16 Noyabr 2026 20:59
175
CƏMİYYƏT
A- A+
Tolerantlıq insanlığın mənəvi ucalığı, cəmiyyətin birliyi, xalqların həmrəyliyidir  

Tolerantlıq insanlığın mənəvi ucalığı, cəmiyyətin birliyi, xalqların həmrəyliyidir  


Dünyanın ən böyük zənginliyi  nə sərvət, nə maddi nemət, nə də iqtisadi gücdür. Bəşəriyyətin əsl zənginliyi müxtəlif dillərdə danışan, fərqli dinlərə inanan, ayrı-ayrı mədəniyyətləri yaşadan insanların eyni səma altında sülh, qarşılıqlı hörmət və anlaşma şəraitində yaşaya bilməsidir. 

İnsanları bir-birindən fərqləndirən xüsusiyyətlər onları ayırmaq üçün deyil, əksinə, bir-birini daha yaxından tanımaq, anlamaq və zənginləşdirmək üçün bir fürsət olmalıdır. Məhz bu mənada tolerantlıq mənəvi keyfiyyət olmaqla yanaşı, həm də insanlığın gələcəyini müəyyən edən mühüm dəyərdir.

Tolerantlıq insanın daxilində başlayan mənəvi mədəniyyətdir. Tolerant olmaq başqasının fərqli düşünmək hüququna hörmətlə yanaşmaqdır. Tolerantlıq öz inancına, milli kimliyinə və dəyərlərinə sahib çıxmaqla yanaşı, başqalarının da eyni hüquqlara malik olduğunu qəbul etməkdir. Tolerant insan fərqlilikdən qorxmur, onu həyatın təbii rəngarəngliyi kimi dəyərləndirir. Hörmət olmayan yerdə anlaşma, anlaşma olmayan yerdə isə davamlı əmin-amanlıq yoxdur. 

Bu baxımdan Azərbaycan dünyanın diqqətini cəlb edən özünəməxsus tarixi və mənəvi ənənələrə malik ölkələrdəndir. Azərbaycan əsrlər boyu müxtəlif xalqların, dinlərin və mədəniyyətlərin qovuşduğu məkan, Şərqlə Qərb arasında mənəvi körpü olmuşdur. Ölkəmizdə azərbaycanlılarla yanaşı, ləzgilər, talışlar, avarlar, yəhudilər, ruslar, udinlər və digər xalqlar tarixən birgə yaşamış, öz dillərini, adət-ənənələrini və mədəni irslərini qoruyub saxlamışlar. Bu torpaqda məscidlərin, kilsələrin, sinaqoqların və müxtəlif dini abidələrin yanaşı mövcudluğu tolerantlığın sözdə deyil, gündəlik həyatımızda da öz əksini tapdığını göstərən mühüm nümunələrdəndir. Azərbaycanın tolerantlıq ənənələrinin əsas xüsusiyyəti onun tarixi yaddaşımızdan və həyat tərzimizdən qaynaqlanmasıdır. Qonaqpərvərlik, mərhəmət, böyüyə hörmət, fərqli düşüncəyə anlayışla yanaşmaq xalqımızın mənəvi dəyərlərinin ayrılmaz hissəsidir. Bu gün də multikulturalizmin və tolerantlığın dövlət siyasətinin mühüm istiqamətlərindən biri olması həmin ənənələrin qorunmasına və inkişafına xidmət edir.

Prezident İlham Əliyev çıxışlarında Azərbaycanın bu sahədəki təcrübəsinə xüsusi diqqət yetirir. Dövlətimizin başçısı 2021-ci il sentyabrın 24-də BMT Baş Assambleyasının 76-cı sessiyasındakı videomüraciətində demişdir: “Azərbaycanda multikulturalizmi həyat tərzi kimi qoruyur və dəstəkləyirik. Azərbaycan ölkəmizdə yaşayan müxtəlif dini və etnik qrupların nümayəndələrinin tolerantlıq və dinc yanaşı yaşamasının nümunəsi hesab olunur”. Bu fikirlər ölkəmizdə müxtəlifliyə münasibətin dövlət səviyyəsində ifadəsi olmaqla yanaşı, xalqımızın əsrlərdən gələn birgəyaşayış ənənələrini də əks etdirir.

Bu gün Azərbaycanın Bakı Beynəlxalq Humanitar Forumu, Dünya Mədəniyyətlərarası Dialoq Forumu və digər beynəlxalq təşəbbüslərlə mədəniyyətlərarası münasibətlərin inkişafına töhfə verməsi xüsusi əhəmiyyət daşıyır. 2008-ci ildə başlanmış Bakı Prosesi müxtəlif mədəniyyətlər və sivilizasiyalar arasında dialoqun gücləndirilməsinə yönəlmiş mühüm beynəlxalq təşəbbüslərdən biridir. Bütün bunlar göstərir ki, tolerantlıq təkcə ölkə daxilində qorunmalı dəyər deyil, həm də beynəlxalq münasibətlərdə sülhün və əməkdaşlığın möhkəmləndirilməsinə xidmət edən mühüm amildir.

