Astronomlar sirli hərəkət edən göy cismi tapıblar

Alternative content

AZƏRBAYCAN RESPUBLİKASI MİLLİ MƏCLİSİNİN ORQANI

Astronomlar sirli hərəkət edən göy cismi tapıblar

09 Avgust 2018
Nyu-Mexiko Milli Elm Fondu Radio Astronomiya Rəsədxanasının alimləri təxminən iki yüz milyon il yaşı olan qəribə obyekt aşkar ediblər. Hazırda bu göy cismi Günəş sistemindən kənarda - Yerdən 20 işıq ili məsafədə yerləşir.

Azərbaycan Milli Elmlər Akademiyasından AZƏRTAC-a bildiriblər ki, yeni planet “Səyahət edən planet” ("Rogue planet") adlandırılıb.

Aşkar edilən obyektin qəribəliyi onun xüsusi parıltısının olmasıdır. "Planet" onun ana ulduzu olmadan səmada səyahət edir. Bu da göy cisimləri üçün son dərəcə qeyri-adi hal hesab edilir. Yupiterdən 12,7 dəfə böyük olan planetin maqnit sahəsi iki yüz dəfə çoxdur və səthinin temperaturu 800 dərəcə selsidir.