Yaxud erməni xisləti və ondan doğan milli mahiyyət
Hər bir millətin özünəməxsus xarakteri olur.
Buna milli xarakter də deyirlər.
Milli xarakter özünü davranışda büruzə verir, digərlərindən fərqlənir, əsrlər keçsə də, heç zaman dəyişmir.
Yaşam tərzi ilə milli xarakter bir-birinə sıx bağlıdır.
Hansı hansını müəyyən edir, bunu söyləmək çətindir.
Ancaq milli xüsusiyyətin, milli xarakterin bütövlükdə millətin həyatına və müqəddəratına təsiri danılmazdır.
Bütün bu deyilənləri hayların timsalında açıq-aşkar görmək mümkündür.
***
Hər hansı bir millətin özünə dövlət qurması üçün üç vacib şərt mövcuddur:
Ən əvvəl, vətən saydığın ərazin, torpağın olmalıdır.
İkincisi, yeraltı, yerüstü sərvətin xalqını rahat yedirib saxlamağa kifayət etməlidir.
Üçüncüsü, dövlət qurmağı, onu idarə və inkişaf etdirməyi bacaran övladların da mövcudluğu mühüm şərtdir.
Hayların heç zaman öz torpaqları və öz əraziləri olmayıb.
* Qaraçı kimi dünyaya səpələnərək onun-bunun qoltuğunda yaşayıblar.
* Öz güclərinə dövlət qurmaq istəsələr də, heç zaman buna nail ola bilməyiblər.
Odur ki, guya nə vaxtsa "Böyük Ermənistan" adlı "dənizdən-dənizə uzanan dövlətləri" olduğu barədə miflər uydurublar.
"Böyük Ermənistan"ın mövcudluğunu sübut edən bir dənə də olsun maddi-mədəniyyət abidəsi, qala, yaşayış məntəqələsi, hətta onların qalıqları belə yoxdur.
Amma "tarixi məxəzlər"də guya bu barədə məlumatların olduğu çoxsaylı əfsanə və kitablar mövcuddur.
Bu, erməni xalqının "bacarığı"ndan irəli gələn haldır.
Bəli, ermənilər tarixi saxtalaşdırmağı, sonra həmin saxtakarlıqları kitablara çevirərək "məxəzlər" yaratmağı ustalıqla bacarırlar.
"Ustalıqları" təkcə "tarixi mənbələr" yaratmaqla bitmir.
Məsələn, Azərbaycanda alban kilsələrində müəyyən dəyişikliklər etməyi - xaçları dəyişərək erməninkiləşdirməyi, divarlardan üzərində özgə əlifba ilə başqa dildə yazıları olan daşları çıxararaq əvəzində yenilərini hörməyi məharətlə bacarırlar.
Kəlbəcər ərazisindəki udilərə məxsus alban kilsələrinin necə erməniləşdirildiyinə bütün dünya şahid oldu.
Hətta bundan ötrü kilsənin yanında "tarixi sübutlar" sayılan üstü yazılı daşların düzəldilməsi, sonra onların uzun müddət sirkədə saxlanılaraq "qədimləşdirilməsi"ni həyata keçirən xüsusi sex də yaratmışdılar.
"Kələklə gələn, küləklə gedər" demişlər.
Hazırda kilsənin əsl sahibləri öz dini məbədlərində zəruri qayda yaradaraq ibadət mərasimləri keçirirlər.
***
İkinci erməni yalanı guya "xristianlığı ilk olaraq onların qəbul etməsi"dir.
Bu, kimin yanında olub, kimlər buna şahiddir - ortada yoxdur.
Xristianlığı hansı kilsədə, hansı erməni şəhərində qəbul ediblər - bunlar dururmu?
Yox!
Niyyət bəllidir:
Bunları demək və bayrağa çevirməkdə məqsəd "xristian təəssübkeşliyi"nə sığınmaq və "xristian evləri"nin himayəsindən bəhrələnməkdir.
Bundan indi də gen-bol yararlanırlar.
***
Bütün dünyada vay-şivənə çevirdikləri ən böyük "hadisə" isə guya 1915-ci ildə baş verən "erməni soyqırımı"dır.
Erməni xislətinə uyğun olaraq, ərazisində yaşadıqları dövlətə xəyanət edərək milli təhlükəsizliyin təmini məqsədilə oradan köçürülən ermənilər bunu "soyqırımı" adlandıraraq illərdir ki, yorulmadan müxtəlif kampaniyalar aparırlar.
