ilə müqayisədə 8 faiz artaraq 272,6 min ton təşkil edib.

O əlavə edib ki, ticarət əlaqələrinin daha da genişləndirilməsi və Azərbaycan məhsullarının Çin bazarında təşviqi istiqamətində ardıcıl iş aparılır.

Milli Məclisin Mətbuat və ictimaiyyətlə əlaqələr şöbəsindən AZƏRTAC-a bildiriblər ki, görüşdə iyul ayında Prezident İlham Əliyevin Almaniyaya rəsmi səfərinin ikitərəfli münasibətləri yeni səviyyəyə yüksəltdiyi qeyd olunub. Vurğulanıb ki, səfər çərçivəsində Azərbaycan ilə Almaniya arasında İkitərəfli Tərəfdaşlıq üçün Strateji Gündəlik haqqında Birgə Bəyannamənin imzalanması, “Azərbaycan-Almaniya Biznes Şurası”nın yaradılması ikitərəfli əlaqələrin sistemli inkişafı üçün yeni institusional platforma formalaşdırır.

Söhbət zamanı ölkələrimiz arasında müxtəlif istiqamətlərdə, həmçinin təhsil, humanitar və digər sahələrdə əməkdaşlığın inkişafının əhəmiyyəti, qarşılıqlı münasibətlərin genişləndirilməsində parlamentlərimizin rolu, qarşılıqlı səfərlərin və dialoqun önəmi vurğulanıb.

Eyni zamanda, parlamentlərarası dostluq qruplarının fəaliyyəti, onların parlamentlərarası əlaqələrin inkişafında rolu qeyd olunub. Diqqətə çatdırılıb ki, deputatlarımız beynəlxalq parlament təşkilatları çərçivəsində də uğurlu əməkdaşlıq edirlər və iki ölkə arasında əlaqələrin inkişafı fonunda bu əməkdaşlığı daha da irəliyə aparmaq üçün yaxşı imkanlar mövcuddur.

Görüşdə qarşılıqlı maraq doğuran digər məsələlər barədə də fikir mübadiləsi aparılıb.

AZƏRTAC xəbər verir ki, tərəflər Azərbaycan ilə Ermənistan arasında sülh prosesinin hazırkı vəziyyəti, keçmiş münaqişənin nəticələrinin aradan qaldırılması istiqamətində səylər və itkin düşmüş şəxslərin taleyinə aydınlıq gətirilməsinin həyati əhəmiyyəti barədə fikir mübadiləsi aparıblar.

Azərbaycan beynəlxalq humanitar hüquq və humanitar prinsiplərə sadiqliyini bir daha təsdiqləyib və qarşılıqlı maraqlara əsaslanan dialoqun vacibliyini vurğulayıb.

AZƏRTAC xəbər verir ki, görüş zamanı nazirlər Azərbaycan və Serbiya arasında strateji tərəfdaşlıq münasibətlərinin mövcud vəziyyətini və inkişaf perspektivlərini, siyasi, iqtisadi, ticarət, enerji, nəqliyyat və humanitar sahələrdə əməkdaşlığı, həmçinin regional və beynəlxalq təhlükəsizlik məsələlərini müzakirə ediblər.

Nazirlər ikitərəfli əlaqələrin irəlilədilməsində yüksəksəviyyəli təmasların, siyasi dialoqun və parlamentlərarası əlaqələrin, eləcə də Azərbaycan-Serbiya Strateji Tərəfdaşlıq Şurası, Hökumətlərarası Komissiya və Xarici işlər nazirlikləri arasında müntəzəm siyasi məsləhətləşmələr kimi əsas mexanizmlərin mühüm rolunu vurğulayıblar.

AZƏRTAC xəbər verir ki, bunu Azərbaycanın Baş nazirinin müavini Şahin Mustafayev Çin Xalq Respublikasının yaradılmasının 77-ci ildönümünə həsr olunmuş rəsmi qəbulda deyib.

Şahin Mustafayev bildirib ki, son illərdə Azərbaycan ilə Çin arasında turizm əlaqələri də dinamik şəkildə genişlənir.

