Azərbaycan USAID-ı bağlamaqla düzgün qərar verib və şübhəsiz ki, dünyanın bir çox başqa ölkələri də bundan nümunə götürəcək.
Bu sözləri AZƏRTAC-a açıqlamasında rusiyalı politoloq, Siyasi Araşdırmalar İnstitutunun direktoru Sergey Markov deyib.
O xatırladıb ki, ABŞ Beynəlxalq İnkişaf Agentliyi – USAID 1960-cı illərdə Con Kennedi tərəfindən bütün dünyada demokratiya və azadlığa dəstək layihəsi kimi yaradılıb. XX əsrin ikinci yarısında təşkilat bütün dünyada, o cümlədən Rusiyada demokratiyanın bərqərar olmasına fəal kömək edib.
“Demokratiyanı müdafiə etmək çox yaxşı ideyadır və o, ötən əsrin 60, 70, 80 və 90-cı illərində, o cümlədən Rusiya Federasiyasında çox yaxşı işləyib. Lakin sonra USAID demokratiyanın düşmənlərinin nəzarətinə keçdi və bu da onun mahiyyətini dəyişdi. Biz Rusiyada USAID-ın demokratiya tərəfdarından onun düşməninə çevrildiyini görəndə onu bağladıq”, -deyə S.Markov qeyd edib.
Ekspertin sözlərinə görə, maliyyələşdirmə məlumatları dərc edildikdən sonra məlum olub ki, USAID terrorçu qruplara, neofaşistlərə maliyyə dəstəyi verib, mediadan manipulyasiya üçün istifadə edib. Bu agentlik Avropada 700-dən çox media orqanında 6000 jurnalisti maliyyələşdirərək onlara konkret informasiyalar yaymaq üçün təzyiq göstərib. USAID demək olar ki, bütün “rəngli” inqilablarda iştirak edib. Agentlik onların əsas maliyyə mənbəyi idi. Kütləvi etirazların baş tutmasını təmin etmək üçün aksiya təşkilatçılarına aylarla maaş verilib”.
Agentliyin həmsöhbəti əlavə edib: “Nümayişçilər heç bir pul almayıblar. Ola bilər ki, pulsuz yemək, pulsuz paltar alıblar, amma pul olmayıb. Bununla belə, bütün təşkilatçılar uzun aylar maaşlarını alıblar. Etiraz aksiyaları təkcə Ukrayna və Gürcüstanda deyil, həm də Moskvanın Bolotnaya meydanında maliyyələşdirilib”.
Politoloq sözlərini yekunlaşdırıb: “İndi görürük ki, USAID Tramp, Mask və Vensin qəzəbinə səbəb olub. Azərbaycan USAID-ı bağlamaqla düzgün qərar verib və şübhəsiz ki, dünyanın bir çox ölkələri də ondan nümunə götürəcək”.
jpg_1766048684.jpg)
