Alternative content

AZƏRBAYCAN RESPUBLİKASI MİLLİ MƏCLİSİNİN ORQANI

Alimlər: Ay nüvə tipli güclü partlayış nəticəsində yaranıb

10 Fevral 2017
Kaliforniya Universitetinin alimləri Ayın yaranmasının əsl sirrini açıblar.

AZƏRTAC “rueconomic.ru” saytına istinadla xəbər verir ki, araşdırmaların nəticələri “Science Advances” jurnalında dərc olunub.

Ayın yaranması barədə bir neçə nəzəriyyə mövcuddur. Ən geniş yayılmış nəzəriyyəyə görə, Marsın ölçüsündə olan hipotetik Tey planeti Yer ilə üzləşib. Planetdən bir parça ayrılaraq Ayın yaranmasının əsasını qoyub. Digər bir nəzəriyyədə isə Yerin Teylə toqquşması nəticəsində baş verən güclü partlayışın Ayın yaranmasına səbəb olduğu bildirilir.

Alimlər bildirirlər ki, Yerin peykində sink və su yoxdur. Onlar bunu əsas götürərək dünyada ilk nüvə bombasının sınağının keçirildiyi Nyu-Mexiko poliqonunda eksperiment aparıblar. Nəticədə bu sahədə də Ayda olduğu kimi heç bir maddənin olmadığı üzə çıxıb. Mütəxəssislərin fikrincə, bu sübut edir ki, Ay nüvə tipli güclü partlayış nəticəsində yaranıb.