21 Fevral 2024 09:42
85690
Oxucu məktubları
A- A+

Səyyar görüşdə qaldırdığım məsələ  həllini tapdı

 

Dövlət siyasətinin əsasını təşkil edən vətəndaş məmnunluğu Samuxda daim diqqət mərkəzində saxlanılır. Vətəndaşların ərizə və müraciətlərinə baxmaq üçün keçirilən qəbullarda, səyyar görüşlərdə səslənən fikirlərə, qaldırılan məsələlərə operativ şəkildə baxılması bunun bariz nümunəsidir.
Kəndimiz rayon mərkəzindən 60 kilometr məsafədə - Gürcüstan Respublikası ilə sərhəddə yerləşir. Bu yaxınlarda rayon rəhbərliyinin  kəndimizdə keçirdiyi səyyar görüşdə qaldırdığım  məsələ  öz həllini tapdı. Belə ki, kəndimizdə təqaüdlərin alınması və digər bank əməliyyatlarının həyata keçirilməsi üçün bankomatın qoyulmasını xahiş etmişdim. Sağ olsunlar, xahişim yerinə yetirildi. Samux Rayon İcra Hakimiyyətinin dəstəyi ilə "KapitalBank" ASC tərəfindən bankomatın qoyulması təmin edildi. Bizim kənd və ona yaxın olan digər kəndlərin sakinləri artıq bu bankomatın xidmətlərindən istifadə edirlər. Bu işdə  əməyi keçən hər kəsə minnətdarlığımızı bildiririk.

Fərmayıl HƏSƏNOV,
Samux rayonu Poylu kənd sakini, şəhid atası

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video