21 Noyabr 2026 10:59
221
SİYASƏT
A- A+
YAP ilk gündən böyük siyasi qüvvəyə çevrildi   

YAP ilk gündən böyük siyasi qüvvəyə çevrildi   


 1992-ci il noyabrın 21-də yaradılan Yeni Azərbaycan Partiyası müasir Azərbaycan tarixinin ən mühüm siyasi hadisələrindən biri idi. Müstəqilliyinin ilk illərində ağır siyasi, iqtisadi və hərbi böhranla üzləşən, dövlətçiliyini itirmək təhlükəsi ilə qarşı-qarşıya qalan Azərbaycanın belə bir taleyüklü mərhələsində YAP-ın yaranması tarixi zərurətdən irəli gəlirdi. Xalqın böyük əksəriyyəti ölkəni düşdüyü böhrandan çıxara biləcək yeganə siyasi lider kimi Ümummilli Lider Heydər Əliyevi görürdü. Məhz onun ətrafında birləşən Azərbaycan ziyalıları və vətənpərvər insanlar yeni siyasi qüvvənin yaradılması təşəbbüsü ilə çıxış etdilər.

Ulu Öndərin siyasi nüfuzunun formalaşmasında onun 1969–1982-ci illərdə Azərbaycana rəhbərlik etdiyi dövr xüsusi əhəmiyyət daşıyırdı. Həmin illərdə respublikanın iqtisadi potensialı gücləndirilmiş, sənaye, kənd təsərrüfatı, təhsil, elm və mədəniyyət sahələrində ciddi nailiyyətlər əldə olunmuşdu. Bir vaxtlar ittifaq respublikaları arasında geridə qalan Azərbaycan qısa müddətdə qabaqcıl respublikalardan birinə çevrilmişdi. Heydər Əliyevin dövlət idarəçiliyindəki təcrübəsi, prinsipiallığı, qətiyyəti və milli maraqlara sədaqəti xalqın ona olan inamını daha da möhkəmləndirmişdi.

Ulu Öndərin Naxçıvan dövrü isə dövlətçilik mövqeyinin ən parlaq nümunələrindən biridir. Ermənistanın hərbi təcavüzü və blokada şəraitində yaşayan Naxçıvanın müdafiəsi, muxtar respublikanın siyasi və iqtisadi baxımdan ayaqda saxlanılması məhz Ulu Öndər Heydər Əliyevin rəhbərliyi ilə mümkün oldu. Məhz Naxçıvanda Azərbaycan Xalq Cümhuriyyətinin üçrəngli bayrağı dövlət rəmzi kimi qəbul edildi, sovet ideoloji-siyasi sisteminin simvollarından imtina istiqamətində mühüm addımlar atıldı. Bütün bunlar Ulu Öndərin milli dövlətçilik ideallarına sadiqliyinin göstəricisi idi.

1992-ci il oktyabrın 16-da 91 nəfər tanınmış ziyalının Heydər Əliyevə müraciəti və onun oktyabrın 24-də bu müraciətə müsbət cavab verməsi Yeni Azərbaycan Partiyasının yaradılmasına gedən yolun əsas mərhələləri oldu. Noyabrın 21-də Naxçıvanda keçirilən təsis konfransında partiyanın Proqram və Nizamnaməsi qəbul edildi, Heydər Əliyev YAP-ın sədri seçildi. Partiyanın təsis konfransının Bakıda deyil, Naxçıvanda keçirilməsi də o dövrün siyasi reallıqlarının göstəricisi idi. Beləliklə, xalqın siyasi iradəsini ifadə edən yeni birlik Azərbaycanın gələcək inkişafında mühüm rol oynayacaq siyasi qüvvəyə çevrildi.

Bu hadisə həm də ölkənin idarəçilik böhranından çıxarılması və güclü dövlət quruculuğunun başlanğıcı kimi qiymətləndirilməlidir.  Belə ki, 1990-cı illərin əvvəllərindəki hakimiyyət böhranı, dövlət idarəçiliyinin zəifləməsi, ərazi itkiləri AXC-Müsavat cütlüyünün siyasi məsuliyyətsizliyin nəticəsi idi. Nəhayət, 1993-cü ilin iyununda Ümummilli Lider Heydər Əliyevin xalqın tələbi ilə siyasi hakimiyyətə qayıdışı, oktyabrda isə Prezident seçilməsi Azərbaycanın müasir tarixində yeni mərhələnin başlanğıcı oldu. Dövlətçiliyin qorunması, vətəndaş müharibəsi təhlükəsinin aradan qaldırılması, siyasi sabitliyin təmin edilməsi ölkənin gələcək inkişafının əsasını formalaşdırdı. Atəşkəsə nail olunması, “Əsrin müqaviləsi”nin imzalanması, Azərbaycanın beynəlxalq əlaqələrinin genişlənməsi və hüquqi dövlət quruculuğu istiqamətində atılan addımlar müstəqilliyin möhkəmləndirilməsinə xidmət etdi.

