02 Iyul 2022 21:43
779
Səhiyyə
A- A+

Giləmeyvələr uzun və sağlam ömür mənbəyidir

 

Giləmeyvələr yaşla bağlı bir sıra ciddi xəstəliklərə tutulma riskini azaldır, qanın tərkibində xolesterinin səviyyəsini azaltmağa kömək edir, ömrü uzadır. Müəyyən miqdarda giləmeyvələr və meyvələr sağlam qidalanma baxımından gündəlik qida rasionunun tərkib hissəsi olmalıdır.

Mütəxəssislərin fikrincə, giləmeyvələr beynin fəaliyyətini yaxşılaşdırır, qanda xolesterini və şəkərin səviyyəsini aşağı salır, hətta xərçəng xəstəliyindən qoruyur.

AZƏRTAC “Nutrients” jurnalına istinadla giləmeyvələrin faydası barədə söhbət açır.

Bağ çiyələyi orqanizmi insanın ömrünü qısalda bilən arterial təzyiqin və xolesterinin yüksək səviyyəsi, xərçəng xəstəliyinin inkişafına meyillilik kimi vəziyyətlərdən qoruyur.

Heyvanlar üzərində aparılmış tədqiqatlar nəticəsində məlum olub ki, bağ çiyələyinin tərkibində olan qidalı maddələrin və polifenonların geniş spektri xərçəng hüceyrələrinin böyüməsini dayandırır. Onun tərkibindəki antioksidantlar ürək xəstəliklərinin əsas səbəbləri olan qıcqırma stresindən və iltihabdan qoruyur.

Qida rasionunda bağ çiyələyi və qaragilə olan qadınların ürək xəstəliyinə tutulması hallarına bu giləmeyvələrdən imtina edənlərlə müqayisədə 34 faiz az rast gəlinir.

Bağ çiyələyi kimi, qaragilənin də tərkibində olan antioksidantlar DNT-lərin zədələnməsinə qarşı mübarizə aparmağa kömək edən və beyin hüceyrələrinin yaşla əlaqədar zədələnməsini ləngidən spesifik flavonoid mollekullardır. Qaragilə həm də xolesterinin səviyyəsini təbii şəkildə azaltmaq qabiliyyətinə malikdir. Bu, onun tərkibində çoxlu miqdarda həll olunan sellüloz olması ilə bağlıdır. Həll olunan sellüloz bağırsaqda öd ilə reaksiyaya girərək xolesterinin azalmasına və ödün ifrazına kömək edir.

Moruq da sellülozun əla mənbəyidir. O, metabolizmi sürətləndirməyə kömək edir. Moruq qarının üzərində yığılan visteral piyi yandırmaq üçün səmərəli vasitədir. Siçanlar üzərində aparılmış eksperimentlər göstərib ki, moruğun tərkibində olan keton maddəsi metabolizmi sürətləndirir, qarın nahiyəsində daxili piyin parçalanmasını sürətləndirir.

Tədqiqatçıların fikrincə, giləmeyvələr qocalmaqda olan beyin üçün də faydalıdır. Onlar demensiya riskini, daha konkret desək, Altsheymer xəstəliyinə tutulmaq riskini azaldır. Toplanmış elmi məlumatlar göstərir ki, qida rasionuna qaragilə, böyürtkən və digər giləmeyvələrin daxil edilməsi yaşla əlaqədar yaddaş itkisinin qarşısını almağa kömək edə bilər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video