“Neftçi” doğma meydanda “Səbail”i, “Qəbələ” isə səfərdə “Sumqayıt”ı məğlub edib
Mayın 12-də Futbol üzrə Topaz Premyer Liqasının XXV turuna üç oyunla yekun vurulub.
AZƏRTAC xəbər verir ki, “Neftçi” doğma meydanda “Səbail” klubunu qəbul edib. Hesabı oyunun favoriti sayılan “Neftçi” komandası açıb. Matçın 33-cü dəqiqəsində Namiq Ələsgərov fərqlənib - 1:0. Qoldan dörd dəqiqə sonra meydan sahibləri ikinci qolu rəqibin qapısından keçirib. Rəhman Hacıyev adını tabloya yazdırıb - 2:0. Birinci hissə bu hesabla başa çatıb.
Fasilədən sonra qarşılaşmanın 81-ci dəqiqəsində Lukas Gomez künc zərbəsindən sonra hesab arasındakı fərqi üç topa çatdırıb -3:0. Oyunda son nöqtəni 84-cü dəqiqədə Yevgeni Koçukun sahəsində qonaqlar qoyub - 3:1. Beləliklə, oyun “Neftçi”nin 3:1 hesablı qələbəsi ilə başa çatıb.
Bu qələbədən sonra “Neftçi” xallarının sayını 43-ə çatdıraraq üçüncü pilləyə yüksəlib, “Səbail” isə 23 xalla yeddinci yerdədir.
Digər oyun “Kapital Arena”da keçirilib. Avrokuboklara çıxmaq ümidini itirməyən “Sumqayıt” klubu Premyer liqada gümüş medalları özlərinə təmin etmiş “Qəbələ” komandasını qəbul edib. Qarşılaşmanın 36-cı dəqiqəsində Baqali Dabo dəqiqə zərbə ilə hesabı açıb - 1:0. Birinci hissə bu hesabla başa çatıb. Fasilədən sonra oyunun əsas vaxtına iki dəqiqə qalmış Cavid Hüseynov hesabı artırıb - 2:0.
Qarşılıqlı hücumlar şəraitində keçən qalan dəqiqələrdə hesab dəyişməyib. Beləliklə, görüş “Qəbələ”nin 2:0 hesablı qələbəsi ilə yekunlaşıb.
Zirə idman kompleksində keçirilən oyunda isə “Zirə” “Kəpəz”i qəbul edib. Qarşılaşma zirəlilərin 2:1 hesablı qələbəsi ilə başa çatıb. Meydan sahiblərinin heyətində Riçard Qardze və Tellur Mütəllimov fərqlənib, qonaqlarda isə yeganə qolun müəllifi S.Rəhimov olub.
Hazırda 62 xalı olan “Qarabağ” çempionluğu vaxtından əvvəl bayram edib. “Qəbələ” klubu 49 xalla ikinci, “Neftçi” isə 43 xalla üçüncü yerdədir.
Digər pillələrdə isə müvafiq olaraq, “Zirə” (41 xal), “Sumqayıt” 40 (xal), “Keşlə” (28), “Səbail” (23) və “Kəpəz” (14) klubları qərarlaşıblar.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Ombudsman Aparatının nümayəndələri Baş Klinik Hospitalda olublar
29 Aprel
“Azərişıq” ASC-nin sədri Qazaxda vətəndaşlarla görüşüb
29 Aprel
Heydər Əliyev Fondu və Xarici ölkələrlə dostluq üzrə Çin Xalq Assosiasiyası arasında gələcək əm...
29 Aprel
Ülviyyə Fətəliyeva Avropa çempionu oldu
29 Aprel
Geomaqnit sahəsi qeyri-stabil olacaq
29 Aprel
“Google Play Market”də yeni funksiya istifadəyə verilir
29 Aprel
Çağrı mərkəzlərində süni zəka dövrü başlayır
29 Aprel
Jerar Depardye Parisdə saxlanılıb
29 Aprel
Azərbaycanlı mütəxəssis Avropa Gimnastikasının İtaliyadakı tədbirində iştirak edib
29 Aprel
Ukraynalı deputat: Ruben Vardanyanın Nobel Sülh Mükafatına namizədliyinin irəli sürülməsi qəbuledilm...
29 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!