Mövsümü uğurlu tamaşalarla başa vurmuşuq
Daha bir teatr mövsümü başa çatdı. Yola saldığımız mövsüm teatrımız üçün yaradıcılıq baxımından məhsuldar oldu. Həm klassik, həm də müasir dramaturqların yaradıcılığına müraciət etdik. Teatrsevərlərin qarşısına maraqlı tamaşalarla çıxdıq. Teatrımızın yaradıcı kollektivi builki mövsümdə də dövrün və zamanın nəbzini tutan səhnə əsərlərini yüksək səviyyədə tamaşaya qoymaqdan ötrü səylərini əsirgəməmişdir.
Əslində isə yarandığı vaxtdan sağlam mənəvi prinsiplər üzərində təşəkkül tapmış Lənkəran Dövlət Dram Teatrı repertuarında Azərbaycan dramaturqlarının əsərləri ilə yanaşı, Qərbi Avropa, rus və digər ölkələrin xalqlarının dramaturgiyasından incilərə də yer ayırmış, təkcə respublikamızda deyil, həmçinin bir sıra xarici ölkələrdə də keçirilən beynəlxalq festivallarda uğurlar qazanmışdır.
Bu gün teatrda normal yaradıcılıq mühiti hökm sürür. Yeni təyin olunmuş baş rejissor Anar Sadıqovla birlikdə kollektivin öhdəsinə düşən yaradıcılıq məsələlərinin həlli üçün səylə çalışırıq. "Aparıcı teatr" stasusu almış sənət ocağımızda çalışan işçilərin əməkhaqqı fərqli dərəcədə artmışdır.
Hazırda teatrda iki Xalq artisti, iki Əməkdar artist, bir Əməkdar incəsənət xadimi, bir nəfər Prezidentin fərdi təqaüdçüsü, üç Prezident mükafatçısı və digər yüksək ada layiq olan onlarca sənət fədaisi çalışır. Onların hər biri öz istedadları hesabına tamaşaçıların hüsn-rəğbətini qazanmışdır.
Koronavirus pandemiyası ilə əlaqədar tətbiq olunan ikiillik karantin dövründə teatrın truppası özünün yaradıcılıq potensialını gücləndirməyi əsas prioritet hesab etmiş, ayrı-ayrı aktyorlarımız formasını itirməmək üçün fərdi məşqlər keçmişlər.
Truppamız Cəfər Cabbarlının "Vəfalı Səriyyə, yaxud göz yaşı içində gülüş" tamaşası ilə ötən ilin noyabrında Astara, Lerik, Ağdam və Biləsuvar rayonlarında qastrol səfərlərində olmuşdur. Ağdam səfəri xüsusilə sənətçilərimizə unudulmaz anlar bəxş etmişdir. Belə ki, ağdamlı həmkarlarımızla razılaşma əsasında hər iki kollektiv arasında yaradıcı əlaqələrin qurulması, qarşılıqlı qastrol səfərlərinin təşkili, rejissor və aktyor mübadiləsi, texniki dəstək, yaradıcı görüşlər və təcrübə mübadiləsi nəzərdə tutulur. Təqdirəlayiq haldır ki, Vətən müharibəsində qazanılmış qələbədən sonra Qarabağa ilk qastrol səfəri də məhz bizim teatra qismət olub. Ağdamda olduğumuz müddətdə biz ermənilər tərəfindən dağıdılmış Ağdam şəhər məscidinə və Ağdam Dövlət Dram Teatrının uçub-sökülmüş binasına baş çəkdik, mənfur qonşularımızın cinayətkar əməllərinin şahidi olduq.
Teatrımız özünün balaca tamaşaçılarını da həmişə nəzərə alır. Onlar üçün il ərzində 2-3 tamaşa qoyulur. Uşaqlar üçün hazırladığımız tamaşalara Lənkəran şəhərinin və rayonun kənd orta məktəblərinin şagirdləri həvəslə baxırlar. Bundan əlavə, həm də səyyar tamaşalar təşkil edirik.
Baş rejissor Anar Sadıqovun qələmə aldığı və quruluş verdiyi "Haqqın 44 günü" tamaşası uğurla qarşılanmışdır. 44 günlük Vətən müharibəsi dövrünü əks etdirən bu səhnə əsərini Salyan, Neftçala, Masallı rayonlarında, eləcə də Lənkəran və Göytəpə sərhəd dəstələrinin əsgər-zabit heyəti qarşısında nümayiş etdirmişik.
