"Ruhlar şəhəri"nin yerində "smart" yaşayış məntəqəsi salınır
Bu görünən Ağdamdı,
Ağ damdı, qara damdı,
Yollarına baxmaqdan
Gözlərimə qan damdı!
* Otuz il Ağdama uzaqdan baxdıq!
* Otuz il Ağdama həsrətlə baxdıq!
* Otuz il Ağdama ümidlə baxdıq!
Geriyə qayıdacağımıza, doğma yurda yenidən sahib çıxacağımıza heç vaxt inamımızı itirmədik!
Bəlkə də itirmək istəmədik.
Həm də elə bilirdik ki, geriyə qayıdanda Ağdamı olduğu kimi görəcəyik...
Qoyub getdiyimiz kimi görəcəyik...
Bir-birindən yaraşıqlı evləri...
Güllü, çiçəkli bağ-bağçaları...
Geniş asfalt küçələri, fəvvarəli meydanları...
Qarabağın baş qapısı, alınmaz qalası kimi...
Heyhat!
***
Erməni vəhşiliyini...
Erməni xislətini...
Erməni vandallığını görmək üçün işğaldan azad olunmuş Ağdam şəhərinə baxmaq kifayətdir...
* Heç elə bil bu ərazidə şəhər olmayıb...
* Heç elə bil burada insanlar heç vaxt yaşamayıb...
* Heç elə bil burada bir-birindən gözəl binalar, evlər tikilməyibmiş...
* Heç elə bil burada küçələr, prospektlər, parklar, meydanlar salınmayıbmış...
Hara baxsan dağıntılar...
Hara baxsan vəhşilik, vandallıq izləridir...
Hər yerdə murdar erməni siması, erməni xisləti, erməni barbarlığı görünür.
Yağı düşmən fars qardaşları ilə əl-ələ verərək:
Bütün evləri, yaşayış və ictimai binaları, məktəb, bağça, muzey, kitabxana və dini ocaqları sökərək dağıtmış, dəmir, taxta materialları, qapı və pəncərələri, daşlaracan sökərək İranın tikinti materialları bazarında satıb pula çevirmişlər.
Yollar və küçələr qazılaraq ərazidən keçən su və kanalizasiya boruları oğurlanmış, küçələr dağıdılmış, bərbad vəziyyətə qalmışdır.
Meyvə bağları, həyətlərdəki ağaclar və gül kolları qırılmış, ərazini kol-kos basmışdır.
Xaraba qoyulmuş evlərdə və həyətlərdə yabanı ağaclar bitmişdir.
Bir vaxtlar burada bəxtəvər insanların şad-xürrəm yaşadıqlarından bir əlamət belə qalmamışdır.
Bura "ruhlar şəhəri"nə çevrilmişdir!
Vətəndən ayrıla bilməyən, Vətəni ağır günlərdə tək qoymaq istəməyən ruhların dolaşdığı şəhərə!
***
Ağdamın geri qaytarılmasına ən əvvəl sevinən həmin ruhlar oldu.
Onlar da döyüşləri izləyir, silahlarını atıb döyüş meydanından qaçan ermənilərin qorxaqlıqlarına baxırdılar.
I Qarabağ müharibəsində ən ağır döyüşlər Ağdam istiqamətində oldu.
Həmin döyüşlərdə 6 minədək ağdamlı şəhidlik zirvəsinə yüksəldi!
Şəhidlər arasında ölkənin bütün regionlarından gələrək müqəddəs Vətən torpağı uğrunda çarpışan igidlər də vardı!
Düşmən hiyləgər və arxalı olduğundan torpaqları qoruyaraq saxlamaq mümkün olmadı!
II Qarabağ müharibəsində isə başı "dəmir yumruq"la əzilən düşmən Ağdamı döyüşsüz geriyə qaytardı!
Müqəddəs Ağdam torpağından Azərbaycan əsgərinə bir güllə belə atılmadı.
Otuz ildən sonra Azərbaycan Ordusu qudurmuş erməni əsgərlərini öz ayaqları altında gördü!
***
Müzəffər Ali Baş Komandan İlham Əliyev Azərbaycan xalqına verdiyi vədini şərəflə yerinə yetirdi, Ermənistanı qarşısında diz çökdürərək torpağı murdar ləpirlilərdən təmizlədi!
İkiəsrlik Qarabağ münaqişəsinə əbədilik son qoydu!
Torpaq əsl sahiblərinə qaytarıldı!
İndi isə cənab İlham Əliyev Qarabağı və Şərqi Zəngəzuru yenidən tikib quraraq əsl sakinlərinin geriyə dönüşünü təmin edir!
* Ağdam kərpic-kərpic tikilir, mərtəbə-mərtəbə ucalır.
* Ağdam ev-ev böyüyür, küçə-küçə genişlənir, yeni məhəllələr salınır.
* Ağdama su, elektrik çəkilir, qazlaşdırma aparılır.
* Ağdamda məktəblər, uşaq bağçaları inşa olunur, yeni iş yerləri açılır.
* Köhnə Ağdama bənzəməyən "smart" tipli müasir yaşayış məntəqəsi yaradılır.
Ağdam yeni baş plan əsasında tikilir!
Baş müəllifi Prezident İlham Əliyev sayılan baş plan əsasında!
