Umayra Tağıyeva: Xəzər dənizinin ən aşağı səviyyəsinə çatmağa 80 santimetr var
Dünyada iqlim dəyişmələri prosesi sürətlə baş verir və böyük fəsadlarla nəticələnir. Azərbaycanda da iqlim dəyişmələri ilə bağlı anomal hidrometeoroloji hadisələrin artımı müşahidə olunmaqdadır. Biz bunu gündəlik həyatımızda da müşahidə edirik. Bu ilin iyununda 18 sel-daşqın hadisəsi baş verib. Hansı ki, 1961-1990-cı illər arasında, yəni iqlimin nisbətən sabit dövründə belə hadisələr ümumiyyətlə ildə 4-5 dəfə qeydə alınırdı.
Bakıda “İqlim dəyişmələri şəraitində Xəzər dənizinin səviyyə tərəddüdləri, proqnoz və uyğunlaşma tədbirləri” mövzusunda keçirilən beynəlxalq konfransın media tərəfdaşı olan AZƏRTAC xəbər verir ki, bunu tədbir zamanı jurnalistlərə müsahibəsində Milli Hidrometeorologiya Xidmətinin rəisi Umayra Tağıyeva deyib.
Xidmətin rəisinin sözlərinə görə, Xəzər dənizinin səviyyəsi son 15 il ərzində 1 metr 45 santimetr enib: “Düzdür, yüzillik dövr ərzində müxtəlif tərəddüdlər müşahidə olunurdu. Ümumiyyətlə, Xəzər dənizinin səviyyəsinin dəyişilmə amplitudası üç metrə qədərdir. Buna baxmayaraq, hazırkı səviyyə tərəddüdləri məhz sürətlə dəyişən iqlim fonunda baş verir. Ən aşağı səviyyə son 100 ildə müşahidə olunub və 1977-ci ildə qeydə alınıb. Həmin səviyyəyə çatmağa qədər hələ ki, 80 santimetr var. Lakin son 10 ildə iqlim dəyişmələrinin daha sürətlə baş verməsi narahatlıq hissi yaradır. Məhz buna görə də Xəzəryanı ölkələrin hökumətləri, alimləri, eyni zamanda, bu sahədə fəaliyyət göstərən mütəxəssislər ciddi narahatlıqlarını ifadə edirlər.
Məlum olduğu kimi, iqlim dəyişmələri üzrə müxtəlif ssenarilər mövcuddur. Bugünkü tədbirin əsas məqsədi Xəzəryanı ölkələrin alimləri, mütəxəssisləri ilə fikir mübadiləsi aparmaq, Xəzər dənizinin səviyyə tərəddüdləri üçün daha real iqlim ssenarisini seçmək və milli uyğunlaşma planları ilə yanaşı, bu məsələyə regional uyğunlaşma yanaşmasını tətbiq etməkdir. Bu baxımdan konfransın əhəmiyyətini yüksək qiymətləndirirəm”.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Prezident İlham Əliyev Berlində “15-ci Petersberq İqlim Dialoqu”nun Yüksək Səviyyəli Seqmentində işt...
26 Aprel
Prezident İlham Əliyevin Berlində Almaniyanın xarici işlər naziri ilə görüşü olub YENİLƏNİB...
26 Aprel
Bakıda müasir mərhələdə Azərbaycan-Qırğızıstan münasibətlərinə dair dəyirmi masa təşkil edilib...
26 Aprel
“Əmək və məşğulluq” altsistemi əmək bazarının rəqəmsal ekosistemə keçidində önəmli alətlərdən biridi...
26 Aprel
Ukrayna daha 140 hərbi qulluqçunun cəsədini qaytarıb
26 Aprel
Fövqəladə hallar naziri Göygöl şəhərində vətəndaşları qəbul edib
26 Aprel
Türk dövlətləri parlamentlərinin komitə sədrləri Şuşaya gəliblər
26 Aprel
Türk ekspert: Erməni diasporu və rəsmi Parisin gərginliyi artırmaq cəhdləri faktlar qarşısında iflas...
26 Aprel
“Əqli mülkiyyət müasir mərhələdə” - dəyirmi masa YENİLƏNİB
26 Aprel
Almaniyada əsgər çatışmır
26 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!