07 Aprel 2023 01:01
13781
Oxucu məktubları
A- A+

Tıxac problemini "tıxac"dan çıxaran tapılacaqmı

 

Biz hər gün səhər saatlarından axşamacan Binəqədidən "Azadlıq prospekti" metrostansiyasına gedib çıxana qədər bəlkə də dünyada görünməyən tıxacla qarşılaşmalı oluruq. 20-25 dəqiqəlik yolu bir saat yarım, hətta elə olur ki, iki saata gedirik. 
Binəqədinin "Mərkəz" deyilən dairəsində elə tıxac yaranır ki, avtomobillər yarım saat, bir saat yerindəcə donub qalır. Belə tıxaclar digər problemlərə də səbəb olur. Məsələn, ictimai nəqliyyatın normal hərəkətinə. Avtobuslar tıxaclarda ləngidiklərindən dayanacaqlarda sərnişin "izdihamı" yaranır. İndi gəl bu "izdiham"da avtobusa min görüm, necə minirsən. Birtəhər minsən belə bu, hələ o demək deyil ki, mənzilbaşına birtəhər də olsa çata biləcəksən. Çünki belə basabasda halı pisləşən, ürəyi qısılan o qədər  sərnişin olur ki, sürücünün onlara yardım etməsi üçün avtobusu saxlamaqdan savayı çarəsi qalmır. 
Bu dözülməz vəziyyətdən yəqin ki, əlaqəli qurumların da xəbəri var. Lakin nə olsun, tədbir ki görmürlər. Acısını da biz çəkirik. Amma nə vaxtacan?

B.MİRZƏYEV,
Binəqədi kənd sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video