30 Aprel 2023 10:20
593
Elm və texnika
A- A+

Modernləşmə prosesində elmin rolu artır

 

Ulu Öndər 2002-ci ildə Bilik Günündə oxuduğum Suraxanı rayonundakı 275 saylı orta məktəbə gəlmişdi. Bizimlə səmimi söhbəti zamanı dediyi "Gələcəyimiz siz gənclərin əllərindədir", "Siz bizim gələcəyimizsiniz" cümlələri heç vaxt yadımdan çıxmayıb və həyat kredom olub. 
Tarixən hər bir xalq özünün xoşbəxt gələcəyə olan ümidlərini ilk növbədə gənc nəsillə bağlayır. Onların milli ruhda yetişdirilməsi hər bir ölkə üçün başlıca məsələdir. Son illər ölkəmizdə elmin nüfuzunun yüksəldilməsi, cəmiyyətin inkişafında onun əhəmiyyətinin artırılması və elmi fəaliyyətin stimullaşdırılması istiqamətində qəbul edilmiş mühüm qərarlardan biri də dövlət başçısının Azərbaycan Respublikasında "Elm Günü"nün təsis edilməsi haqqında 9 aprel 2018-ci il tarixli sərəncamı oldu. Builki "Elm Günü"ndə "İlin gənc alimi" diplomuna layiq görüldüm. Dövlətin elmlə məşğul olanlara diqqət və qayğısının rəmzi ifadəsi olan peşə bayramının təsis olunması gənclərimizə xüsusi stimul verdi. 
Ölkəmizdə gənclərə göstərilən qayğını öz timsalımda bildirmək istəyirəm. Pandemiya səbəbindən ölkəmizdə Dissertasiya şuraları bir müddət fəaliyyət göstərməsə belə mən 28 yaşımda fizika üzrə fəlsəfə doktoru elmi dərəcəsi aldım. Hazırda tədqiqat işləri aparmaqla bərabər, Azərbaycan-Fransız Universitetində (UFAZ-ın) ingilis dilində fizika fənnindən mühazirə söyləyir,  məşğələ dərslərini aparıram. 
Bu ilin mart ayında mən tədqiqat proqramı çərçivəsində Azərbaycan-Fransız Universitetinin dəstəyi ilə Fransanın Strasburq Universitetində (Unistra) ezamiyyətdə oldum. Unistra professoru, Philipp Turekin rəhbərlik etdiyi POMAM (Proprietes Optiques et Magnetiques des Architectures Moleculaires) laboratoriyasında və Strasburqun Materiallar Fizikası və Kimyası İnstitutunda (IPCMS) tədqiqatlar apardım. Bundan əlavə, orada olan müxtəlif cihazların iş prinsipləri haqqında məlumatlar əldə etdim. Strasburq Universitetində EPR cihazı ilə tanış oldum, onun işləmə prinsipini öyrəndim və aşağı ölçülü sistemlərin bəzi xassələrini araşdırdım. Nümunəyə göndərilən elektromaqnit dalğalarının temperaturun dəyişməsindən necə təsirləndiyini müşahidə etdim və bütün məlumatları Ksenon proqramı ilə hesablayaraq mühüm nəticələr əldə etdim. Aldığım nəticələri həmin universitetin professorları Vileno Bertrand və Tureklə müzakirə etdim. 
Biz gənclər cəmiyyətin ən dinamik zümrəsi kimi ictimai-siyasi, sosial-iqtisadi və mədəni həyatda fəal iştirak edirik. Bütün bunların hamısı Prezident İlham Əliyevin gənclərə olan diqqətinin və qayğısının nəticəsidir. İndi dövlət qurumlarında rəhbərliklər daha çox gənclərə həvalə edilir. Son dövrlərdə elm və texnikanın inkişafının sürətlə irəliləməsinin nəticəsinin biz İkinci Qarabağ müharibəsi zamanı şahidi olduq. Gənclərimiz Vətən müharibəsində şanlı qələbələri ilə xalqımıza zəfər bəxş etdilər. Müzəffər Ali Baş Komandanımız, Prezident İlham Əliyevin rəhbərliyi ilə ordumuzun 44 günlük müharibədə şanlı qələbəsi göstərdi ki, indiki müasir dövrün müharibədəki qələbələri intellektual əməyin nəticələridir. Odur ki, dəqiq elmlərlə məşğul olan gənc alimlər ölkəmizin hərbi sənaye potensialının yüksəlməsi üçün var gücləri ilə çalışır, müasir dövrün ən zəruri mövzuları üzrə tədqiqat işləri aparırlar. 
Bu gün Azərbaycanın müasirləşməsi, modernləşməsi istiqamətində uğurlu siyasət həyata keçirilir. Bu baxımdan modernləşmə prosesində elmin rolu xüsusi əhəmiyyət kəsb edir. 

Behbud İBRAHİMOV,
Elm və Təhsil Nazirliyinin Fizika İnstitutunun Gənc Alim və Mütəxəssislər Şurasının sədri, fizika üzrə fəlsəfə doktoru

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video