Baş nazirin müavini qeyd edib ki, 2025-ci ildə qarşılıqlı viza rejiminin ləğvi turizm əlaqələrinin inkişafına əhəmiyyətli təkan verib. Ötən il Azərbaycana səfər edən Çin vətəndaşlarının sayı 42 faiz artıb, Azərbaycandan Çinə turist axını isə təxminən 85 faiz yüksəlib.

Şahin Mustafayev vurğulayıb ki, beynəlxalq münasibətlər də ikitərəfli əməkdaşlığın mühüm istiqamətlərindən birinə çevrilib.

Azərbaycanın və Çinin bir sıra şəhərləri arasında qardaşlaşma və əməkdaşlıq münasibətləri də yaradılıb.


Çinli alimlərin “Frontiers in Nutrition” jurnalında dərc olunan araşdırmalarına əsasən, yaşlılıq dövründə kifayət qədər ət yemək fiziki zəiflik riskini əhəmiyyətli dərəcədə azaldır.

Nankin şəhərində yaşayan 60 və daha yuxarı yaşda olan 5484 sakinin iştirak etdiyi tədqiqatda mütəxəssislər onların qidalanma vərdişlərini və qocalıq zəifliyi (orqanizmin fiziki və gündəlik yüklərə qarşı davamsızlığı) əlamətlərini təhlil ediblər. Müayinə olunanların 16,9 faizində bu cür zəiflik halı aşkar edilib. Yaş artdıqca bu göstəricinin kəskin yüksəldiyi müşahidə olunub. Daha aşağı yaş qrupundakı yaşlılarda zəiflik 13,2 faiz təşkil etdiyi halda, ən yuxarı yaş qrupunda bu rəqəm 32,8 faizə çatıb.

Araşdırma nəticəsində bəlli olub ki, tövsiyə olunan normaya qədər ət istehlak edən şəxslərdə fiziki zəiflik ehtimalı normadan az ət yeyənlərə nisbətən təxminən 30 faiz aşağıdır. Digər kənar amillər nəzərə alındıqdan sonra da bu asılılıq qorunub saxlanılıb və öyrənilən qrupların əksəriyyətində eyni nəticəni verib. Mütəxəssislər hesab edirlər ki, rasionda kifayət qədər ətin olması qocalıqda fiziki formanın saxlanılmasında vacib rol oynayır.

Yasəmən MUSAYEVA, 

“Azərbaycan”

AZƏRTAC xəbər verir ki, Fransanın Avropa və Xarici İşlər Nazirliyinin mətbuat xidmətinin yaydığı bəyanatda bu qərarın humanitar xarakter daşıdığı vurğulanıb və Fransa tərəfinin həmin addımı alqışladığı bildirilib.

“Azərbaycan Prezidentinin əfv qərarı iki ölkə arasında diplomatik təmasların davam etdirilməsi baxımından mühüm humanitar addımdır”, - deyə Fransa Xarici İşlər Nazirliyinin açıqlamasında qeyd olunub.

AZƏRTAC xəbər verir ki, bunu Baş nazirin müavini Şahin Mustafayev Çin Xalq Respublikasının yaradılmasının 77-ci ildönümü münasibətilə keçirilən tədbirdə deyib.

Şahin Mustafayev bildirib ki, Azərbaycan-Çin ticarət-iqtisadi əməkdaşlığı davamlı şəkildə inkişafdadır və artan dinamika nümayiş etdirir.

“Çin ölkəmizin aparıcı iqtisadi və ticarət tərəfdaşlarından biridir. Azərbaycan da öz növbəsində Çinin Cənubi Qafqaz regionunda ən böyük ticarət tərəfdaşıdır”, - deyə Baş nazirin müavini qeyd edib.

Ş.Mustafayev bildirib ki, Azərbaycan və Çin arasında ticarət-iqtisadi əməkdaşlığın inkişafında Azərbaycan-Çin Ticarət və İqtisadi Əməkdaşlıq üzrə Hökumətlərarası Komissiyanın fəaliyyəti mühüm rol oynayır. Komissiya çərçivəsində əməkdaşlığın əsas istiqamətləri ilə bağlı məsələlər mütəmadi olaraq nəzərdən keçirilir və növbəti addımlar müzakirə olunur.

Baş nazirin müavini qeyd edib ki, 2025-ci ilin aprelində Azərbaycan Prezidenti İlham Əliyevin Çinə dövlət səfəri zamanı iki ölkə arasında hərtərəfli strateji tərəfdaşlığın yaradılması haqqında Birgə Bəyanat imzalanıb.