Bu baş planda nələr yoxdur?!
"Dünyanın harasında şəhərsalma sahəsində yaxşı varsa, ondan Ağdamda da olmalıdır!" - dövlət başçısı İlham Əliyevin tapşırığıdır!
Ağdam Qarabağın ən böyük və ən gözəl guşəsi, respublikamızın dördüncü şəhəri olmalıdır - bu da Prezidentimizin göstərişidir!
Baş planda öz əksini tapan bütün istək və tapşırıqlar bir-bir həyata keçirilməkdədir.
Bir neçəsini xatırladırıq:
* Bütün parkları, bağları, yaşıllıqları məhv edilmiş Ağdamda dağüstü park, xiyaban və istirahət guşələri yaradılacaqdır;
* Şəhər daxilində 79 kilometr uzunluğunda xüsusi velosiped yolu çəkiləcəkdir;
* Motorlu qayıqlar üzəcək iki kilometrlik su kanalları olacaqdır;
* Süni şəlalələr və göllər şəhərin bəzəyinə çevriləcək, ona sərinlik və gözəllik gətirəcəkdir;
* Küçələrlə ən müasir, təkərsiz tramvaylar şütüyəcəkdir;
* Ağdam-Bakı yolunun 45 kilometri birinci dərəcəli olacaq, gecələr işıqlandırılacaq;
* Dəmir yolu xətti və dəmir yolu stansiyası rayona müasir sərnişin qatarlarının gəlişinə imkan verəcəkdir!
Baş plandakılar sürətlə və sistemli şəkildə reallaşdırılır!
***
"Ruhlar şəhəri"nin sakinləri bizi düz 27 il gözlədilər!
Yorulmadan, usanmadan, ümidlərini itirmədən gözlədilər!
Bildilər ki, gedər dünya belə qalmaz!
Bildilər ki, qudurmuşun da cəzasını verən tapılar!
Bildilər ki, nə vaxtsa İlahi ədalət öz yerini tutacaqdır!
Elə də oldu!
Müzəffər Ali Baş Komandan İlham Əliyev "dəmir yumruğ"u ilə Tanrının İlahi ədalətini bərpa etdi!
Ədalətin öz yerini almasını ilk görənlər və bilənlər də "ruhlar şəhəri"ndə yorulmadan dolaşan, qisas gününü gözləyən şəhid ruhları oldu!
Bizim geriyə dönüşümüzə ən çox sevinən, Ağdam xarabalıqlarında bizi şadyanalıqla qarşılayanlar da şəhid ruhları oldu!
Bu gün onlar da şaddırlar!
Ağdamın küllüklər içərisindən dirçəldilməsinə, yeni Ağdamın salınmasına sevinc və razılıqla tamaşa edirlər!
Allah sizlərə rəhmət etsin, şəhidlərimiz!
***
Şəhərlərin də tale yazısı, tale qisməti olur.
Eramızın əvvəlindən bu günədək baş verənlər tarix kitablarında qalır.
Hərdən alınmaz qalalara çevrilib, hərdən süqut edən yaşayış məntəqələri, bəzən yandırılıb dağıdıldıqdan sonra yenidən zühur edən şəhərlər çox olub.
Kiçik Ağdam da böyük oyunların qurbanına çevrilən yaşayış məntəqələrindən biri oldu.
Məkrli planların, xəbis niyyətlərin, murdar xislətlilərin hədəfinə tuş gələn Ağdam xaraba qoyularaq otuz il doğmalarına həsrət qaldı.
Sakinləri dərbədər düşdülər, olmazın müsibətlər çəkdilər.
Vaxtsız əcəllə dünyanı tərk edənlər də çox oldu.
* Qurtuluş gününü gözlədilər...
* Xilas gününü gözlədilər...
* Qisas gününü gözlədilər...
Müzəffər Ali Baş Komandan İlham Əliyevin "dəmir yumruğ"u, müdrik siyasəti, qətiyyətli addımları sayəsində ağdamlılar yenidən Ağdama qayıdırlar!
* Həsrətini çəkdikləri Ağdama...
* Viran qoyulan Ağdama...
* Tezliklə dünyanın ən gözəl şəhərlərindən birinə çevriləcək Ağdama...
Bu gün dostlarımız da bəllidir, düşmənlərimiz də.
Kiminlə necə rəftar edəcəyimizi, bədxahlarımızı yerlərində necə oturdacağımızı yaxşı bilirik.
Düşmənlərimiz də bizi gözəl tanıyırlar.
Biz sülh istəyirik!
Biz dəyərli oğul və qızlarımızın şəhid olmasını istəmirik!
Amma Vətən çağıranda canımızdan və qanımızdan belə keçməyə hazırıq!
Qarabağda və Şərqi Zəngəzurda bir-birindən gözəl, müasir yaşayış məntəqələri salırıq!
Kimsəyə onlara kəm baxmağa, yenidən ələ keçirməyə yol vermərik!
Xam xəyallara düşənlərə 44 günlük müharibədə baş verənləri unutmamağı tövsiyə edirik!
Qarabağı 23 mindən çox şəhid verərək geriyə qaytarmışıq!
Qarabağ bizimdir!
Onu kimsə bizdən ala bilməz!
Qarabağ Azərbaycandır!
Bəxtiyar SADIQOV
