Çiçəklər hər bir xalqın mədəniyyətində bir məna daşıyır. Hətta rənglərinə görə də bəzən onları mənalandırırlar. Bəzi çiçəklər yazın gəlişindən, bayramdan xəbər verdiyi halda, bəzilərindən isə yas mərasimlərində, hüzn günlərində istifadə olunur.
Təbii ki, bu da hər bir millətin öz adət-ənənəsindən, mentalitetindən asılı olaraq dəyişə bilər. Qırmızı qızılgül sevgi, dostluq, incəliyi əks etdirir. Qərənfil gülü bizdə müəyyən dövrə qədər daha çox sevgi mənasını ifadə edən, sevgiliyə bağışlanan gül olsa da, 20 Yanvar faciəsindən sonra daha çox qəbir üstünə qoyulan çiçəyə çevrildi. Yunanlarda isə qərənfildən “tacqoyma” mərasimində istifadə olunur. Bu gül bir neçə rəngdə olur. Belə ki, əsasən çəhrayı-bənövşəyi rəngdə olsa da, digər rəngləri də mövcuddur. Rənglərin hər birinin müxtəlif mənaları var. Məsələn, qırmızı qərənfil heyranlığı, ağ qərənfil isə şansı simvolizə edir.
Gözəlliyi ilə seçilən kala zəhərli bitki hesab olunur və çiçəkləri öldürücü gücə malikdir. Çiçək və yarpaqları heyvanlar tərəfindən yeyildiyi zaman onların ölümünə səbəb olur.
Dünyada ən gözəl və iyli çiçəklər sırasında orxideya mühüm yer tutur. 250 mindən çox növü olan gülün çəhrayı və ağ rəngləri daha çox yayılıb. Bu rəngli çiçəklər şəfqət və simpatiyanı özündə əks etdirir.
Gözəl qoxusu ilə fərqlənən güllərdən biri də lavandadır. Lavanda çiçəkləri bənövşəyi, mavi və digər rənglərdə olur. Lavanda sükut, sədaqət və şans simvoludur.
Çiçək açması ilə bayramı gətirən albalı ağacının çiçəkləri Amerika və Yaponiyada fərqli qarşılanır. Bu ağacın çiçək açması həmin ölkələrdə festivalların keçirilməsi ilə qeyd olunur. Ən məşhur rəngləri ağ və çəhrayıdır.
677jpg_1781134810.jpg)
jpg_1781187159.jpg)