İyulun 15-də isə mövsümü gənc rejissor Tərlan Abdullayevin quruluşunda yazıçı-dramaturq İlqar Fəhminin "Qanlı namə" dramının tamaşası ilə başa vurmuşuq. Tarixi faktlara əsaslanan bu səhnə əsərində 42 il Səfəvi dövlətinin başçısı olmuş I Şah Abbasın hakimiyyəti dövründə həyata keçirilən islahatlardan bəhs olunur.
Uşaq və gənclərin teatra marağını artırmaq, onları sənət ocağımıza cəlb etmək məqsədilə müntəzəm olaraq axtarışlar aparırıq. Onların zövqünə uyğun tamaşalara müraciət etməyi daha vacib hesab edirik. Teatrda paralel olaraq məşqləri aparılan daha iki əsərin- Xalq yazıçısı Kamal Abdullanın "Casus" və mərhum yazıçı-dramaturq, Əməkdar incəsənət xadimi Məmmədhüseyn Əliyevin "Prokuror" iki hissəli pyeslərin tamaşalarının növbəti teatr mövsümünün əvvəllərində hazırlanması planlaşdırılmışdır.
Gənc aktyorlarımızın formalaşmasını da ön planda saxlayırıq. Mədəniyyət Nazirliyinin dəstəyi ilə iyulun 13-dən 15-ə kimi teatrımızda gənc aktyorlar üçün 3 günlük ustad dərsləri keçirilmişdir. "Stanislavski sisteminin psixofizik etapları" mövzusunda reallaşan məşğələləri Boris Şukin adına Moskva Teatr Akademiyasının məzunu, S.Vurğun adına Azərbaycan Dövlət Akademik Rus Dram Teatrının aktyoru Abdulla Elşadlı aparmışdır.
Əlavə edim ki, bu ilin dekabrında İran İslam Respublikasının paytaxtı Tehran şəhərində "Sahibdelan" Beynəlxalq Teatr Festivalının keçirilməsi nəzərdə tutulmuşdur. Bu nüfuzlu sənət yarışmasına biz A.Sadıqovun "Haqqın 44 günü" tamaşası ilə qatılacağıq.
Müəyyən problemlərimiz də mövcuddur. Belə ki, teatrımızın binası sonuncu dəfə 2004-cü ildə əsaslı təmir olunduğundan bu gün artıq müasir tələblərə cavab vermir. Teatrda işıq, radio, kompüter sistemi yüksək səviyyədə olmalıdır ki, tamaşanın keyfiyyətinə müsbət təsirini göstərə bilsin.
Bütün bunlara baxmayaraq, potensial imkanlarımızdan maksimum istifadə edəcəyik.
Tofiq HEYDƏROV,
Lənkəran Dövlət Dram Teatrının direktoru
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Netanyahu HƏMAS-ın “strateji aktivlərinə” həbs qoyulduğunu açıqlayıb
28 Mart
Rusiya XİN başçısı: Məhz KTMT İrəvanın maraqlarını çətin vəziyyətlərdə müdafiə edib...
28 Mart
ABŞ Konqresi Pentaqonun Afrikadakı dövlət çevrilişlərinə görə hesabat tələb edib
28 Mart
Azərbaycan boksçuları Bakıdakı beynəlxalq turnirdə 21 medal qazanıb
28 Mart
Lavrov: Ermənistan uydurma bəhanələrlə Rusiya ilə münasibətlərin pozulmasına çalışır
28 Mart
FTX terror aktının təşkilində şübhəli bilinən ukraynalını saxlayıb
28 Mart
BMT “İl-76” təyyarəsinin qəzaya uğraması ilə bağlı hesabat dərc edib
28 Mart
ABŞ Konqresinin nümayəndə heyəti Ankarada “F-16” tədarükü mövzusunu müzakirə edəcək
28 Mart
Gürcüstanın Baş naziri ölkə müsəlmanları üçün iftar süfrəsi təşkil edib
28 Mart
Naxçıvandan Qarabağa yollanan şəhid ailələri Füzuli rayonunda olublar
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!