Köçürülmə qardaş Türkiyə ərazisində baş verib.
Türkiyə öz arxivlərini açaraq soyqırımı faktlarının aşkar şəkildə araşdırılmasını, eyni zamanda Ermənistanın da öz arxivlərini açmasını istəyir.
Haylar heç bir arxivdən "soyqırımı faktları"nın çıxmayacağını bildiklərindən belə aşkarlığa getmirlər.
Əvəzində İrəvanda "soyqırımı abidəsi" yaradaraq bolluca saxta göz yaşları tökürlər.
***
Dördüncü yalanları isə guya Cənubi Qafqazda bineyi-qədimdən yaşamaları barədəki uydurmalardır.
Halbuki ermənilərin sonralar buraya gətirilərək Azərbaycana məxsus ərazidə yerləşdirilmələrinin tarixi və bunları sübut edən sənədlər var.
* Hələ 3 əsr əvvəl - 1724-cü il noyabrın 10-da I Pyotr tərəfindən verilən fərmana əsasən, ermənilərin Azərbaycanın Xəzər dənizi sahillərində, Dərbənd və Bakı, həmçinin Gilan, Mazandaran və Gürvan ərazilərində məskunlaşdırılmasına başlanıldı.
* II Yekaterina isə Albaniya erməni dövləti yaratmaq istəyirdi.
* 1828-ci ildə imzalanan "Türkmənçay" müqaviləsinə əsasən, 40 min erməni ölkəmizin müxtəlif ərazilərində məskunlaşdırıldı.
* I Dünya müharibəsi illərində isə 250 mindən çox erməni regiona gətirildi.
Ermənilər özlərini nə qədər Cənubi Qafqazda və Qarabağda "aborigen" millət elan etsələr də, müxtəlif yerlərdə saxsı qırıqları, xaçkariklar basdırıb, sonradan "tarixi tapıntı" kimi çıxarıb "faktlar" adı ilə qələmə versələr də, arxivlərdə saxlanılan sənədlərlə onların Cənubi Qafqaza, o cümlədən Azərbaycan ərazilərinə köçürülmələri birmənalı şəkildə sübut olunur.
30 illik işğal dövründə ermənilər Azıx mağarasına da girişərək saxtakarlıq əməllərinə başlamışdılar.
İşğal bir qədər də uzansaydı, yəqin ki, mağaradan "erməni skeletləri" "tapılacaqdı".
***
Hayların əbədi "matəm"inə çevrilən "erməni soyqırımı" kampaniyası isə çoxməqsədli niyyətlərə xidmət edir.
Uzun illərboyu davam edən "soyqırımı" kampaniyalarının əsas hədəflərindən biri qardaş Türkiyədir.
Öz xəyanətləri, müharibə gedən dövrdə düşmənlə əlbir olaraq arxa cəbhə açmaları və vətəndaşı olduqları dövlətə zərbələr endirmələri barədə susan ermənilər zərurətdən baş verən köçürülmələri "erməni qırğını" kimi qələmə verməklə Türkiyənin nüfuzdan salınmasına xidmət edən kampaniyalar keçirirlər.
Son məqsəd isə təzminat qoparmaqdır.
Qeyd etdiyimiz kimi, Türkiyə dövləti öz arxivlərini açaraq birlikdə araşdırma əməkdaşlığı təklif etdikdən sonra ermənilərin canfəşanlığı xeyli azaldı...
İkinci niyyət öz vəhşiliklərinin, vandallıqlarının pərdələnməsidir.
Ermənilər özlərini "məzlum", "zavallı", "əzabkeş" millət adlandırmağı çox sevirlər.
Guya "dinc", "sakit" yaşadıqları bir vaxtda türklər onları "soyqırımı"na uğradıblar.
Amma Xocalı, Qaradağlı, Ballıqayada törətdikləri vəhşiliklər, mülki əhalini, o cümlədən qadınları, uşaqları, qocaları qətlə yetirmələri, girov düşmüş insanların başına açdıqları müsibətlər, soyqırımı əməlləri "məzlum" maskasının altında qəddar və qaniçən xislətlərinin gizləndiyini açıb göstərdi.
