Tenderə dəvət

1. Azərbaycan hökuməti “Azərbaycan dəmir yollarının enerji təchizatı, işarəvermə və rabitə sistemlərinin yenidən qurulması (Biləcəri-Yalama) layihəsi” ilə bağlı maliyyə vəsaiti üçün Asiya İnkişaf Bankına (AİB) müraciət etmişdir və bu maliyyə vəsaitinin bir hissəsini yuxarıda adıçəkilən müqavilə üzrə ödənişlər üçün istifadə etməyi planlaşdırır. Tender AİB-in uyğun mənbə ölkələrindən olan iddiaçılar üçün açıqdır.

2. “Azərbaycan Dəmir Yolları” Qapalı Səhmdar Cəmiyyəti (ADY) (“Sifarişçi”) uyğun iddiaçılardan “Biləcəri-Yalama dəmir yolu hissəsinin enerji təchizatı, işarəvermə və rabitə sistemlərinin yenidən qurulması işlərinin layihələndirilməsi, tikintisi və tamamlanması” üzrə qapalı zərfdə tender təklifləri qəbul edir.

Layihə, ADY-nin beynəlxalq yükdaşımalarına xidmət göstərən Azərbaycanın şimal - cənub və şərq - qərb dəmir yolu dəhlizlərinin əsas komponentləri olan Biləcəri - Yalama və Bakı - Böyük Kəsik dəmir yolu hssələri boyunca 25 kV-luq dəyişən cərəyanlı enerji təchizatı, işarəvermə və rabitə sistemlərinin modernləşdirilməsini nəzərdə tutan daha geniş proqramın tərkib hissəsidir.

Proqram çərçivəsində həyata keçirilən ilk layihə, regional yükdaşımalarını dəstəkləyən “Şimal - Cənub” Beynəlxalq Nəqliyyat Dəhlizi daxilində əsas bağlantı olan Biləcəri - Yalama dəmir yolu hissəsini əhatə edir. Bu hissə təxminən 192 km uzunluğunda ikixətli dəmir yolu xəttindən və 15 stansiyadan ibarətdir. Layihələndirmə mərhələsi də daxil olmaqla, layihələndirmə və tikinti işlərinin təxmini müddəti 42 aydır.

Biləcəri (Biləcəri stansiyası istisna olmaqla) - Yalama dəmir yolu hissəsi sərnişin və yükdaşımalarını həyata keçirən, 1520 mm rels izinə malik ikixətli ənənəvi dəmir yolu xəttidir. Dəmir yolu xətti və əlaqədar işlərin bərpası yaxın vaxtlarda başa çatdırılmışdır. Dəhliz hazırda enerji təchizatı, işarəvermə və rabitə sistemləri ilə təchiz olunmuşdur, lakin bu sistemlər köhnəlmişdir və beynəlxalq standartlara cavab verən müasir sistemlərlə əvəz olunmasını tələb edir. Layihənin məqsədi bu marşrut üzrə təhlükəsizliyi gücləndirmək, istismar sürətini və səmərəliliyi artırmaq, həmçinin dəmir yolu xidmətlərinin etibarlılığını və əlçatanlığını yüksəltməkdir.

3. Açıq rəqabətli tender - Beynəlxalq elan AİB-nin “Bir mərhələ:İki zərf” proseduruna əsasən keçiriləcək və tender sənədlərində qeyd olunan uyğun ölkələrdən olan bütün iddiaçılar üçün açıqdır.

4. Tenderdə yalnız tender sənədlərində qeyd olunan aşağıdakı əsas tələblərə cavab verən iddiaçılar iştirak edə bilərlər:

a) Maliyyə vəziyyəti:

Tenderdə iştirak edən şirkətin və ya birgə müəssisənin xalis dəyəri və maliyyə resursları aşağıdakı meyarlara cavab verməlidir:

Ş İddiaçı son 5 (beş) il üzrə audit olunmuş maliyyə hesabatlarını, yaxud İddiaçının ölkəsinin qanunvericiliyi auditi tələb etmədiyi halda, Sifarişçi tərəfindən məqbul sayılan digər maliyyə hesabatlarını təqdim etməklə cari maliyyə vəziyyətinin sabitliyini nümayiş etdirməlidir. Minimum tələb olaraq, İddiaçının son hesabat ili üçün ümumi aktivləri ilə ümumi öhdəlikləri arasındakı fərq kimi hesablanan xalis dəyəri müsbət göstəriciyə malik olmalıdır.

Ş Tək müəssisələr üçün: İddiaçı nümayiş etdirməlidir ki, onun maliyyə resursları, əsas müqavilə öhdəlikləri üzrə maliyyə öhdəlikləri çıxılmaqla, sözügedən Müqavilə üzrə müəyyən edilmiş ümumi tələbə – 25 milyon ABŞ dolları məbləğinə bərabərdir və ya ondan artıqdır. 

