19 Sentyabr 2023 13:34
285
DÜNYA
A- A+

Türkiyə İsveçin NATO-ya üzv olmasına razılıq verəcəkmi?  

 

Türkiyə parlamenti yay tətilindən qayıtdıqdan sonra İsveç NATO-nun tamhüquqlu üzvü olacaq.

AZƏRTAC xəbər verir ki, İsveçin Baş naziri Ulf Kristersson bunu BMT Baş Assambleyasının sessiyasında iştirak etmək üçün gəldiyi Nyu-York şəhərində SVT telekanalına müsahibəsində deyib. “Biz Vilnüsdə NATO-ya üzvlüklə bağlı razılığa gəldik və bu sazişin qüvvədə qaldığına əminəm”, - deyə o bildirib.

Lakin ekspertlər İsveç Baş nazirinin nikbinliyini bölüşmür. Onların fikrincə, Türkiyə Prezidenti Rəcəb Tayyib Ərdoğanın verdiyi siqnallar bu məsələ ilə bağlı yekun qərarın qəbul edilmədiyini göstərir. Ankara İsveçdə yaşayan və Türkiyə ərazisində terror aktlarında iştirak edən PKK fəalları ilə bağlı öhdəliklərin yerinə yetirilməsini hələ də qənaətbəxş hesab etmir. Türkiyə, həmçinin İsveçin üzvlüklə bağlı ərizəsinin ratifikasiyasını F-16 təyyarələrinin tədarükü ilə bağlayır və bu barədə ABŞ-dan aydın siqnallar gözləyir.

Xatırladaq ki, iyulun 11-12-də NATO-nun Vilnüsdə keçirilən sammiti öncəsi Rəcəb Tayyib Ərdoğan İsveçin Şimali Atlantika Alyansına qəbulu ilə bağlı vetonu ləğv etməyə razılıq verib. Stokholm isə öz növbəsində Ankaranın terrorçuluqda ittiham etdiyi təşkilatlara dəstək verməyəcəyini və Avropa İttifaqına üzvlüklə bağlı Türkiyəyə yardım edəcəyini öhdəsinə götürüb. Lakin İsveçdə “Quran” kitabının yandırılması ilə bağlı təkrarlanan aksiyalar Ankara ilə Stokholm arasında münasibətləri yenən gərginləşdirib.

İsveçin NATO-ya üzvlüklə bağlı ərizəsi Budapeşt tərəfindən də ratifikasiya olunmayıb. Macarıstan parlamenti isveçli siyasətçilərin tənqidlərindən narazıdır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video