“İkitərəfli münasibətlərin inkişafında yeni mərhələnin əsasını qoyan bu tarixi sənəd dövlət başçılarının strateji baxışının mühüm nəticəsi olub”, - deyə Şahin Mustafayev vurğulayıb.

O bildirib ki, ötən dövr ərzində dövlət başçıları səviyyəsində intensiv əlaqələrin davam etdirilməsi, eləcə də müxtəlif səviyyələrdə qarşılıqlı səfərlərin mütəmadi xarakter alması Azərbaycan-Çin münasibətlərinin yüksək dinamikasını nümayiş etdirir.

“Bu gün dövlət başçılarımızın tapşırıqlarına uyğun olaraq hərtərəfli strateji tərəfdaşlığımızın praktiki məzmunla zənginləşdirilməsi istiqamətində mühüm addımlar atılır”, - deyə Baş nazirin müavini qeyd edib.

Şahin Mustafayev siyasi dialoqun müsbət dinamikasının yüksək səviyyəli qarşılıqlı səfərlərdə və təmaslarda öz əksini tapdığını bildirib. Qeyd edib ki, cari ildə Azərbaycan və Çin arasında xarici işlər nazirlikləri, parlamentlərarası əlaqələr, baş prokurorluqlar və müdafiə nazirlikləri xətti ilə bir sıra qarşılıqlı səfərlər həyata keçirilib.

AZƏRTAC xəbər verir ki, bunu Çinin Azərbaycandakı səfiri Lu Mey Çin Xalq Respublikasının yaradılmasının 77-ci ildönümünə həsr olunmuş qəbulda çıxışı zamanı deyib.

Səfir bildirib ki, yaşıl keçid Çin modernləşməsinin mühüm səciyyəvi xüsusiyyətlərindən birinə çevrilib: “Çin qlobal yaşıl keçidin təşviq edilməsində mühüm rol oynayır. Çin dünyanın ən böyük yaşıl energetika sənayesi zəncirini yaradıb, bir çox ölkəyə əlçatan və yüksəkkeyfiyyətli ekoloji təmiz enerji həllərinə çıxış imkanı təmin edib”.

Azərbaycanla əməkdaşlığa toxunan diplomat ötən həftə Azərbaycan Prezidenti İlham Əliyevlə birlikdə Qobustan Günəş elektrik stansiyasının açılış mərasimində iştirak etdiyini xatırladıb: “Hələ ötən həftə Azərbaycan Prezidenti İlham Əliyev və mən Azərbaycanın dayanıqlı inkişafına töhfə verən Qobustan Günəş Elektrik Stansiyasının açılış mərasimində iştirak etmişdik”, - deyə səfir bildirib.

AZƏRTAC xəbər verir ki, bunu Çinin Azərbaycandakı səfiri Lu Mey Çin Xalq Respublikasının yaradılmasının 77-ci ildönümünə həsr olunmuş qəbulda deyib.

Səfir bildirib ki, Azərbaycan və Xəzər dənizindən keçən Çin-Avropa dəmir yolu ekspresi vasitəsilə daşımaların həcminin cari ildə iki dəfə artacağı gözlənilir.

“Bir kəmər, bir yol” təşəbbüsü çərçivəsində əməkdaşlığımız xalqlarımıza əməli fayda gətirir”, - deyə Lu Mey vurğulayıb.

Diplomat qeyd edib ki, Azərbaycan Baş nazirinin müavini Şahin Mustafayev Çində Qlobal Dayanıqlı Nəqliyyat Forumunda iştirak edib və Çin ilə Azərbaycan arasında beynəlxalq avtomobil daşımaları haqqında Hökumətlərarası Saziş imzalayıb.

“Bu da qarşılıqlı əlaqələr sahəsində əməkdaşlığımıza əlavə təkan verəcək”, - deyə səfir bildirib.