Ş Birgə Müəssisələr üçün – (1) Tərəfdaşlardan biri nümayiş etdirməlidir ki, onun maliyyə resursları özünün əsas müqavilə öhdəlikləri üzrə maliyyə öhdəlikləri çıxılmaqla, sözügedən Müqavilə üzrə ümumi tələbdən ona düşən 10 milyon ABŞ dolları məbləğində paya bərabərdir və ya ondan artıqdır; (2) Hər bir tərəfdaş nümayiş etdirməlidir ki, onun maliyyə resursları, özünün cari müqavilə öhdəlikləri üzrə maliyyə öhdəlikləri çıxılmaqla, sözügedən Müqavilə üzrə ümumi tələbdən ona düşən 6 milyon ABŞ dolları məbləğində paya bərabərdir və ya ondan artıqdır; (3) Birgə Müəssisə nümayiş etdirməlidir ki, bütün tərəfdaşların məcmu maliyyə resursları, tərəfdaşların əsas müqavilə öhdəlikləri üzrə bütün maliyyə öhdəlikləri çıxılmaqla, sözügedən Müqavilə üzrə müəyyən edilmiş 25 milyon ABŞ dolları məbləğində ümumi tələbə bərabərdir və ya ondan artıqdır.

b) İlik orta tikinti dövriyyəsi: Son beş il ərzində icrası davam edən və ya tamamlanmış müqavilələr üzrə alınmış cəmi təsdiqlənmiş ödənişlər əsasında hesablanan minimum orta illik tikinti dövriyyəsi 130 milyon ABŞ dolları təşkil etməlidir. Birgə Müəssisə halında, aparıcı üzv tələbin ən azı 40 faizini, hər bir tərəfdaş isə ən azı 25 faizini qarşılamalıdır.

c) Oxşar həcmli müqavilə təcrübəsi: 1 yanvar 2021-ci il və təkliflərin təqdim olunması üçün son tarix aralığında uğurla tamamlanmış, dəyəri 150 milyon ABŞ dolları olan bir müqavilədə podratçı, Birgə Müəssisə tərəfdaşı və ya subpodratçı kimi iştirak.

d) Oxşar xarakterli müqavilə təcrübəsi: Son 5 il ərzində aşağıdakı texniki tələblər üzrə podratçı, Birgə Müəssisə tərəfdaşı və ya subpodratçı kimi iştirak:

Ş Əsas dəmir yolu xəttinin minimum 50 km-lik hissəsində kontakt şəbəkəsi sistemlərinin təchizatı və quraşdırılması.

Ş Əsas dəmir yolu xəttinin minimum 50 km-lik hissəsində işarəvermə sistemlərinin təchizatı və quraşdırılması.

Ş Əsas dəmir yolu xəttinin minimum 5 stansiyasında rabitə sistemlərinin təchizatı və quraşdırılması.

e) İxtisaslaşdırılmış əsas fəaliyyət sahələri üzrə tikinti təcrübəsi:1 yanvar 2021-ci il tarixdən təkliflərin təqdim olunması üçün son tarixə qədər tamamlanmış yuxarıda qeyd edilən və ya digər müqavilələr üzrə aşağıdakı əsas fəaliyyət sahələrində minimum tikinti təcrübəsi tələb olunur. Bu təcrübə ya iddiaçının özü, ya da onun təklif etdiyi ixtisaslaşmış subpodratçı(lar) tərəfindən təmin edilə bilər.

Ş Dəmir yolu enerji təchizatı sistemlərinin layihələndirilməsi.

Ş Dəmir yolu işarəvermə sistemlərinin layihələndirilməsi.

Ş Dəmir yolu rabitə sistemlərinin layihələndirilməsi.

f) Tam qiymətləndirmə və ixtisas tələbləri üçün iddiaçılar tender sənədlərindəki tələblərə istinad etməlidirlər. Bu Tenderə Dəvət ilə Tender Sənədləri arasında hər hansı uyğunsuzluq yaranarsa, Tender Sənədləri üstünlük təşkil edəcəkdir.

g) Yerli iddiaçılara üstünlük tətbiq edilməyəcək.

5. Tender təkliflərinin qiymətləndirilməsi maliyyə və texniki meyarların çəki əmsalları (Merit Point) tətbiq edilməklə həyata keçiriləcəkdir. Texniki və maliyyə göstəriciləri üçün müvafiq olaraq 30:70 nisbətində çəki əmsalından istifadə edilməklə ümumi bal hesablanacaqdır.

