Energetika naziri “Berlin Enerji Keçidi Dialoqu” konfransı çərçivəsində bir sıra ikitərəfli görüşlər keçirib
Almaniyada “Berlin Enerji Keçidi Dialoqu” konfransı çərçivəsində energetika naziri Pərviz Şahbazov bir sıra ikitərəfli görüşlər keçirib.
Energetika Nazirliyindən AZƏRTAC-a bildirilib ki, Almaniyanın İqtisadi Məsələlər və İqlim Fəaliyyəti üzrə Federal Nazirliyinin dövlət katibi Anja Hajduk ilə görüşdə enerji təhlükəsizliyi ilə bağlı reallıqların Cənub Qaz Dəhlizinin ötürücülük gücünün artırılmasını aktuallaşdırdığı, Avropa İttifaqı ilə yenilənmiş strateji enerji tərəfdaşlığı çərçivəsində layihənin inkişafının dəstəkləndiyi qeyd edilib. 2027-ci ilədək dəhlizin genişləndirilməsi ilə əlaqədar proseslərin sürətləndirilməsinin və maraqlı tərəflərin səylərinin gücləndirilməsinin vacibliyi vurğulanıb. Azərbaycanın xarici investorlar ilə 2030-cu ilədək reallaşdıracağı “yaşıl enerji” layihələri və Xəzər dənizinin külək enerjisinin Avropaya ötürülməsi üçün Azərbaycan, Gürcüstan, Rumıniya və Macarıstanla birgə əməkdaşlıq məsələləri nəzərdən keçirilib.
İsrailin Energetika Nazirliyinin baş direktoru Yaakov Blitshtein ilə görüşdə isə hər iki ölkənin təbii qaz və “yaşıl enerji”nin istehsalı və Avropaya ixracı ilə bağlı inkişaf planlarına dair fikir mübadiləsi aparılıb. İsrailin neft idxalında əhəmiyyətli mövqeyə malik ölkəmizlə enerji əməkdaşlığının inkişafı üçün prioritet istiqamətlərdən bəhs edilib. İsrailin ekoloji təmiz enerji texnologiyaları sahəsində ixtisaslaşmış şirkətləri Azərbaycanla əməkdaşlığa dəvət edilib.
Tədbir çərçivəsində energetika nazirinin Moldovanın energetika nazirinin müavini Karolina Novak ilə də görüşü olub. Söhbət zamanı iki ölkə arasında enerji əməkdaşlığının perspektivləri, Aİ ilə enerji dialoqu məsələləri ətrafında fikir mübadiləsi aparılıb.
“Uniper” şirkətinin vitse-prezidenti Michael Hilmer ilə görüşdə isə qaz təchizatı, enerji səmərəliliyi və bərpa olunan enerji sahəsində əməkdaşlıq məsələləri müzakirə edilib. Şirkətlə mövcud əməkdaşlıq əlaqələrindən məmnunluq ifadə olunub. 2045-ci ilə qədər Azərbaycan qazının əsas alıcılarından biri olan “Uniper” şirkətinin Cənub Qaz Dəhlizinin genişləndirilməsi və bu marşrutla qaz tədarükünün artırılmasında, həmçinin yaşıl enerji və yaşıl hidrogen üzrə əməkdaşlıqda maraqlı olduğu qeyd edilib.
Nazir Pərviz Şahbazov həmçinin “Siemens Energy” şirkətinin baş vitse-prezidenti Ariel Porat ilə də görüşüb. Yaşma ərazisində tikintisi nəzərdə tutulan qoyuluş gücü 500 MVt olan qaz-turbinin elektrik stansiyası layihəsi və Azərbaycanda istehsal olunan yaşıl elektrik enerjisinin Avropa istiqamətində ötürülməsində əməkdaşlıq imkanları müzakirə edilib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Hikmət Hacıyev: COP29 Azərbaycanın qətiyyətini, diplomatik və siyasi cəsarətini nümayiş etdirir...
28 Mart
Netanyahu HƏMAS-ın “strateji aktivlərinə” həbs qoyulduğunu açıqlayıb
28 Mart
Rusiya XİN başçısı: Məhz KTMT İrəvanın maraqlarını çətin vəziyyətlərdə müdafiə edib...
28 Mart
ABŞ Konqresi Pentaqonun Afrikadakı dövlət çevrilişlərinə görə hesabat tələb edib
28 Mart
Azərbaycan boksçuları Bakıdakı beynəlxalq turnirdə 21 medal qazanıb
28 Mart
Lavrov: Ermənistan uydurma bəhanələrlə Rusiya ilə münasibətlərin pozulmasına çalışır
28 Mart
FTX terror aktının təşkilində şübhəli bilinən ukraynalını saxlayıb
28 Mart
BMT “İl-76” təyyarəsinin qəzaya uğraması ilə bağlı hesabat dərc edib
28 Mart
ABŞ Konqresinin nümayəndə heyəti Ankarada “F-16” tədarükü mövzusunu müzakirə edəcək
28 Mart
Gürcüstanın Baş naziri ölkə müsəlmanları üçün iftar süfrəsi təşkil edib
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!