Günəşdən ən uzaqda yerləşən və Yerdən çılpaq gözlə görünməyən Neptun planeti, riyazi proqnozlar sayəsində 23 sentyabr 1846-cı ildə kəşf edilib. Rusiya Elmlər Akademiyasının Kosmik Tədqiqatlar İnstitutunun Planetar Fizika şöbəsinin elmi işçisi Dmitri Qorinovun sözlərinə görə, bir insanın Neptuna düşdüyünü əks etdirən elmi-fantastik bir film təsəvvür etsək, kosmik səyahətçi orada olduqca dəhşətli və tutqun bir mənzərə ilə qarşılaşar.

"Sonsuz buludlar, qaranlıq, duman, çox güclü küləklər və hər hansı bir əlamətdar yerin tamamilə yoxluğu... Aşağı və yuxarının hara olduğu bilinməyən tam bir qeyri-müəyyənlik hökm sürərdi, çünki ayaq basmağa heç bir bərk səth yoxdur. Qaz nəhəngləri insanlar üçün sanki 'qeyri-mümkün dünyalar'dır", - deyə astronom izah edir.

Qorinov bildirir ki, Neptun riyazi hesablamalar nəticəsində kəşf edilən ilk planetdir. Hərçənd, Qalileo Qaliley hələ 1612-ci ilin dekabrında bu səma cismini teleskopla müşahidə etsə də, onu ulduzla səhv salmışdı. 1846-cı ildə fransız astronomu Urben Le Verye (Urbain Le Verrier), o dövrdə Günəş sisteminin məlum olan sonuncu planetinin - Uranın hərəkətini təhlil etdi. O, Urana vaxtaşırı təsir edən naməlum bir nəhəng cismin onun anomal orbital hərəkətinə səbəb olduğunu anladı.

Le Verye planetin orbitini hesablayaraq koordinatları alman astronomu Yohan Qotfrid Qalleyə göndərdi. Çox keçmədən, Berlin Rəsədxanasında verilən proqnoza tam uyğun gələn həmin göy cismi qeydə alındı.Qeyd etmək lazımdır ki, Le Veryedən əvvəl britaniyalı riyaziyyatçı və astronom Con Adams da bu naməlum planetin mövcudluğunu hesablamışdı. O, öz qeydlərini Kembric Rəsədxanasının direktoru Corc Eyrə ötürsə də, Eyr gənc alimin mülahizələrini qulaqardına vurmuşdu.Daha uzaqda yerləşən Pluton cırtdan planet statusuna endirildikdən sonra, Neptun rəsmən Günəş sisteminin səkkizinci və ən uzaq planeti hesab olunur.

Ülkər XASPOLADOVA,

“Azərbaycan”

Təhsil texnologiyaları üzrə elmi tədqiqatçı Aysel Nağıyeva AZƏRTAC-a açıqlamasında bildirib ki, süni intellektin təhsildə yaratdığı əsas risklərdən biri insan amilinin zəifləməsidir. Onun sözlərinə görə, heç bir texnologiya müəllimin empatiyasını, emosional dəstəyini, motivasiya yaratmaq bacarığını və sosial münasibətlərini tam əvəz edə bilməz. Təhsil yalnız bilik ötürmək deyil, həm də şəxsiyyətin formalaşması prosesidir.

Tədqiqatçı məlumat təhlükəsizliyinin və məxfiliyin qorunmasının vacibliyini də vurğulayıb. O qeyd edib ki, süni intellekt sistemləri böyük həcmdə məlumat toplayır və emal edir. Bu məlumatların təhlükəsiz saxlanılması, etik normalara uyğun istifadəsi və şəxsi məlumatların qorunması təhsil müəssisələri qarşısında mühüm məsuliyyət yaradır.

Araşdırmada alqoritmik qərəzin də müəyyən risklər yaratdığı qeyd olunur. Süni intellekt sistemləri qeyri-obyektiv və ya balanssız məlumatlar əsasında öyrədildikdə, onların qərarlarında da qərəz yarana bilər. Bu isə qiymətləndirmədə və təhsil imkanlarının bərabərliyində problemlərə səbəb ola bilər.

Digər risk texnologiyadan həddindən artıq asılılıqla bağlıdır. Şagird və müəllim bütün tapşırıqları süni intellekt vasitəsilə yerinə yetirməyə alışdıqda, tənqidi düşünmə, müstəqil araşdırma, problem həll etmə və yaradıcılıq kimi XXI əsr bacarıqlarının inkişafı zəifləyə bilər.

