ISESCO-nun baş direktoru Bakı Dövlət Universitetinin kollektivi ilə görüşüb

AZƏRTAC xəbər verir ki, tədbirdə universitetin rektoru, akademik Abel Məhərrəmov ISESCO-nun baş direktorunun dünyanın tanınmış siyasətçilərindən biri olduğunu, onun təhsilin, elmin və mədəniyyətin inkişafına layiqli töhfələr verdiyini bildirib. Rektor bildirib ki, qurumun əsas məqsədi İslam ölkələri arasında həmrəyliyi möhkəmləndirmək, qarşılıqlı əlaqələri daha da yaxşılaşdırmaq, eləcə də İslam ölkələrinin əldə etdiyi uğurları, zəngin mədəniyyəti, elmi və incəsənəti dünyaya təqdim etməkdir.