ABŞ-nin Tennessi ştatında 30 il əvvəl törədilmiş qətldə təqsirli bilinərək zəhər iynəsi ilə ölüm hökmünə məhkum edilmiş 50 yaşlı Krista Payk sağ qalıb. "Reuters" agentliyinin verdiyi məlumata görə, hökmü icra etmək üçün həyata keçirilən iki uğursuz cəhddən sonra K.Payk təcili yardım maşını ilə Neşvildəki ciddi rejimli Riverbend həbsxanasından xəstəxanaya aparılıb.
Bu, Tennessi ştatında 200 ildən sonra ilk dəfə qadının edam edilməsidir.
Həbsxana rəsmilərinin açıqlamasına görə, təyin olunmuş və təsdiq edilmiş edam prosedurunda göstərilən bütün addımlara əməl edilib. Rəsmilər əlavə ediblər ki, iynə üçün istifadə edilən maddə əvvəllər bütün hallarda təsirli olub. Həmin gün prosedur zamanı heç bir əlavə tədbir görülməyib. DPA agentliyi xəbər verir ki, K.Payka zəhərli kimyəvi maddələr olan iki iynə vurulub.
1995-ci ildə 18 yaşlı Krista Payk və onun tanışı Tadaril Şipp, Paykın sinif yoldaşı 19 yaşlı Kollin Slemmeri vəhşıcəsinə öldürüblər. Bir il sonra K.Payk birinci dərəcəli qətldə təqsirli bilinərək ölüm cəzasına məhkum edilib. Cinayət törədilən zaman 17 yaşı olan Şipp, şərti azadlığa buraxılma ehtimalı ilə ömürlük həbs cəzası alıb.
Krista Payk müasir ABŞ tarixində ölüm cəzasına məhkum edilmiş ən gənc qadın olub. Onun vəkilləri cinayəti cəmi 18 yaşında törətdiyi və anasının ərləri tərəfindən illərlə cinsi istismarın qurbanı olduğu üçün ruhi sağlamlıq problemləri və bipolyar pozğunluqdan əziyyət çəkdiyi üçün əfv istəyiblər.
Beynəlxalq Amnistiya və Amerika Vətəndaş Azadlıqları Birliyi (ACLU) də daxil olmaqla insan haqları təşkilatları Tennessi qubernatoru Bill Lini müdaxilə etməyə və onun ölüm hökmünü yüngülləşdirməyə çağırıb. Sentyabrın 28-də qubernator əfv ərizəsini rədd edib.
Krista Paykın edamı 30 sentyabrda yerli vaxtla saat 18:00-da (Mərkəzi Avropa vaxtı ilə saat 23:00) planlaşdırılıb, lakin ABŞ Federal Apellyasiya Məhkəməsinin qərarı ilə qısa müddətə təxirə salınıb.
Oktyabrın 1-nə keçən gecə ABŞ Ali Məhkəməsi Tennessi həbsxanalarına cavabdeh olan prokurorun təcili vəsatətini təmin edərək, təxirəsalmanı ləğv edib.
Ölüm Cəzası Məlumat Mərkəzində bildiriblər ki, 1976-cı ildən bəri ABŞ-də 1663 kişi və 18 qadın edam edilib. Sonuncu qadın 2023-cü ilin əvvəlində edam edilib. K.Paykın edamı isə Tennessi ştatında 1820-ci ildən bəri ilk dəfə həyata keçirilirdi.
Bu arada, oktyabrın 1-də ABŞ mediası Krista Paykın edam edilməsi cəhdinin uğursuzluğundan sonra Tennessi ştatının 2026-cı ilə planlaşdırılan edamları təxirə saldığını bildirib.
Son məlumata görə, Tennessi qubernatoru Bill Li "nə baş verdiyini dəqiq müəyyən etmək üçün" araşdırma aparılmasını əmr edib. Edamın 2027-ci ilə qədər təxirə salınacağı bildirilib.
