Dövlət dəstəyinin bəhrəsi
Bir zamanlar ölkənin iri pambıqçılıq mərkəzi kimi şöhrət qazanmış Bərdədə ildə 100 min tondan çox pambıq istehsal olunurdu. Bir ara bu gəlirli sahə unudulub arxa plana keçdi.
Son illər dövlət səviyyəsində pambıqçılığın inkişafına verilən dəstəyin nəticəsi indi göz qabağındadır. Heç bir torpaq mülkiyyətçisi pambıq əkməyə məcbur edilməsə də, bu gəlirli sahəyə kəndlilər böyük maraq göstərirlər. Ona görə ki, istehsal edilən məhsulun həm satınalma qiymətləri sərfəlidir, həm də etibarlı bazar var. Bizim fermer təsərrüfatı keçən il 42 hektar sahədə pambıq əkib-becərdi. Orta hesabla hər hektardan 36 sentner məhsul götürüb qəbul məntəqəsinə 150 tondan çox pambıq təhvil verdik. Bu il də 42 hektar sahədə pambıq əkmişik.
Onu da qeyd edim ki, bizim fermer təsərrüfatı əsasən taxıl toxumçuluğu istiqamətində ixtisaslaşıb. Taxılçılıq sahəsində qazandığımız nəticələr də fərəhlidir. Keçən il 312 ton taxıl istehsal etdik. Bunun çox hissəsini toxum kimi ayrı-ayrı təsərrüfatlara, torpaq istifadəçilərinə satdıq. Taxıl əkdiyimiz 120 hektar sahədən bu il daha yüksək məhsul gözləyirik.
İstehsal etdiyimiz bol məhsulun qarşılığında yaxşı qazanır, ailəmizin firavan həyatını, xoş güzəranını təmin edirik. Digər tərəfdən, dövlət dəstəyi bizə qol-qanad verir, yeni nailiyyətlərə ruhlandırır. Təkcə bu faktı qeyd etmək kifayətdir ki, keçən il istehsal etdiyimiz taxıl və pambıq məhsuluna görə dövlətdən 33 min manatdan çox subsidiya almışıq.
İndi yaz-tarla işlərinin qızğın çağıdır. Qarşıya məqsəd qoymuşuq ki, bu il həm taxıl, həm də pambıq istehsalında göstəriciləri bir qədər də yaxşılaşdıraq.
Salman MUSAYEV,
Bərdə rayonunda "Kəhrəba” kəndli-fermer təsərrüfatının rəhbəri
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycan Ordusunda keçirilən komanda-qərargah təlimləri başa çatıb
27 Aprel
Rusiyanın Londondakı səfiri Britaniya XİN-ə çağırılıb
27 Aprel
Pentaqon rəhbəri Ukraynaya dəstəyin təfərrüatlarını açıqlayıb
27 Aprel
"Əgər torpaq uğrunda şəhid olsam..."
27 Aprel
Muğam ifaçılığı sahəsində sənət estafeti etibarlı əllərdədir
27 Aprel
Böyük ehtiramın ifadəsi
27 Aprel
Bizi kəmiyyət yox, keyfiyyət qane etmir
27 Aprel
Ölkəmiz sürətlə Çin bazarına daxil olur
27 Aprel
Ölkəmiz qlobal dəhliz layihələrinin də əsas iştirakçılarındandır
27 Aprel
"COP29 bütün dünya üçün faydalı olacaq"
27 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!