19 Noyabr 2026 08:05
177
CƏMİYYƏT
A- A+
Səngərdən quruculuq meydanına

Səngərdən quruculuq meydanına


İkinci Qarabağ müharibəsində erməni işğalçıları üzərində qazanılan böyük Zəfərdən sonra Azərbaycan beynəlxalq aləmdə güclü, qüdrətli, öz ərazi bütövlüyünü və suverenliyini qısa zamanda bərpa edən dövlət kimi tanındı. Döyüş meydanında əldə olunan bu Zəfər qəhrəmanlıq tariximizin ən parlaq səhifəsi oldu. 

44 gün səngimədən davam edən Vətən müharibəsində Azərbaycanın Ermənistan üzərində parlaq qələbəsindən sonra Prezident İlham Əliyevin rəhbərliyi altında işğaldan azad olunmuş ərazilərdə dirçəliş, abadlıq və quruculuq işlərinə start verildi. Amma Qarabağ və Şərqi Zəngəzur büsbütün yenidən tikilməli idi. Çünki düşmən işğal illərində daşı daş üstə qoymamışdı. Belə bir vəziyyətdə Azərbaycan Prezidenti İlham Əliyev görüləcək quruculuq işlərinin istiqamətlərini göstərdi. Ardınca Böyük qayıdış proqramı çərçivəsində yeni yollar çəkildi, dini abidələr təmir və bərpa olundu, zəruri infrastruktur quruldu. Ən əsası, keçmiş məcburi köçkünlərin geri dönməsi və yaşaması üçün "ağıllı" kənd və şəhərlər salındı, onlar işıq, qaz, su ilə təchiz olundu, əhali üçün iş yerləri açıldı. 

Prezident İlham Əliyevin işğaldan azad edilmiş ərazilərdə iqtisadi inkişafın sürətləndirilməsi ilə bağlı imzaladığı 10 dekabr 2021-ci il tarixli sərəncamında yazılmışdı: "Azərbaycan Respublikasının Ermənistanın işğalından azad edilən ərazilərinin bərpası, milli iqtisadiyyata sürətli inteqrasiyası, dayanıqlı inkişafının təmin olunması, orada ən müasir infrastrukturun qurulması, mədəni-tarixi abidələrin bərpası və layiqli yaşayış şəraitinin yaradılması istiqamətində genişmiqyaslı tədbirlər həyata keçirilir. Bu çərçivədə icra olunan layihələr həmin ərazilərin qısa müddət ərzində sülh və əməkdaşlıq bölgəsinə çevrilməsində və iqtisadi inkişafında mühüm rol oynayacaqdır".

İşğaldan azad olunmuş ərazilərdə sürətlə aparılan tikinti və bərpa işləri Azərbaycanın müstəqillik tarixində həyata keçirdiyi ən böyük layihələrdir. Bu layihələr Qarabağ və Şərqi Zəngəzura yeni həyat bəxş edir. Çəkilən avtomobil yolları, dəmir yolu xətləri, salınan körpülər, tikilən hava limanları quruculuq işlərini daha da sürətləndirir. İşğaldan azad olunmuş ərazilərdə inşa edilən "ağıllı" yaşayış məntəqələri müasir dövrün şəhərsalma prinsiplərinə və tələblərinə cavab verir. Yaşayış binaları ilə bərabər, sosial obyektlər, məktəblər, tibb müəssisələri, xidmət infrastrukturu da tikilir. Bir sözlə, doğma ocaqlarına qayıdan keçmiş məcburi köçkünlərin yaşaması üçün hərtərəfli şərait yaradılır, rahatlığı təmin olunur. 

Bu gün hamımız Böyük qayıdışın sevincinin şahidiyik. Zəngilan rayonunun Ağalı kəndindən başlayan bu proses hazırda işğaldan azad olunmuş digər şəhər və kəndlərdə davam edir. Elə gün yoxdur ki, insanlar uzun illər həsrətində olduqları doğma ocaqlarına dönməsinlər. 

Noyabrın 6-da Prezident İlham Əliyev və birinci xanım Mehriban Əliyeva Zəngilan rayonunun Cahangirbəyli və Cəbrayıl rayonunun Soltanlı kəndlərinə köçən sakinlərlə görüşdülər. Görüşdə çıxış edən dövlətimizin başçısı işğaldan azad olunmuş ərazilərdə aparılan quruculuq və bərpa işlərindən danışdı. Bildirdi ki, 6 il əvvəl şanlı ordumuz düşməni torpaqlarımızdan qovaraq haqq-ədaləti bərpa etdi. Artıq 6 ildir biz quruculuq işləri ilə məşğuluq: "Uzun illər ağır şəraitdə yaşamış köçkünlərin doğma torpaqlara qayıtması hər bir vətəndaşımızın böyük arzusu idi, ilk növbədə, əlbəttə ki, köçkün şəklində, köçkün şəraitində yaşayan insanlar üçün. Amma siz də bilirsiniz ki, hər bir vətənpərvər insan sizin tezliklə doğma diyara qayıtmağınızı arzulayırdı". 