Tədqiqatın nəticələrinə görə, süni intellekt təhsildə müəllimi əvəz edən deyil, onun fəaliyyətini dəstəkləyən vasitə kimi nəzərdən keçirilməlidir. Texnologiya rutin işləri sadələşdirə, fərdiləşdirilmiş təlim imkanları yarada və qərarvermə prosesini dəstəkləyə bilər. Lakin etik prinsiplərə, şəffaflığa və məlumat təhlükəsizliyinə əməl olunmadıqda, eləcə də müəllimin aparıcı rolu qorunmadıqda bu imkanlar müəyyən risklərə çevrilə bilər.

Müasir təhsil sisteminin qarşısında duran əsas vəzifə süni intellektdən imtina etmək deyil, bu texnologiyadan məsuliyyətli və məqsədyönlü istifadəni təmin etməkdir.

“ShinyHunters” xaker qrupu ABŞ Federal Təhqiqat Bürosu (FTB) ilə əlaqəli bir neçə xidməti ələ keçirdiyini bəyan edib. “404 Media” nəşrinin verdiyi məlumata görə, kibercinayətkarlar qurumun bütün əməkdaşlarının və işə qəbul üçün müraciət edən namizədlərin fərdi məlumatlarını əldə etdiklərini iddia edir.

İddialarını sübut etmək üçün xakerlər jurnalistlərə təxminən 5 min FTB əməkdaşının məlumatlarını əks etdirən baza nümunəsi təqdim ediblər. Həmin faylda əməkdaşların yaşayış ünvanları, telefon nömrələri, doğum tarixləri və bəzi hallarda hətta həyat yoldaşları barədə məlumatlar yer alıb. “404 Media”nın əməkdaşları sızdırılan məlumatların bir hissəsini yoxlayıb və bəzi nömrələrin həqiqətən də faylda adı çəkilən şəxslərə aid olduğunu müəyyən ediblər. Onların bir qisminin ABŞ Ədliyyə Nazirliyinin əməkdaşları olduğu üzə çıxıb.

Yasəmən MUSAYEVA, 

“Azərbaycan”

AZƏRTAC xəbər verir ki, bunu Çinin Azərbaycandakı səfiri Lu Mey Çin Xalq Respublikasının yaradılmasının 77-ci ildönümünə həsr olunmuş qəbulda çıxışı zamanı deyib.

Səfir bildirib ki, bu il Çin-Azərbaycan münasibətləri üçün nailiyyətlərlə zəngin olub: “ÇXR Sədri Si Cinpinin və Azərbaycan Prezidenti İlham Əliyevin strateji rəhbərliyi sayəsində bizim yüksəksəviyyəli əməkdaşlığımız dövlətlər arasında qarşılıqlı etimad, bərabərlik və dostluq tərəfdaşlığı nümunəsi kimi çıxış edir”.

Lu Mey qeyd edib ki, Çin və Azərbaycan suverenliyin, müstəqilliyin və ərazi bütövlüyünün müdafiəsi məsələlərində həmişə bir-birini dəstəkləyir, həmçinin qarşı tərəfin seçdiyi inkişaf yoluna hörmətlə yanaşır: “Praktiki əməkdaşlıq münasibətlərimizin möhkəm təməlini təşkil edir”.

Diplomat vurğulayıb ki, “Bir kəmər, bir yol” təşəbbüsü çərçivəsində Azərbaycanla əməkdaşlıq xalqlara əməli fayda gətirir.

Səfir gələcəkdə iki ölkə arasında iqtisadi və digər sahələrdə əməkdaşlığın daha da genişləndirilməsi üçün mövcud imkanlardan istifadə edilməsinin vacibliyini qeyd edib.

AZƏRTAC xəbər verir ki, bunu Çin Xalq Respublikasının Azərbaycandakı səfiri Lu Mey ÇXR-in yaradılmasının 77-ci ildönümünə həsr olunmuş rəsmi qəbulda çıxışı zamanı deyib.

Səfir bildirib ki, cari ilin birinci yarısında Çinin ÜDM-i 4,7 faiz artaraq bütün il üçün nəzərdə tutulmuş hədəflərə uyğun göstəricilər nümayiş etdirib. Çin dünyanın 150-dən çox ölkəsi və regionu üçün əsas ticarət tərəfdaşı qismində çıxış edir.

