Azərbaycan ilə Rusiya arasında diplomatik əlaqələrin qurulmasının 20-ci ildönümü münasibətilə Yekaterinburqda tədbir keçirilmişdir
Azərbaycan Respublikasının Yekaterinburqdakı baş konsulluğu tərəfindən Azərbaycan ilə Rusiya arasında diplomatik əlaqələrin qurulmasının 20-ci ildönümü münasibətilə tədbir keçirilmişdir.
Yekaterinburqdakı 108 saylı gimnaziyasında təntənəli surətdə keçirilmiş tədbirdə Sverdlovsk Vilayət Dumasının deputatları, Rusiyanın Xarici İşlər Nazirliyinin Yekaterinburqdakı nümayəndəliyinin əməkdaşları, Sverdlovsk Vilayət Beynəlxalq və Xarici İqtisadi Əlaqələr Nazirliyinin rəhbərliyi, diplomatlar iştirak etmişlər.
Azərbaycanın Yekaterinburqdakı baş konsulu Sultan Qasımov tədbiri açaraq məhz ulu öndər Heydər Əliyevin hakimiyyətə gəlişindən sonra Rusiya ilə ikitərəfli siyasi-iqtisadi əlaqələri uğurla davam etdirən Azərbaycanın son zamanlar əldə etdiyi nailiyyətlərindən danışmışdır. Baş konsul bu müstəvidə görülən işlər və qarşıda duran vəzifələr barədə də ətraflı məlumat vermişdir. Ümummilli lider Heydər Əliyevin Azərbaycan Respublikasının Rusiya Federasiyası ilə ikitərəfli münasibətlərinə xüsusi önəm verdiyini qeyd edən baş konsul bu əlaqələrin siyasi, iqtisadi, mədəni, elmi və digər sahələrdə hərtərəfli inkişaf etdiyini bildirmişdir.
Azərbaycan ilə Rusiya arasında münasibətlərin yüksək səviyyədə olduğunu bir daha qeyd edən Sultan Qasımov prezidentlər İlham Əliyevin və Dmitri Medvedyevin görüşlərində səsləndirilmiş fikirləri xatırlamışdır. Baş konsul bu münasibətlərin nümunəvi olduğunu vurğulamışdır.
Sonra Sverdlovsk Vilayət Dumasının sədri xanım Lyudmila Babuşkinanın adından tədbirdə iştirak edən deputat Yevgeniy Artyux çıxış etmişdir. Azərbaycan ilə Rusiya arasında münasibətlərin tarixindən danışan deputat 20 il bundan əvvəl bu əlaqələrin yeni siyasi müstəvidə yenidən bərpa olunduğunu bildirmişdir. Deputat Dumanın sədri adından baş konsula təbriklərini çatdırmışdır.
Yekaterina Yemelyanenko çıxış edərək Rusiyanın Xarici İşlər Nazirliyinin Yekaterinburqdakı nümayəndəsi Serqey Xvanın təbriklərini çatdırmışdır.
Daha sonra Sverdlovsk Vilayət Beynəlxalq və Xarici İqtisadi Əlaqələr Nazirliyinin təşkilat idarəsinin rəisi xanım Larisa Şarf, 108 saylı gimnaziyanın fəaliyyət göstərdiyi Yekaterinburq şəhəri Kirov Rayonu Administrasiyası rəhbərinin müavini Dmitri Baranov, diplomatlar adından isə Belarus səfirliyinin Yekaterinburqdakı nümayəndəliyinin rəhbəri Viktor Polyanin təbriklərini çatdırmışlar.
Qonaqlara baş konsulluq tərəfindən 108 saylı gimnaziyanın kollektivi ilə birgə hazırlanmış konsert nümayiş etdirilmişdir.
Sonda ziyafət təşkil olunmuşdur.
Asya HACIZADƏ,
AzərTAc-ın xüsusi müxbiri
Yekaterinburq
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
"Dövlət əmlakının özəlləşdirilməsi haqqında" Azərbaycan Respublikasının Qanununda dəyişiklik edilməs...
28 Aprel
"Azərbaycan Respublikasının Hökuməti və "ACWA Power Azerbaijan Renewable Energy" Məhdud Məsuliyyətli...
28 Aprel
Türk İnvestisiya Fondunun Rəhbərlər Şurasında Azərbaycan Respublikasının təmsil edilməsi ilə bağlı b...
28 Aprel
Sahibkarlıq fəaliyyəti sahəsində fərqlənən şəxslərin "Tərəqqi" medalı ilə təltif edilməsi haqqında...
28 Aprel
Tacikistan vətəndaşlarını Rusiyaya səfər etməməyə çağırıb
27 Aprel
Azərbaycanın daha bir cüdoçusu Avropa çempionu olub
27 Aprel
Türkiyədə 38 qeyri-leqal miqrant saxlanılıb
27 Aprel
Rusiyada miqrantların qalma müddəti il ərzində 90 günə qədər azaldılır
27 Aprel
Qələbə "Sabah"ı 3-cü edib - Premyer Liqa
27 Aprel
Gürcüstan parlamentinin sədri ABŞ senatorlarına sərt cavab verib
27 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!