№ 404 Bakı şəhəri, 11 oktyabr 2016-cı il
Azərbaycan Respublikası Nazirlər Kabinetinin 2010-cu il 8 yanvar tarixli 4 nömrəli qərarı ilə təsdiq edilmiş “Məktəbə hazırlığın təşkili Qaydaları”nda dəyişiklik edilməsi haqqında
“Təhsil haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2009-cu il 5 sentyabr tarixli 156 nömrəli Fərmanına əsasən və Azərbaycan Respublikası Təhsil Nazirliyinin təklifini nəzərə alaraq Azərbaycan Respublikasının Nazirlər Kabineti qərara alır:
Azərbaycan Respublikası Nazirlər Kabinetinin 2010-cu il 8 yanvar tarixli 4 nömrəli qərarı (Azərbaycan Respublikasının Qanunvericilik Toplusu, 2010, N1, maddə 50) ilə təsdiq edilmiş “Məktəbə hazırlığın təşkili Qaydaları”nın 4-cü hissəsinin mətni aşağıdakı redaksiyada verilsin:
“4.1. Uşaqların məktəbə hazırlığının səmərəliliyini artırmaq üçün təlim məşğələlərində müxtəlif formalı inkişafyönlü didaktik oyunların tətbiqi prioritet hesab olunur.
4.2. Məktəbəhazırlıq qruplarında həftə ərzində 12 məşğələ təşkil edilir. O cümlədən:
|
Məşğələlər
|
Kütləvi qruplarda
|
Azsaylı xalqların uşaqlarından ibarət qruplarda
|
|
Ətraf aləmlə tanışlıq
|
1
|
1
|
|
Savad təliminə hazırlıq və nitq inkişafı
|
2
|
4
|
|
Bədii təfəkkürün inkişafı
|
1
|
1
|
|
Məntiqi və riyazi təfəkkürün inkişafı
|
2
|
2
|
|
Təsviri fəaliyyət
|
2
|
1
|
|
Musiqi
|
2
|
1
|
|
Fiziki mədəniyyət
|
2
|
2
|
4.3. Məktəbəhazırlıq qruplarında bir məşğələnin müddəti 30 dəqiqə, məşğələlərarası fasilə 10 dəqiqə müəyyən edilir. Zehni gərginlik tələb edən məşğələlərdə, bir qayda olaraq, 3 idman dəqiqəsi keçirilir.”.
Artur RASİ-ZADƏ,
Azərbaycan Respublikasının Baş naziri