6. Tenderqabağı görüşün keçirilməsi nəzərdə tutulmuşdur.

Tarix: 08 may 2026

Vaxt: Bakı vaxtı ilə saat 15:00

Yer: Distant (Görüşün MS Teams keçid linki görüşdən iki gün öncə tender sənədlərini alan iddiaçılara göndəriləcəkdir)

7. Tender sənədlərini əldə etmək və əlavə məlumat almaq üçün iddiaçılar saat 10:00-dan 17:00-dək (Bakı vaxtı ilə) aşağıdakı ünvana müraciət edə bilərlər.

LIQ-in Satınalma Komandası

Ünvan: Dilarə Əliyeva küçəsi 230

Mərtəbə/Otaq: 1-ci mərtəbə, otaq 163

Şəhər: Bakı

Poçt indeksi: AZ1010

Ölkə: Azərbaycan

Telefon: +994 12 499 44 95; +994 12 499 43 56  

E-poçt: [email protected]

8. Tender sənədlərini (ingilis dilində) almaq üçün maraqlı olan uyğun iddiaçılar:

Ş yuxarıdakı ünvana yazılı müraciət etməklə (şirkətin rəsmi blankında və səlahiyyətli şəxs tərəfindən imzalanmış) “ARESTP-BY-CW-01 – Biləcəri-Yalama dəmir yolu hissəsinin enerji təchizatı, işarəvermə və rabitə sistemlərinin yenidən qurulması üçün layihələndirmə və tikinti-quraşdıma işləri” üzrə tender sənədlərini istəməlidir.

Ş Bank köçürməsi vasitəsilə aşağıdakı bank rekvizitləri üzrə 200 ABŞ dolları və ya 340.00 AZN məbləğində geri qaytarılmayan ödəniş edilməlidir:

ABŞ dolları hesab məlumatları:

Müştərinin adı                  AZƏRBAYCAN DƏMİR YOLLARI QSC

Müştərinin hesab nömrəsi          38150018409345061205

Müştərinin IBAN-ı           AZ47IBAZ38150018409345061205

Müştəri VÖEN-i 9900007721

Müştəri nömrəsi              9345061

Bank adı                              ABB, NƏRİMANOV FİLİALI

Bankın VÖEN-i                  9900001881

Bankın SWIFT kodu         IBAZAZ2X

Xarici köçürmələr üçün müxbir banklar:

Müxbir hesab    04-164-504

Müxbir bank      DeutscheBank Trust Company Americas NY

SWIFT kod          BKTRUS33

Müxbir hesab    001-1-230521

Müxbir bank      JP Morgan Chase Bank, New York

SWIFT kod          CHASUS33

Müxbir hesab    36083186

Müxbir bank      Citibank NA, New York

SWIFT kod          CITIUS33

AZN hesab məlumatları:

Müştərinin adı                  AZƏRBAYCAN DƏMİR YOLLARI QSC

Müştərinin hesab nömrəsi          38050019449345061205

Müştərinin IBAN-ı           AZ57IBAZ38050019449345061205

Müştəri VÖEN-i                9900007721

Müştəri nömrəsi              9345061

Bank adı                              ABB, NƏRİMANOV FİLİALI

Bankın kodu                      805711

Bankın müxbir hesabı    AZ03NABZ01350100000000002944

Bankın VÖEN-i                  9900001881

Bankın SWIFT kodu         IBAZAZ2X

Ş Geri qaytarılmayan ödəniş edildikdən sonra, Sifarişçi tender sənədlərinin elektron variantını redaktə olunmayan fayl formatında (PDF) iddiaçıya göndərəcəkdir. Tender sənədlərinin çap olunmuş nüsxəsi  iddiaçının səlahiyyətli nümayəndəsi tərəfindən elanda göstərilən ünvandan götürülə bilər və ya iddiaçının müraciəti əsasında, iddiaçı tərəfindən təşkil edilən kuryer vasitəsilə göndərilə bilər. Sifarişçi tender sənədlərinin itməsi və ya zədələnməsinə görə heç bir məsuliyyət daşımır.

9. Tender təklifləri təqdim edilməlidir:

Ş Ünvan: 4-cü mərtəbə, otaq 458, Dilarə Əliyeva küç. 230, Bakı, AZ1010, Azərbaycan Dəmir Yolları QSC-nin Baş ofisi

Ş Təqdimat üçün son tarix: 29 may 2026 (Bakı vaxtı ilə saat 15:00)

Ş Təkliflə birlikdə tender sənədində göstərilən Tender təklifinin Təminatı da təqdim olunmalıdır

10. Təkliflər müəyyən edilmiş tarix və vaxtdan dərhal sonra açılışda iştirak etməyi seçən iddiaçıların nümayəndələrinin iştirakı ilə açılacaqdır. Gecikmiş təkliflər qəbul edilməyəcək.