2003-cü ildə xalqın cənab İlham Əliyevə etimadı Heydər Əliyev siyasi kursunun davamlılığına verilən dəstək idi. Prezident İlham Əliyevin rəhbərliyi ilə Azərbaycan yeni inkişaf mərhələsinə qədəm qoydu. İqtisadi gücün artırılması, beynəlxalq mövqelərin möhkəmləndirilməsi, müasir infrastrukturun yaradılması və müdafiə potensialının gücləndirilməsi nəticəsində ölkəmiz regionun aparıcı dövlətlərindən birinə çevrildi. 2020-ci ildə Vətən müharibəsində qazanılan tarixi Zəfər, 2023-cü ilin sentyabrında dövlət suverenliyinin tam bərpası isə Azərbaycan tarixində yeni bir səhifə açdı. Bu nailiyyətlər Ulu Öndərin əsasını qoyduğu dövlətçilik strategiyasının Prezident İlham Əliyev tərəfindən uğurla davam etdirilməsinin nəticəsidir.

2026-cı il oktyabrın 2-də keçirilən Yeni Azərbaycan Partiyasının VIII Qurultayı da bu baxımdan xüsusi əhəmiyyət daşıyır. Azərbaycanın ərazi bütövlüyü və suverenliyi tam bərpa edildikdən sonra keçirilən ilk qurultay partiyanın qarşısında yeni dövrün çağırışlarına uyğun vəzifələr müəyyənləşdirdi. Prezident, YAP-ın Sədri İlham Əliyev çıxışında partiyanın ölkənin və regionun ictimai-siyasi həyatındakı rolunu yüksək qiymətləndirərək bildirdi: “Yeni Azərbaycan Partiyası nəinki Azərbaycanın, Cənubi Qafqazın ən böyük siyasi qüvvəsidir”. Dövlət başçısı həmçinin vurğuladı ki, 1992-ci ilin noyabrında Naxçıvanda keçirilmiş təsis konfransı faktiki olaraq Azərbaycanın gələcək qələbələrinə yol açmışdır.

VIII Qurultayda açıqlanan göstəricilər partiyanın təşkilati potensialını da nümayiş etdirir. 2026-cı il oktyabrın 1-nə olan məlumata görə, YAP-ın 4953 ərazi partiya təşkilatı üzrə 769 811 üzvü qeydə alınıb. Onların 398 568 nəfəri qadınlar, 43 379 nəfəri isə 18–29 yaşlı gənclərdir. Bu rəqəmlər partiyanın geniş ictimai bazaya malik olduğunu, qadınların və gənclərin siyasi proseslərdə iştirakına diqqət yetirildiyini göstərir.

Bu gün Yeni Azərbaycan Partiyasının qarşısında dayanan əsas vəzifələr dövlətçilik maraqlarının qorunması, milli həmrəyliyin möhkəmləndirilməsi, gənc nəslin dövlətçilik ruhunda formalaşmasına töhfə verməkdir. Müasir siyasi sistemdə partiyaların konstruktiv əməkdaşlığı, ictimai dialoqun genişləndirilməsi və ümummilli maraqlar ətrafında birliyin qorunması da mühüm əhəmiyyət daşıyır.

Beləliklə, 34 illik tarixi yol keçən Yeni Azərbaycan Partiyası Azərbaycanın müstəqilliyinin möhkəmləndirilməsi, dövlətçilik ənənələrinin qorunması və ölkənin davamlı inkişafı prosesində mühüm siyasi institut kimi formalaşıb.

 

Könül Nurullayeva,

Milli Məclisin deputatı

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

YAP ilk gündən böyük siyasi qüvvəyə çevrildi   

10:59
21 Noyabr

YAP-ın 34 illik fəaliyyəti müstəqil Azərbaycanın dövlətçilik tarixinin mühüm hissəsidir

10:17
21 Noyabr

Prezident İlham Əliyev gürcüstanlı həmkarına başsağlığı verib

10:09
21 Noyabr

Prezidentlər İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub

09:47
21 Noyabr

Bilmək istəyirəm

09:45
21 Noyabr

Prezident İlham Əliyevin Vyetnam Prezidenti ilə geniş tərkibdə görüşü olub YENİLƏNƏCƏK

09:44
21 Noyabr

Prezident İlham Əliyevin Hanoyda rəsmi qarşılanma mərasimi olub

09:43
21 Noyabr

Gürcüstanın Prezidenti Zati-aliləri cənab Mixeil Kavelaşviliyə

09:41
21 Noyabr

Paytaxt rayonlarında qarlı havalara hazırlıq tədbirləri başa çatıb

09:40
21 Noyabr

Azərbaycanın Şərqə uzanan strateji xətti: Vyetnamla yeni tərəfdaşlıq səhifəsi

09:35
21 Noyabr

"Qədər"ə dəxli olmayan qara statistika

09:35
21 Noyabr

Kukla Teatrında "Uşaq Hüquqları Aylığı" çərçivəsində tədbir keçirilib

09:30
21 Noyabr

Bakı-Hanoy əməkdaşlıq modeli tarixi dostluğun müasir iqtisadi tərəfdaşlıqla uzlaşdırılması nümunəsidir

09:25
21 Noyabr

Alim, yazıçı, publisist

09:25
21 Noyabr

Dövlətçilik, milli birlik və tarixi Zəfər yoluna aparan 34 il

09:22
21 Noyabr

İnsan talelərinə sığınan ömür

09:20
21 Noyabr

Müasir yaşayış binaları rahatlığın memarlıq nümunələridir

09:15
21 Noyabr

Qədim Qəbələnin zəngin şəhər mədəniyyəti 

09:10
21 Noyabr

Bakının daş abidələri

09:05
21 Noyabr

Gəncədə TECHERA şirkəti sərgi təşkil edəcək

09:00
21 Noyabr

Dünyanın ən böyük polimetal yataqlarından biri Balakəndədir

08:55
21 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!