Ölkə rəhbəri daha sonra bildirdi: "Bu gün biz demək olar ki, müntəzəm olaraq yeni gözəl kəndlər, şəhərlər salırıq, sıfırdan qururuq. Çünki mənfur düşmən bizim bütün şəhər və kəndlərimizi yerlə yeksan etmişdi, o cümlədən Cahangirbəyli, Soltanlı kəndlərini də tam dağıtmışdı. Bu gün bu iki kəndə təqribən 700-ə yaxın ailə qayıdır. Sizin üçün gözəl evlər tikilib. Əminəm ki, siz bu şəraitdən səmərəli şəkildə istifadə edəcəksiniz. Əsas məsələ odur ki, artıq köçkünlük həyatı arxada qalır".

Bu gün Qarabağ və Şərqi Zəngəzurda aparılan quruculuq və bərpa işləri Azərbaycan dövlətinin gücünü, qüdrətini göstərir. Bu işlər tikinti, quruculuq meydanında Zəfərin davamıdır. O davam ki, bununla Azərbaycanın müasir tarixinə yeni səhifələr yazılır. 


Vahid MƏHƏRRƏMOV,

"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Azərbaycan elminin beynəlxalq inteqrasiyasında yeni mərhələ

08:50
19 Noyabr

Nəqliyyat dəhlizləri Azərbaycanın Avropa ilə Asiya arasında tranzit rolunu gücləndirir

08:45
19 Noyabr

Sosial siyasətin maliyyə təminatı

08:40
19 Noyabr

2027-ci ilin dövlət büdcəsi dayanıqlı inkişaf və sosial rifah fəlsəfəsinə söykənir

08:35
19 Noyabr

Azərbaycanın KSQT yanında daimi nümayəndəsi etimadnaməsini təqdim edib

08:30
19 Noyabr

Bakı Dialoqunun yekun Bəyannaməsi BMT Baş Assambleyasının və Təhlükəsizlik Şurasının rəsmi sənədi kimi yayılıb

08:25
19 Noyabr

Bakı-Berlin münasibətləri yeni inkişaf mərhələsindədir  

08:20
19 Noyabr

Parlamentdə Ukrayna Ali Radasının nümayəndə heyəti ilə görüş 

08:15
19 Noyabr

2027-ci ilin büdcə zərfinə daxil olan qanun layihələrinin birinci oxunuşda müzakirəsi başa çatıb

08:10
19 Noyabr

Səngərdən quruculuq meydanına

08:05
19 Noyabr

Azərbaycan-Almaniya əlaqələrində yeni səhifə

08:00
19 Noyabr

Azərbaycan Respublikası Prezidentinin 2009-cu il 14 may tarixli 95 nömrəli Fərmanı ilə təsdiq edilmiş "Azərbaycan Respublikasının Diasporla İş üzrə Dövlət Komitəsi haqqında Əsasnamə"də dəyişiklik edilməsi barədə

01:03
19 Noyabr

Azərbaycan Respublikası Nazirlər Kabinetinin 2023-cü il 28 dekabr tarixli 485 nömrəli Qərarı ilə təsdiq edilmiş “Dövlət orqanlarının (qurumlarının) və yerli özünüidarəetmə orqanlarının istifadə etməli olduqları texnoloji avadanlığa və proqram təminatına dair tələblərə uyğunluğun müəyyənləşdirilməsi Qaydası”nda dəyişiklik edilməsi haqqında

01:02
19 Noyabr

Azərbaycan Dövlət Su Ehtiyatları Agentliyinin tabeliyində “Su və Meliorasiya üzrə Layihələndirmə və Elmi Tədqiqat İnstitutu”nun strukturunun, işçilərinin say həddinin, əməkhaqlarının (vəzifə maaşları, vəzifə maaşlarına əlavələr, mükafatlar və digər ödənişlər) məbləğlərinin təsdiq edilməsi haqqında

01:01
19 Noyabr

Zelenski: Ukrayna Donald Trampın Çindəki danışıqları barədə məlumat gözləyir  

23:39
18 Noyabr

Gənclər və idman naziri “Eurosport”un nümayəndələri ilə görüşüb

22:37
18 Noyabr

Putin və Trampın görüşü noyabrın 19-na planlaşdırılıb

22:29
18 Noyabr

Latviya səfiri: Azərbaycan təbiəti, tarixi və qonaqpərvərliyi ilə heyran edir  

21:56
18 Noyabr

Səfir: İçərişəhər hər zaman insana ilham verir

21:34
18 Noyabr

Bakıda Şimali Kipr Türk Cümhuriyyətinin müstəqilliyinin 43-cü ildönümü qeyd olunub  

21:18
18 Noyabr

Milli Məclisin sədri Türkmənistanda işgüzar səfərdədir

20:54
18 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!