Tolerantlığın qorunması dövlətlərin və beynəlxalq təşkilatların vəzifəsi kimi qəbul edilməməlidir, eyni zamanda vətandaşların üzərinə düşən bir məsuliyyət olmalıdır. Ailədə övladlara başqa insanlara hörmət etməyi öyrətmək, məktəblərdə dostluq və humanizm ruhunu aşılamaq, cəmiyyətdə ayrı-seçkiliyə qarşı mövqe nümayiş etdirmək gələcək nəsillərin sağlam mənəvi mühitdə yetişməsinə kömək edir. Xüsusən müasir informasiya dünyasında dini, milli və irqi zəmində nifrət yayan fikirlərə qarşı ayıq olmaq, həqiqəti təhrif edən çağırışlara uymamaq hər birimizin borcudur. Unutmamalıyıq ki, müharibələr, nifrət və düşmənçilik insanları bir-birindən uzaqlaşdırır, tolerantlıq, mərhəmət və qarşılıqlı hörmət isə yaxınlaşdırır. Dünyanın bu gün ən çox ehtiyac duyduğu dəyərlər məhz bunlardır. İnsanların fərqli olması problem deyil, problem bu fərqlilikləri qarşıdurma səbəbinə çevirməkdir.

Beynəlxalq Tolerantlıq Günü hər birimizə bir daha xatırladır ki, insanlığın əsl böyüklüyü başqasını olduğu kimi qəbul etməkdədir. Gəlin, yaşadığımız dünyanı nifrətin, düşmənçiliyin, ayrı-seçkiliyin yox, sevginin, bərabərliyin, dostluğun hökm sürdüyü bir məkana çevirək. Tolerantlıq hər gün yaşadılmalı olan mənəvi dəyərdir. Fərqliliklərimiz bizi ayırmasın, əksinə, birləşdirsin! İnsanlığın gələcəyi məhz bu birlikdən, qarşılıqlı hörmətdən və ali mənəvi dəyərdən keçir.


Elşən QƏNİYEV,

“Azərbaycan”


Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Azərbaycan millisi Andorraya qalib gəlib, Emin Mahmudov yığmadakı karyerasını bitirib

23:51
16 Noyabr

Ukraynanın Zaporojye vilayətinə aviazərbələr nəticəsində ölənlərin sayı 72 nəfərə çatıb

23:13
16 Noyabr

Leyla Əliyeva Qaraçuxur İdman Zalının açılışında iştirak edib

22:59
16 Noyabr

Milli Məclisin plenar iclasında 2027-ci ilin dövlət büdcəsi layihəsinin müzakirəsinə başlanıb YENİLƏNİB 

21:57
16 Noyabr

Tolerantlıq insanlığın mənəvi ucalığı, cəmiyyətin birliyi, xalqların həmrəyliyidir  

20:59
16 Noyabr

Mao Nin: Üçtərəfli görüşdə liderlər dünyada sülhün qorunmasını müzakirə edəcəklər  

20:46
16 Noyabr

Tramp Si Cinpin və Putinlə görüşdə Ukraynadakı müharibəni müzakirə edəcəyini bildirib

19:49
16 Noyabr

İƏT Nazirlər Şurasının iclasında Azərbaycanın regionda davamlı sülhün təmin olunması istiqamətindəki səylərindən bəhs edilib  

19:07
16 Noyabr

COP31-in sədri Azərbaycan pavilyonunu ziyarət edib  

19:01
16 Noyabr

Sosial və İqtisadi məsələlər üzrə Üçtərəfli Komissiyanın iclası olub  

18:50
16 Noyabr

Qazaxıstanla Azərbaycan arasında ticarət dövriyyəsi doqquz ayda 306 milyon dolları ötüb

18:41
16 Noyabr

Ceyhun Bayramov britaniyalı həmkarı ilə regional təhlükəsizliyi və ikitərəfli əməkdaşlığı müzakirə edib  

18:40
16 Noyabr

Gələcəyin peşələri və insan kapitalı: Bakıda Milli Məşğulluq Forumu təşkil olunub  

18:39
16 Noyabr

Azərbaycan Beynəlxalq Telekommunikasiya İttifaqının Şurasına üzv seçilib  

18:37
16 Noyabr

Avropa İttifaqı Rusiyaya qarşı sanksiyaları genişləndirib

18:36
16 Noyabr

COP29-un prezidenti: Meşələrin qorunması gələcəyimizin təminat altına alınması deməkdir  

18:35
16 Noyabr

Qara dənizdə batan gəmidə aralarında 4 azərbaycanlının da olduğu heyət üzvləri xilas edilib

18:34
16 Noyabr

İnsan bədənində toxuma çapı  

17:23
16 Noyabr

Rusiya və Çin arasında hərbi-texniki əməkdaşlıq dərinləşir  

17:15
16 Noyabr

Sinir hüceyrələrini məhv olmaqdan qoruyan təbii maddə tapılıb

17:07
16 Noyabr

Alimlər gəzərkən yorğunluğu azaldan xüsusi corablar hazırlayıblar

17:05
16 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!