Dövlət Sərhəd
Xidməti ilə Dini Qurumlarla İş üzrə Dövlət Komitəsinin birgə tədbirlər planına uyğun
olaraq fevral ayının 7-də Göytəpə Sərhəd Dəstəsinin qarnizonunda "Vətən sərhəddən
başlayır - sərhədlərimiz milli dəyərimizdir” mövzusunda seminar keçirilmişdir.
Azərbaycan
Sərhəd Mühafizəsinin 100 illik yubileyi ərəfəsində keçirilən seminardan öncə hərbi
qulluqçular və qonaqlar hərbi hissədə Heydər Əliyev İdeoloji Mərkəzində ulu öndərin
həyat və fəaliyyətini əks etdirən zəngin foto-ekspozisiya ilə tanış olmuş, xatirəsini
yad edərək büstü önünə gül dəstələri düzmüşlər.
Dövlət himninin
səsləndirilməsi ilə başlanan seminarda Vətən uğrunda canlarını fəda etmiş şəhidlərimizin
xatirəsi birdəqiqəlik sükutla yad edilib.
Dini Qurumlarla
İş üzrə Dövlət Komitəsinin Masallı bölgəsi üzrə şöbə müdiri Miryəhya Bəbirovun iştirakı
ilə keçirilən seminarda bildirilib ki, bu tədbirin keçirilməsində əsas məqsəd ölkəmizdə
vətənpərvər və sağlam düşüncəli gənclərin yetişdirilməsi, onları Vətənə, onun sərhədlərinə
hədsiz məhəbbət, xalqının tarixinə, mədəniyyətinə və milli-mənəvi dəyərlərinə hörmət
ruhunda tərbiyə etmək, gənclərdə sərhədçi peşəsinə marağı artırmaqdır.
Tədbirdə çıxış
edənlər ulu öndər Heydər Əliyevin dövlət sərhədlərimizin qorunması, Azərbaycan sərhəd
mühafizəsinin formalaşması və inkişafı istiqamətindəki xidmətlərindən, onun müəyyənləşdirdiyi
milli sərhəd strategiyasının Azərbaycan Respublikasının Prezidenti, Silahlı Qüvvələrin
Ali Baş Komandanı İlham Əliyev tərəfindən uğurla həyata keçirilməsindən ətraflı
söz açmışlar. Ölkəmizin sərhəd mühafizəsinin ən müasir tələblər səviyyəsinə qaldırılmasını,
Ermənistan ilə dövlət sərhədinin Qazax və Ağstafa rayonları ərazisindən keçən hissəsinin
mühafizəsinin DSX-nin Sərhəd Qoşunlarına
həvalə olunmasını şərəf və qürur olmaqla yanaşı, Ali Baş Komandanın Azərbaycan
sərhədçisinə olan etimad və etibarının ifadəsi kimi dəyərləndirmişlər. Seminarda
sərhədlərimizin mühafizəsində şücaət göstərmiş sərhədçilərimizin qəhrəmanlıqlarından
da danışılmış, onların göstərdikləri igidliklərin hər bir gəncə, sərhədçiyə örnək
olması vurğulanmışdır.
Seminarda
dini amillərdən yararlanaraq radikallığa cəhd göstərən qüvvələrə qarşı mübarizədə
hamının, xüsusən gənc nəslin sayıqlıq göstərməsinin zəruriliyi bildirilmişdir.
Sonda dini
radikalizmin törətdiyi fəsadlara həsr edilmiş "Şəhadət” sənədli filmi nümayiş etdirilmişdir.
"Azərbaycan”
