05 Aprel 2023 17:43
3046
Səhiyyə
A- A+

Mütəxəssis: Vitamin qəbul edərkən mütləq həkimlə məsləhətləşmək lazımdır

 

Vitamin çatışmazlığı ilə yanaşı orqanizmdə vitaminin normadan artıq olması da zərərlidir.

AZƏRTAC xəbər verir ki, bunu Səhiyyə Nazirliyinin rəsmi instaqram səhifəsində canlı yayım zamanı nazirliyin mütəxəssis-eksperti, terapevt Zakir Quliyev deyib.

Həkimin sözlərinə görə, vitamin qəbul edərkən mütləq həkimlə məsləhətləşmək lazımdır: “Müşahidə edilən simptomlar səbəbindən vitamin çatışmazlığı diaqnozu qoyula bilməz. Həmin simptomlar başqa xəstəliklərin əlamətləri ola bilər. Hər hansı vitaminin çatışmadığını müəyyən etmək üçün həkimə müraciət etmək lazımdır. Günəş şüası görməyən, gün ərzində qapalı məkanlarda olan insanlarda daha çox D vitamini çatışmazlığı müşahidə olunur. D vitamini çatışmazlığı olan insanlarda tez-tez xəstələnmə halları və ya xəstələrdə ağırlaşmalar görünür. D vitamini dayaq hərəkət sisteminə təsir göstərən ən vacib amillərdəndir. Uşaqlarda bu vitaminin çatışmazlığı zamanı boyun uzanmasında ləngimələr müşahidə edilə bilər. Əgər uşaqlarda ağız yaraları olursa, boyunda uzanma getmirsə, dırnaqları qırılırsa, dəridə quruluq yaranırsa, bu zaman vitamin çatışmazlığından narahat olmaq olar”.

Həkim tez-tez qrip virusuna yoluxan adamların oktyabr, noyabr, dekabr aylarında vaksin olunmasının vacib olduğunu deyib: “İmmun sistemini gücləndirməyin ən yaxşı yolu düzgün qidalanmaq, yuxu rejiminə fikir vermək, aktiv həyat keçirməkdir. Multivitaminlərlə də orqanizmi gücləndirmək olar, lakin bu həkim nəzarəti olmadan edilməməlidir”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video