“Gələcəyə nəzər salsaq, qeyd etmək lazımdır ki, Çin iqtisadiyyatı böyük daxili bazara, güclü istehsal potensialına, inkişaf etmiş infrastruktura, etibarlı insan resurslarına, eləcə də bütöv sənaye və təchizat zənciri sisteminə əsaslanan yüksək dayanıqlılıq və möhkəm təməl nümayiş etdirir. Bütün bunlar dünya iqtisadiyyatının artımına sabitlik və etibarlılıq təmin etdirməyə davam edəcəkdir”, - deyə Lu Mey vurğulayıb.

Səfir Çinin elmi-texniki innovasiyalar sahəsində də dünya lideri olduğunu qeyd edib. Onun sözlərinə görə, elmi-texniki sahədə davamlı irəliləyişlər sürətlə sənaye istehsalına tətbiq olunur və praktiki həllər tapır.

“Ən əsası odur ki, Çinin texnoloji innovasiyaları inklüziv və açıq xarakter daşıyır və biz onları beynəlxalq birliklə bölüşməyə səmimi qəlbdən hazırıq”, - deyə diplomat əlavə edib.

Dövlət Statistika Komitəsindən AZƏRTAC-a bildirilib ki, sentyabrın 1-i vəziyyətinə hazır məhsul ehtiyatı illik müqayisədə 1493,8 ton və ya 9,3 dəfə artaraq 1673,3 ton olub.

Qeyd edək ki, Dövlət Gömrük Komitəsinin hesabatına əsasən bu ilin səkkiz ayında Azərbaycandan xarici bazarlara 28 milyon 342,67 min dollar dəyərində mis və ondan hazırlanan məmulatlar ixrac edilib. Bu, ötən ilin müvafiq dövrü ilə müqayisədə 13,7 faiz çoxdur.

Ölkəyə idxal edilən mis və ondan hazırlanan məmulatların dəyəri isə illik müqayisədə 3,5 faiz artaraq 37 milyon 23,11 min dollar təşkil edib.

Xatırladaq ki, 2025-ci ilin yanvar-avqust aylarında Azərbaycanda 2270,6 ton mis konsentratı istehsalı istehsal edilib. Həmin dövrdə Azərbaycandan 24 milyon 934,78 min dollar dəyərində mis və ondan hazırlanan məmulatları ixrac edilib, idxal isə 35 milyon 767,59 min dollar təşkil edib.

“Darkwing Duck” cizgi serialı 30 ildən çox müddətdən sonra yenidən ekranlara qayıdır. “Disney+” yayım platforması məşhur superqəhrəman “Darkwing Duck” haqqında yeni cizgi serialının hazırlanmasına başladığını rəsmi mətbuat açıqlamasında bəyan edib. 

Yeni hekayə, otuz ildən artıqdır ki, heç kimin onun qəhrəmanlıqlarından xəbər tutmadığı paralel bir dünyada sıxışıb qalan personajın ətrafında cərəyan edir. O, onun keçmişi haqqında hər şeyi bilən Daki adlı üsyankar yeniyetmə qızla güclərini birləşdirməli olur. Baş qəhrəman Anti-Klok və Meqavolt kimi köhnə düşmənlərinə qarşı mübarizə aparmaq və bütün kainatı xilas etmək üçün köhnə müttəfiqləri - Ziqzaq MakKrek, Qoz və Morqana Makabre ilə yenidən bir araya gəlməlidir. 

Yeni layihədə baş qəhrəmanı Mark Hamill, Ziqzaq MakKreki Set Rogen, Qozu isə Lizzi Kaplan səsləndirəcək. Orijinal cizgi serialının yaradıcısı Ted Stouns isə layihəyə məsləhətçi kimi cəlb olunub. 

Xatırladaq ki, orijinal animasiya serialı 1991–1995-ci illərdə yayımlanıb və 91 bölümdən ibarət olub. “Disney+” həmçinin qeyd edib ki, bu franşiza vaxtilə “Nintendo NES” və “Game Boy” konsolları üçün videooyunlara, eləcə də populyar komiks seriyalarına uyğunlaşdırılıb.

Ülkər XASPOLADOVA,

“Azərbaycan”