Milli Hidrometeorologiya Xidmətinin iyunun 7-si saat 09:00-a olan məlumatına əsasən ölkə ərazisində qeyri-sabit hava şəraiti davam edib, ayrı-ayrı yerlərdə şimşək çaxıb, arabir leysan xarakterli yağış yağıb, Balakən-Şəki zonasının bəzi yerlərində intensiv və güclü olub.
Xidmətdən AZƏRTAC-a verilən məlumata görə, yağan leysan yağışlar nəticəsində İsmayıllı rayonu ərazisindən keçən Göyçay çayından, Oğuz rayonundan keçən Əyriçaydan, Zaqatala rayonu ərazisindən keçən Muxax çayı və Talaçaydan, Qax rayonundan keçən Kürmükçaydan, Qəbələ rayonundan keçən Dəmiraparançaydan, Quba rayonu ərazisindən axan Vəlvələçaydan sel keçib.
Düşən yağıntının miqdarı Qaxda 156 (aylıq normanın 121 faizi), Qəbələdə 53 (aylıq normanın 47 faizi), Zaqatalada 48 (aylıq normanın 37 faizi), Şəkidə 37 (aylıq normanın 37 faizi), Balakəndə 27 (aylıq normanın 21 faizi), Şahdağda 23 (aylıq normanın 48 faizi), Oğuzda 23 (aylıq normanın 19 faizi), Altıağacda 16 (aylıq normanın 25 faizi), Qusarda 15, Gədəbəy, Xaltanda 12, Daşkəsən, Quba, Şəmkir, Şamaxı, Yevlax, Gəncə, Göygöl, Ağstafa, Ceyrançöl, Naxçıvan, Şahbuz, Sədərək, Naftalan, Tovuz, İsmayıllı, Qobustan, Pirallahı, Mingəçevirdə 5-10 millimetrədək olub.
Əvvəlcədən xəbər verildiyi kimi, ölkə ərazisində küləkli hava şəraiti davam edib. İyunun 6-da şimal-qərb küləyi arabir Naftalanda 22, Neftçala, Mingəçevir, Şəki, Gəncə, Zaqatala, Balakəndə 20, Ağdamda 18, Sabirabad və Qaxda isə 17 metr/saniyəyədək güclənib.
Daşkəsən, Göygöl, Şəmkir, Quba, Qusar, Şahdağ, Altıağac, Balakən, Şamaxı, Qrız, Lerikdə duman müşahidə olunub.
677jpg_1781134810.jpg)
jpg_1781269984.jpg)
