Milli Məclisdə MDB PA-nın hüquq məsələləri daimi komissiyasının iclası olmuşdur
Oktyabrın 3-də Azərbaycan Respublikasının Milli Məclisində MDB Parlamentlərarası Assambleyasının (MDB PA) hüquq məsələləri daimi komissiyasının iclası keçirilmişdir.
AzərTAc xəbər verir ki, MDB-nin üzv olan 7 dövlətin nümayəndəsinin iştirak etdiyi iclasda "Mülkiyyət hüququ və onun müdafiəsi haqqında" və "Ticarət sirri haqqında" model qanunların layihələri müzakirə olunmuşdur.
Milli Məclisin Hüquq siyasəti və dövlət quruculuğu komitəsinin sədri Əli Hüseynli iclasda çıxış edərək parlament rəhbərliyi adından qonaqları salamlamış, Azərbaycanda məhkəmə-hüquq sistemində həyata keçirilən islahatlar barədə məlumat vermişdir. O bildirmişdir ki, Azərbaycanın hüquq sistemi Avropa standartlarına tam uyğunlaşdırılmışdır. Ölkəmiz uğurlu hüquq islahatları nəticəsində Avropa qurumlarında öz layiqli yerini tutmuşdur. Azərbaycan parlamenti MDB PA ilə hüquq islahatları üzrə sıx əməkdaşlıq edir, bəzi qanunlarımız bu mötəbər təşkilatda model qanun kimi qəbul olunmuşdur.
Rusiya Federal Məclisi Federasiya Şurası komitəsinin baş məsləhətçisi Valeri Bokaryov MDB ölkələrinin hüquq sahəsindəki normativ aktlarının müddəalarının uyğunlaşdırılmasının vacibliyini qeyd etmişdir. MDB PA iclaslarında bu kimi məsələlərin qaldırılmasının, "Məhkəmədən əvvəl mübahisələrin həllində vasitəçilik haqqında" model qanunun layihəsinin və MDB üzvü olan dövlətlər üçün hüquq terminləri məlumat kitabçasının hazırlanmasının zəruriliyini vurğulamışdır.
Bundan başqa, iclasda MDB PA tərəfindən qəbul edilmiş model qanunvericilik aktlarından istifadə haqqında məlumatlar dinlənilmişdir.
İclasda Tacikistan parlamentinin komitə
sədri Mahmudəli Vətənov MDB PA-nın hüquq məsələləri üzrə daimi komissiyasının sədri seçilmişdir.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Ülviyyə Fətəliyeva Avropa çempionu oldu
29 Aprel
Geomaqnit sahəsi qeyri-stabil olacaq
29 Aprel
“Google Play Market”də yeni funksiya istifadəyə verilir
29 Aprel
Çağrı mərkəzlərində süni zəka dövrü başlayır
29 Aprel
Jerar Depardye Parisdə saxlanılıb
29 Aprel
Azərbaycanlı mütəxəssis Avropa Gimnastikasının İtaliyadakı tədbirində iştirak edib
29 Aprel
Ukraynalı deputat: Ruben Vardanyanın Nobel Sülh Mükafatına namizədliyinin irəli sürülməsi qəbuledilm...
29 Aprel
BMTİP ilə bərpa olunan enerjidən istifadə etməklə mərkəzləşdirilmiş istilik təchizatının qurulması m...
29 Aprel
Azərbaycan Respublikası Baş nazirinin müavini Şahin Mustafayevin Xidmətinin məlumatı
29 Aprel
Baş prokuror TİHEK-in rəhbəri ilə əməkdaşlıq istiqamətləri barədə fikir mübadiləsi aparıb...
29 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!