23 Sentyabr 2022 16:39
146
SİYASƏT

MDB-nin icraçı katibi: Azərbaycan iqtisadi əməkdaşlığın dərinləşdirilməsinə dair bir sıra mühüm sənədlər imzalayıb

 

Müstəqil Dövlətlər Birliyinin (MDB) icraçı katibi Sergey Lebedev Azərbaycanın MDB çərçivəsində qarşılıqlı fəaliyyətdə iştirakından məmnun olduğunu bildirib.

S.Lebedev Moskvada MDB İqtisadi Şurasının 95-ci iclasında AZƏRTAC-ın müxbiri ilə söhbətində Azərbaycanın iqtisadi fəaliyyətdə fəal iştirak etməsini xüsusi vurğulayıb.

S.Lebedev deyib: “Böyük məmnuniyyətlə bildirirəm ki, Azərbaycan həmişə MDB-nin qorunub saxlanması və inkişafının, onun effektivliyini artırmağın, bu təşkilat çərçivəsində əməkdaşlığın tərəfdarı olub. Azərbaycan Birlik çərçivəsində iqtisadi əməkdaşlıqda xüsusilə fəal iştirak edir. İqtisadi Şuranın yenicə başa çatmış iclasında Azərbaycan nümayəndə heyəti iqtisadi sahədə qarşılıqlı fəaliyyətin aktual məsələlərin müzakirəsində iştirak edib, iqtisadi əməkdaşlığın dərinləşdirilməsinə dair bir sıra mühüm sənədlər imzalayıb”.

MDB icraçı katibi Azərbaycanın humanitar əməkdaşlıqda iştirakını da vurğulayaraq deyib: “Bakıda müntəzəm olaraq humanitar sahəyə aid müxtəlif tədbirlər keçirilir, incəsənət və mədəniyyət, elm və təhsil xadimləri bu tədbirlərdə iştirak edirlər. Bakı mədəni-humanitar sahədə tədbirlər üçün yaxşı məkandır. Biz ölkənizin rəhbərliyinə çox minnətdarıq ki, bu məkanı təqdim edir və mədəni-humanitar əməkdaşlığın qorunub saxlanmasına, dərinləşməsinə və genişlənməsinə maksimum şərait yaradır”.

S.Lebedev daha sonra deyib: “Biz görürük ki, azərbaycanlı həmkarlarımız bu sahədə qarşılıqlı əlaqələrin dərinləşməsinə böyük maraq göstərirlər. Bunu qeyd etmək mənə xoşdur ki, Azərbaycan rəhbərliyi, şəxsən Prezident İlham Heydər oğlu Əliyev, - bu yaxınlarda Səmərqənddə Şanxay Əməkdaşlıq Təşkilatının zirvə toplantısında onunla görüşmək şərəfinə nail oldum, - eləcə də Baş nazir Əli Əsədov, - onunla da yaxın vaxtlarda, Avrasiya İqtisadi Şurasının İssık-Kulda keçirilən iclasında görüşmüşük, - Azərbaycan inteqrasiya əməkdaşlığında fəal iştirak etməsinə şərait yaradır. Mən Azərbaycan vətəndaşlarına sülh, xoşbəxtlik, firavanlıq diləklərimi bildirmək, həmçinin səmimi qəlbdən arzu etmək istəyirəm ki, Azərbaycan bizim təşkilat çərçivəsində bu fəal rolunu bundan sonra da davam etdirsin”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video