Rusiya Prezidenti Vladimir Putin və Amerika Birləşmiş Ştatları (ABŞ) Prezidenti Donald Tramp arasında telefon danışığı olub.
AZƏRTAC xəbər verir ki, bu barədə jurnalistlərə Rusiya Prezidentinin köməkçisi Yuri Uşakov məlumat verib.
O bildirib ki, ABŞ tərəfinin təşəbbüsü ilə baş tutan telefon danışığı Vladimir Putinin Donald Trampı və bütün Amerika xalqını Müstəqillik Günü münasibətilə təbrik etməsi ilə başlayıb.
Onun sözlərinə görə, Rusiya və ABŞ prezidentləri Ukrayna sülh prosesini də müzakirə ediblər:”Amerika Prezidenti hərbi əməliyyatlara tez bir zamanda son qoymağa çağırıb və böhranın öhdəsindən gəlmək üçün dinc həll yollarının axtarışına kömək etməyə hazır olduğunu bir daha təsdiqləyib. Eyni zamanda, Donald Trampın iyulun 7-8-də Türkiyədə keçiriləcək NATO sammitində iştirakı məsələsinə toxunulub".
Uşakov, həmçinin bildirib ki, Rusiya Prezidenti ABŞ-İran danışıqlarının əsas məsələlər üzrə qarşılıqlı uzunmüddətli məqbul həllərə gətirib çıxaracağına ümid etdiyini diqqətə çatdırıb. Putin Trampa Rusiyanın İran ətrafında gərginliyin azaldılmasına kömək etməyə hazır olduğunu vurğulayıb.
Rusiya Prezidentinin köməkçisi bildirib ki, Putin və Tramp arasında söhbət işgüzar və yüksək konstruktiv xarakter daşıyıb, ikitərəfli və beynəlxalq məsələləri açıq şəkildə müzakirə etməyə imkan verib.
”Vladimir Putin Donald Trampla telefon danışığında ona Rusiyaya səfər etmək üçün daimi dəvətnamə aldığını xatırlatdı. Prezidentlər telefon danışığında hərbi, siyasi və iqtisadi məsələlər də daxil olmaqla, ikitərəfli əlaqələrin davam etdirilməsinin vacibliyini vurğulayıblar. Putin və Tramp qeyd etdilər ki, Rusiya və ABŞ İkinci Dünya müharibəsi dövründəki müttəfiqliklərini unutmayacaq”, - deyə o bildirib.
Uşakov deyib ki, söhbət 1 saat 25 dəqiqə davam edib, Putin və Tramp tezliklə yenidən zəng etmək barədə razılığa gəliblər.
jpg_1782946307.jpg)
jpg_1783229935.jpg)
jpeg_1783192703.jpeg)
jpg_1783192059.jpg)
