24 Noyabr 2023 15:59
1104
PARLAMENT
A- A+

Milli Məclisin sədri ölkəmizdə yeni təyin olunmuş səfirlərlə görüşüb

 

Milli Məclisin sədri Sahibə Qafarova İordaniyanın Azərbaycandakı yeni səfiri Ömər Barakat Əl-Nahar ilə görüşüb.

Parlamentin Mətbuat və ictimaiyyətlə əlaqələr şöbəsindən AZƏRTAC-a bildirilib ki, S.Qafarova ölkəmizdə diplomatik fəaliyyətə başlaması münasibətilə səfiri təbrik edib, onun fəaliyyəti dövründə ikitərəfli münasibətlərin daha da inkişaf edəcəyinə inamını bildirib.

Azərbaycan ilə İordaniyanın iki dost və qardaş ölkələr olduğunu deyən Sahibə Qafarova ikitərəfli münasibətlərin yüksək səviyyədə olduğunu, hazırda müxtəlif sahələrdə əməkdaşlıq əlaqələrinin daha da inkişafı üçün yaxşı imkanların mövcudluğunu bildirib.

Parlamentlərarası münasibətlərin ölkələr arasında ikitərəfli və çoxtərəfli münasibətlərin vacib tərkib hissəsi olduğunu deyən Milli Məclisin sədri əlaqələrin mövcud səviyyəsini yüksək qiymətləndirib, münasibətlərin dərinləşməsində yüksək səviyyəli səfərlərin rolunu və dostluq qruplarının fəaliyyətini qeyd edib.

Sahibə Qafarova söhbət zamanı Azərbaycan torpaqlarının işğaldan azad olunmasından sonra regionda yaranmış yeni reallıqlardan danışıb.

Azərbaycana səfir təyin olunmasından məmnunluğunu ifadə edən Ömər Barakat Əl-Nahar ölkəmizdə diplomatik fəaliyyət göstərdiyi müddətdə ikitərəfli əlaqələrin daha da inkişafı üçün səylərini əsirgəməyəcəyini bildirib.

Görüşdə tərəfləri maraqlandıran digər mövzularda da fikir mübadiləsi aparılıb.

X X X

Milli Məclisin sədri Sahibə Qafarova noyabrın 24-də, həmçinin Xorvatiyanın yeni səfiri Branko Zebiçlə görüşüb.

Azərbaycanla Xorvatiyanı dostluq və qarşılıqlı faydalı əməkdaşlıq münasibətlərinin birləşdirdiyini deyən parlamentin sədri vurğulayıb ki, yüksək səviyyəli səfərlər və görüşlər ikitərəfli münasibətlərimizin inkişafında müstəsna rol oynayır.

Parlamentlərarası əlaqələrdən danışan Milli Məclisin sədri bu sahədə dostluq qruplarının fəaliyyətini xüsusi qeyd edib. O bildirib ki, Xorvatiya parlament nümayəndə heyətinin Azərbaycana səfəri və işğaldan azad edilmiş Ağdam şəhərini ziyarət etməsi ölkəmizdə yüksək qiymətləndirilir.

Söhbət zamanı Azərbaycanın sülh təşəbbüsləri, sülh prosesinin gedişi, ona mane olmağa çalışan qüvvələrin destruktiv fəaliyyəti və bölgədəki mövcud vəziyyət barədə fikir mübadiləsi aparılıb.

Səfir Branko Zebiç öz növbəsində qeyd edib ki, 1995-ci ildə ölkələrimiz arasında diplomatik münasibətlərin qurulmasından ötən dövr ərzində münasibətlərimiz inkişaf edib. Bu gün müxtəlif sahələrdə əməkdaşlığın daha da möhkəmləndirilməsi üçün bir çox imkanlar var.

Parlamentlərarası əlaqələrdən danışan diplomat diqqətə çatdırıb ki, ölkələrimizin parlament nümayəndə heyətləri AŞPA, Parlamentlərarası İttifaq, ATƏT PA, NATO PA və digər beynəlxalq parlament təşkilatları çərçivəsində səmimi dialoq aparırlar.

Söhbət zamanı iqtisadi, humanitar sahələrdə əməkdaşlıq, mədəniyyət sahəsində qarşılıqlı tədbirlərin əhəmiyyəti və digər mövzular müzakirə olunub.

X X X

Milli Məclisin sədri Sahibə Qafarova noyabrın 24-də Yunanıstanın Azərbaycandakı yeni səfiri Xristos Kapodistrias ilə də görüşüb.

Parlamentin sədri onu ölkəmizdə səfir kimi işə başlaması münasibətilə təbrik edib və gələcək fəaliyyətində müvəffəqiyyətlər arzulayıb. O, ötən il ölkələrimiz arasında diplomatik münasibətlərin qurulmasının 30 illiyinin qeyd olunduğunu deyib. Parlamentin sədri bildirib ki, hər iki ölkənin dövlət başçılarının görüşləri, aparılan danışıqlar əlaqələrin inkişafında mühüm əhəmiyyət kəsb edir.

Sahibə Qafarova parlamentlərarası əlaqələrin ölkələr arasında ikitərəfli və çoxtərəfli münasibətlərin vacib komponentlərindən biri olduğunu bildirib. O, qanunverici orqanlar arasında əməkdaşlığın genişləndirilməsində dostluq qruplarının fəaliyyətinin önəmindən danışıb, parlament nümayəndə heyətlərinin qarşılıqlı səfərlərinin əlaqələrin inkişafına xidmət etdiyini deyib. Sahibə Qafarova deputatların beynəlxalq parlament qurumlarında əməkdaşlığının əhəmiyyətindən də söhbət açıb.

O, eyni zamanda, səfiri regiondakı mövcud vəziyyət, Azərbaycanın sülhün və sabitliyin təmin olunmasında göstərdiyi səylər, Ermənistanın dezinformasiya xarakterli fəaliyyəti haqqında məlumatlandırıb.

Səfir Xristos Kapodistrias Yunanıstanın Azərbaycanla münasibətlərin inkişafında maraqlı olduğunu deyib. Eyni zamanda, ölkələrimiz arasında müxtəlif sahələrdə əlaqələrin genişləndirilməsi üçün geniş potensialın olduğunu bildirib. Diplomat parlamentlərarası əlaqələrin daha da möhkəmləndirilməsinin vacibliyindən danışıb. O, öz fəaliyyətində iki ölkə arasında münasibətlərin inkişafı istiqamətində səylərini əsirgəməyəcəyini qeyd edib.

Görüşdə ikitərəfli əlaqələrin genişləndirilməsi və digər qarşılıqlı maraq doğuran məsələlər müzakirə olunub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video