İşğaldan azad edilən Azərbaycan ərazilərində aşkar olunan genosid, urbisid, ekosid faktları onların necə "məzlum" və "zavallı", "fağır" olduqlarını üzə çıxardı, dünyanın hər yerindən buraya gələn jurnalistlər, ictimai fəallar, siyasi partiya nümayəndələri törədilən əməllərin izlərini öz gözləri ilə gördülər.
***
"Soyqırımı günü" adlandırdıqları 24 apreli isə hər il xüsusi təntənə və təmtəraqla keçirirlər.
Amma bu "bayramları"nın mahiyyətində də pul yığımı kampaniyası dayanır.
Bütün ermənilərdən kütləvi şəkildə toplanan ianələr isə erməni diasporu rəhbərlərinin sərəncamına verilir.
Həmin pulun bir qismi beynəlxalq qurum və təşkilatlarda çalışanların, ayrı-ayrı dövlətlərin parlament üzvlərinin, vəzifə sahiblərinin ələ alınmasına və erməni maraqlarının müdafiəsinə xərclənir.
Şübhəsiz, diaspor rəhbərləri də yaxşıca bəhrələnirlər.
İşğal dövründə "Miatsum" hərəkatına ayrılan pullar isə Ermənistan prezidentləri L.Ter-Petrosyan, R.Koçaryan, S.Sarkisyanın və "dqr" rəhbərlərinin ciblərinə axırdı.
Erməni xalqına isə övladlarını bu sərsəm ideya yolunda qurban vermək qalırdı...
***
"Soyqırımı tədbirləri" həm də erməni toplumunu birləşdirir, bir arada saxlayır.
Bu birlikdən istifadə edən dünya erməniliyi "seçici səsi" biznesini də qura bilir.
ABŞ-də, Fransada erməni diasporu daha böyük olduğundan "səslərin bir əldən satılması" prosesi baş verir.
Belə ki, razılaşma əsasında "erməni səsi" alaraq prezident seçilən yeni dövlət başçısı erməni diasporuna "borclu" düşmüş olur.
Borcunu qaytarmaqdan ötrü isə prezidentliyi dövründə öz administrasiyasında və parlamentdə erməni maraqlarının qorunmasını təmin etməlidir.
Üstəlik, 24 aprel "bayramı"nda çıxış edərkən "soyqırımı" ifadəsini işlətməlidir.
Doğrudur, prezidentlərin əksəriyyəti bu saxta ifadəni işlətməkdən çəkinib, lakin erməni fitnəsinə gedənlər də olub.
Məsələn, Ronald Reyqan 22 aprel 1981-ci ildə "soyqırımı" ifadəsini işlədən ilk ABŞ prezidenti oldu.
Bundan 40 il sonra - 2021-ci ilin aprelində Co Bayden də eyni ifadəni işlətdi.
Hər ikisi erməni diasporunun "borcu"ndan çıxdı.
Amma mahiyyətcə heç nə dəyişmədi.
Vətənsiz olan - onlara vətənə çevirmək üçün torpaq verənlərə xəyanət edənlər yenidən forpost dövlətlərini tərk etmək məcburiyyətində qalaraq, dünyanın müxtəlif ölkələrinə səpələnirlər.
Qəribə xislətdir: daim riyakar həyat sürür, öz ərazilərində digər millətlərin yaşamasına yol vermirlər, yaxşılıq gördükləri dövlətlərə xəyanət edirlər, işğal etdikləri əraziləri isə xarabalıqlara çevirərək bayquş kimi yaşamağı sevirlər.
***
Hər bir rəhbər öz xalqına bənzəyir - demişlər.
"Müstəqillik" illərində Ermənistanın üç prezidenti olub.
* Hər üçünün adları müxtəlif cinayət əməllərində hallanır.
* Hər üçü "Miatsum"a dəstək verərək erməni xalqına fəlakətlər və itkilər yaşadıb.
* Hər üçü Yerablurun salınmasında və genişlənməsində müəyyən "xidmətlər" göstərib.
* Hər üçü xalqın varidatını talamaq, pulyığma marafonlarında toplanaraq "Miatsuma dəstək" üçün göndərilən vəsaitlərdən oğurlayaraq böyük var-dövlət sahibinə çevriliblər.
* Hər üçü işlədikləri dövrdə törətdikləri əməllərinə görə ümumxalq nifrəti qazanıblar və xalq onları bir daha hakimiyyətdə görmək istəmir.
* Hər üçü ölkəni blokadada saxladıqlarından əhalinin hədsiz dərəcədə yoxsullaşmasına, ölkəni kütləvi şəkildə tərk etməsinə səbəb olublar.
