16 Noyabr 2026 17:15
678
DÜNYA
A- A+
Rusiya və Çin arasında hərbi-texniki əməkdaşlıq dərinləşir  

Rusiya və Çin arasında hərbi-texniki əməkdaşlıq dərinləşir  


Rusiya və Çin arasındakı hərbi yaxınlaşma regional təhlükəsizliyin və qlobal güc balansının yenidən formalaşmasına təsir göstərir.

Anadolu Agentlinin məlumatına görə, bu barədə Türkiyənin Kırıkkale Universitetinin Beynəlxalq münasibətlər kafedrasının dosenti Merve Suna Özel Özcan təhlil hazırlayıb. 

Noyabrın 3-də Pekində Rusiyanın müdafiə naziri Andrey Belousov ilə Çin Mərkəzi Hərbi Komissiyasının Sədr müavini Çjan Şenmin arasında keçirilən görüş iki ölkənin müdafiə əlaqələrində yeni mərhələdən xəbər verir. Tərəflər strateji məsləhətləşmələri, birgə təlimləri və elmi-texnoloji əməkdaşlığı gücləndirmək niyyətindədirlər.

Təhlildə vurğulanır ki, Rusiya raket sistemləri, enerji resursları və mövcud döyüş təcrübəsi ilə seçilir. Çin isə iqtisadi və texnoloji gücünü müasir ordu quruculuğuna yönəldərək Hind-Sakit okean regionunda strateji tarazlığa təsir edir. Müəllif 2024-cü ilin mayında iqtisadçı Andrey Belousovun Rusiyanın müdafiə naziri təyin edilməsini də xüsusi qeyd edib. Bu addım müdafiə sənayesi ilə iqtisadiyyat arasında koordinasiyanı artırmaq və istehsal gücünü möhkəmləndirmək məqsədi daşıyır. Pekinlə əməkdaşlıq Moskvaya texnoloji imkanlarını genişləndirməyə, Çinə isə şimal sərhədlərində sabitliyi qorumağa şərait yaradır.

Stokholm Beynəlxalq Sülh Araşdırmaları İnstitutunun 2021-2025-ci illər üzrə hesabatına əsasən, qlobal silah ixracında Rusiyanın payı 6,8 faiz, Çinin payı isə 5,6 faiz təşkil edib. Əvvəlki beşillik dövrlə müqayisədə Rusiyanın silah ixracı 64 faiz azalıb, Çinin ixracı isə 11 faiz artıb. Bununla yanaşı, 2024-cü ildə dünyanın ən böyük 100 müdafiə şirkəti siyahısına daxil olan 8 Çin şirkətinin ümumi gəliri 88,3 milyard dollar, məlumatları açıqlanan 2 Rusiya şirkətinin gəliri isə 31,2 milyard dollar olub. Hesabat dövründə iki ölkənin silah ixracatının əsas istiqamətləri də fərqlənib: Rusiya ixracatının 48 faizini Hindistana, Çin isə 61 faizini Pakistana yönəldib.

Məqalədə iki ölkənin 2026-cı il ərzində keçirdiyi birgə hərbi manevrlərin coğrafiyasının Asiya sərhədlərini aşdığına diqqət çəkilir. Belə ki, yanvar ayında Cənubi Afrika sahillərində İran və Birləşmiş Ərəb Əmirliklərinin də iştirakı ilə “Will for Peace-2026” dəniz təlimləri keçirilib, iyun ayında isə Yapon dənizi, Şərqi Çin dənizi və Qərbi Sakit okean üzərində 11-ci birgə strateji hava patrulu təşkil olunub. Bunun ardınca iyulda Çinin Çindao şəhərində hava və raket hücumundan müdafiə üzrə “Joint Sea-2026” təlimləri baş tutub, sentyabrda isə Çin, Rusiya və Monqolustan pilotsuz sistemlərin tətbiqi ilə “Border Defense Cooperation-2026” sərhəd mühafizəsi manevrlərini gerçəkləşdiriblər.


Təhminə VERDİYEVA,

“Azərbaycan”


Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Azərbaycan millisi Andorraya qalib gəlib, Emin Mahmudov yığmadakı karyerasını bitirib

23:51
16 Noyabr

Ukraynanın Zaporojye vilayətinə aviazərbələr nəticəsində ölənlərin sayı 72 nəfərə çatıb

23:13
16 Noyabr

Leyla Əliyeva Qaraçuxur İdman Zalının açılışında iştirak edib

22:59
16 Noyabr

Milli Məclisin plenar iclasında 2027-ci ilin dövlət büdcəsi layihəsinin müzakirəsinə başlanıb YENİLƏNİB 

21:57
16 Noyabr

Tolerantlıq insanlığın mənəvi ucalığı, cəmiyyətin birliyi, xalqların həmrəyliyidir  

20:59
16 Noyabr

Mao Nin: Üçtərəfli görüşdə liderlər dünyada sülhün qorunmasını müzakirə edəcəklər  

20:46
16 Noyabr

Tramp Si Cinpin və Putinlə görüşdə Ukraynadakı müharibəni müzakirə edəcəyini bildirib

19:49
16 Noyabr

İƏT Nazirlər Şurasının iclasında Azərbaycanın regionda davamlı sülhün təmin olunması istiqamətindəki səylərindən bəhs edilib  

19:07
16 Noyabr

COP31-in sədri Azərbaycan pavilyonunu ziyarət edib  

19:01
16 Noyabr

Sosial və İqtisadi məsələlər üzrə Üçtərəfli Komissiyanın iclası olub  

18:50
16 Noyabr

Qazaxıstanla Azərbaycan arasında ticarət dövriyyəsi doqquz ayda 306 milyon dolları ötüb

18:41
16 Noyabr

Ceyhun Bayramov britaniyalı həmkarı ilə regional təhlükəsizliyi və ikitərəfli əməkdaşlığı müzakirə edib  

18:40
16 Noyabr

Gələcəyin peşələri və insan kapitalı: Bakıda Milli Məşğulluq Forumu təşkil olunub  

18:39
16 Noyabr

Azərbaycan Beynəlxalq Telekommunikasiya İttifaqının Şurasına üzv seçilib  

18:37
16 Noyabr

Avropa İttifaqı Rusiyaya qarşı sanksiyaları genişləndirib

18:36
16 Noyabr

COP29-un prezidenti: Meşələrin qorunması gələcəyimizin təminat altına alınması deməkdir  

18:35
16 Noyabr

Qara dənizdə batan gəmidə aralarında 4 azərbaycanlının da olduğu heyət üzvləri xilas edilib

18:34
16 Noyabr

İnsan bədənində toxuma çapı  

17:23
16 Noyabr

Rusiya və Çin arasında hərbi-texniki əməkdaşlıq dərinləşir  

17:15
16 Noyabr

Sinir hüceyrələrini məhv olmaqdan qoruyan təbii maddə tapılıb

17:07
16 Noyabr

Alimlər gəzərkən yorğunluğu azaldan xüsusi corablar hazırlayıblar

17:05
16 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!