İrəvan Dövlət Azərbaycan Dram Teatrında yeni tamaşa
Cəfər Cabbarlı adına İrəvan Dövlət Azərbaycan Dram Teatrı "Heydər Əliyev İli" çərçivəsində "Heydər Əliyev zirvəsi" layihəsi ilə respublika miqyaslı qastrol səfərlərinə start verib. Xatırladaq ki, səfər Mədəniyyət Nazirliyinin dəstəyi, regional mədəniyyət idarələrinin təşkilatçılığı ilə həyata keçirilir.
Qocaman sənət ocağı səfərə şair-dramaturq İftixarın "Nurlu ömrün anları" mənzum tamaşasının nümayişi ilə 22 may tarixində Oğuz rayonundan başlamışdır. Qastrol səfərinin iki mərhələdə həyata keçirilməsi planlaşdırılmışdır. Səfərin birinci mərhələsi Şəki, Bərdə, Ağdaş, İsmayıllı, Kürdəmir, Oğuz, Zaqatala, Qax, Mingəçevir, Yevlax, Tərtər, Göyçay, Ucar, Zərdab, Şamaxı, Ağsu, Qəbələ, İmişli, Beyləqan, Füzuli, Abşeron rayonlarını və Sumqayıt şəhərini əhatə edir. İkinci mərhələ isə digər regional mədəniyyət idarələrinə daxil olan rayonlarda davam etdiriləcəkdir.
Teatrın bədii rəhbəri İftixar Piriyevlə söhbət zamanı bildirdi: "Məqsədimiz - "Heydər Əliyev İli" münasibətilə Ümummilli Liderin milli məfkurəmizə verdiyi sağlam ideologiyanın böyük uğurlarının təbliğini həyata keçirməkdir. Çalışırıq ki, bu kontekstdə vətənpərvərlik ruhunun geniş vüsət almasına rəvac olaq, eyni zamanda ümumrespublika miqyasında "Heydər Əliyev zirvəsi"nə xalq məhəbbətinin bir daha canlı seyirçisinə çevrilək. Tamaşada Heydər Əliyevin fenomenal cəhətləri bədii ifadə vasitəsilə canlı şəkildə tərənnüm olunur. Ulu Öndərin həm insan, həm dövlət xadimi, siyasi fenomen obrazı, həm də xalqına, vətəninə, vətəndaşına, dövlətinə olan əvəzsiz sevgisi, məhəbbəti poeziyanın və teatr sənətinin ecazkar qüvvəsi ilə canlandırılır".
İ.Piriyev onu da qeyd etdi ki, elə ilk gündən uğurla keçən, məhəbbətlə qarşılanan ilk tamaşamızın nümayişindən etibarən vətəndaşlarımızın Ulu Öndərə olan sönməz sevgisinin gözəl anlarını yaşayırıq. Ümummilli Liderin ömrünün ən parlaq anlarının təcəssümünü sürəkli alqışlarla qarşılayan tamaşaçılarımızla "Heydər - Xalq, Xalq - Heydər" tandeminin əyani nümunəsi çox canlı idi: "Bu mənzərə qürur hissimizi artırır. Biz bunu belə də gözləyirdik".
140 illiyini təntənəli şəkildə qeyd etməyə hazırlaşan C.Cabbarlı adına İrəvan Dövlət Azərbaycan Dram Teatrı Azərbaycan Teatr sənətinin 150 illiyi ərəfəsində öz sənət töhfələri ilə tamaşaçıları qarşısında müxtəlif layihələr həyata keçirmək niyyəti ilə əzmlə çalışıb yaradır və növbəti layihələrə hazırlaşır.
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
“Dəmiryol nəqliyyatı təyinatlı torpaqların sərhədlərinin kağız üzərində və elektron formada (ArcGİS ...
27 Aprel
Mərakeş Kralı COP29-a dəvət olunub
27 Aprel
"Ədibin evi"ndə Mir Cəlal Paşayevin 116 illik yubileyinə həsr olunmuş tədbir keçirilib
26 Aprel
Dmitri Savelyev: Cənubi Qafqazda sülhün və sabitliyin qorunması bütün Avrasiya üçün qlobal təhlükəsi...
26 Aprel
TBMM-in üzvü: Şuşa özünün dəyərləri və mədəniyyəti ilə çox fərqli bir yerdir
26 Aprel
Monteneqro Baş nazirinin müavini: Ölkələrimiz arasındakı əlaqələr strateji tərəfdaşlıq xarakteri daş...
26 Aprel
Qırğız Mədəniyyəti Günlərinin bağlanış mərasimi keçirilib
26 Aprel
Almaniyadakı Azərbaycan diasporunun üzvləri Prezident İlham Əliyevi böyük coşqu ilə qarşılayıblar...
26 Aprel
Azərbaycan və Monteneqro parlamentləri arasında əlaqələr müzakirə olunub
26 Aprel
Hidayət Heydərov dördqat Avropa çempionu olub
26 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!