Onlardan ikisi öz postundan qovulub, biri isə hakimiyyətə gəlmək üçün parlamentdə qanlı qətl törədib.
Bu gün də ağıllanmayıblar, dəyişən reallığı qəbul etmək istəmirlər, revanşist mövqedə dayanırlar.
Çünki onları sadə erməni xalqının güzəranı və həyatı yox, daim hakimiyyət və sərvət hərisliyi düşündürüb.
Sonuncu başçıları Paşinyanı isə "dəmir yumruq" ağıllandırdı.
Əvvəllər lovğalanaraq başından böyük danışsa da, indi Azərbaycanın yaratdığı yeni reallığı zorən də olsa, qəbul edir.
Amma yenə erməni xisləti canında və qanındadır.
* Gündə bir səmtə yıxılır, gündə bir ağla qulluq edir, gündə bir fikir söyləyir.
* Bilir ki, vəzifəsini itirsə, həyatını da faciə ilə itirəcək.
* Ermənistanı istədiyindən yox, Ermənistandakı vəzifəsini itirməməsi üçün əldən-ayaqdan gedir.
* Erməni Qriqoryan kilsəsi ilə müharibəyə başlayıb.
Erməni xalqının ağıllanmış hissəsi seçkilərdə onu dəstəkləyir.
Lakin Rusiya və ruspərəstlər, həm də revanşist qüvvələr əleyhinə ciddi iş aparırlar.
Bu lənətlənmiş diyarda hakimiyyətə gəlmək istəyənlər anlamırlar ki, Ermənistanın dövlət başçısı postu da lənətlənib.
Paşinyanın yerinə namizədliyi verilən, Rusiyada hazırlanmış iki milyarder - Ruben Vardanyan və Samvel Karapetyan "növbə" tutmuşdular.
Aqibətləri yaxşı olmadı...
Hər ikisi hazırda sərvətlərini, var-dövlətlərini qoyaraq həbsxana kamerasında yaşayır.
Xalqın içindən çıxan təzə lider isə görünmür.
Beyni Njdenin timsalında faşizm ilə zəhərlənən, daim qonşuları ilə münaqişəyə girən, özgə torpağını işğal etdiyinə görə başı "dəmir yumruq"la əzilən bu millət çətin ki, ağıllana.
Ancaq başqa çarəsi qalmayıb!
Arxalandığı KTMT idi, indi onu özünə ən böyük düşmən hesab edir.
Avropa İttifaqına güvənməsi, dalbadal ondan maliyyə və siyasi dəstək alması da boş və mənasızdır.
Heç ölkəsində saxladığı avrocasuslarının da elə bir faydası yoxdur.
Nə qədər istəyirlər, qoy biz tərəfə boylansınlar.
Ermənilər isə yaxşı olar ki, Aİ-yə güvənən Gürcüstanın və Ukraynanın bu günündən və bütövlükdə başlarına gələnlərdən doğru-düzgün nəticə çıxarsınlar!
Ulaq bir dəfə batdığı palçığa nə qədər məcbur etsən də, ikinci dəfə girmir!
Bu isə qalib Azərbaycan xalqının atalar sözüdür.
***
Yalançı göz yaşlarındansa, gerçək əməkdaşlıq yaxşıdır!
Azərbaycan bir dəfə haylara torpaq verərək dövlət qurmalarına şərait yaradıb.
İndi isə blokadadan çıxmalarına kömək göstərir.
Onsuz da nə hərbdə, nə siyasətdə, nə də diplomatiyada bizə gücləri çatandır!
44 günlük müharibə hər şeyi açıq-aşkar meydana qoydu!
Bundan belə nə biz zəifləyəcəyik, nə də Ermənistanın biz qədər güclənmək imkanı var.
Ağlınızı başınıza yığın, kiminsə əlaltısı olmağa son qoyun!
Yoxsa Paşinyan demişkən, mifik "Böyük Ermənistan"ın dalınca çox getsəniz, "real Ermənistanı" da itirəcəksiniz!
Artıq itirmə dövrünüz başlayıb...
İkiəsrlik Qarabağ savaşında yeganə qazancınız Kəlbəcərdən götürdüyünüz unitaz oldu!
Bir unitaza görə Yerablurun sahəsini genişləndirməyə dəyərmi?!
Dəyəriniz budursa, buyurun!
Bəxtiyar SADIQOV
