28 Mart 2023 21:38
411
İQTİSADİYYAT
A- A+

BP və ADNOC İsrailin qaz şirkətinin səhmlərinin 50 faizini almaq üçün 4 milyard dollar təklif edib  

 

İsrailin “NewMed” enerji şirkəti bildirib ki, neft-qaz nəhəngləri “British Petroleum” (BP) və Əbu-Dabi Milli Neft Şirkəti (ADNOC) onun səhmlərinin yarısını almaq üçün birlikdə 4 milyard dollar təklif edib.

AZƏRTAC İsrail KİV-ə istinadla xəbər verir ki, ADNOC kompaniyasının bu təklifdə iştirakı 2020-ci ildə İsrail və BƏƏ arasında diplomatik münasibətlərin qurulması və keçən il imzalanan azad ticarət sazişindən sonra yeni bir əməkdaşlıq nümunəsidir.

İsrailin Leviathan dəniz qaz yatağının 45 faizinə sahib olan “NewMed” şirkəti bazar ertəsi "məcburi olmayan indikativ təklifin" alındığını və sövdələşməni araşdırmaq üçün audit komitəsi təyin etdiyini bildirib. Səhmlərin nağd satışı “NewMed”in törəmə şirkəti olan “Delek”i də əhatə edə bilər.

BP isə bildirib ki, “ADNOC ilə birlikdə “NewMed Energy” şirkətinin sərbəst dövriyyəsinin alınması və “Delek”in payının qismən əldə edilməsi yolu ilə özəlləşdirməyə dair qeyri-məcburi təklif irəli sürüb. Bu, BP və ADNOC-un İsrail şirkətinin səhmlərinin 50 faizinə sahib olması ilə nəticələnəcək".

Britaniya kompaniyasının bəyanatında deyilir ki, sövdələşmə BP və ADNOC-un “qarşılıqlı maraq doğuran beynəlxalq sahələrdə, o cümlədən Şərqi Aralıq dənizində qazın işlənməsinə yönələcək yeni birgə müəssisə yaratmaq niyyətində ilk mühüm addım olacaq”.

“NewMed” şirkətinin baş direktoru Yossi Abu bu təklifin son illərdə regionun enerji şirkətləri ilə qurulan münasibətlərin və körpülərin nəticəsi olduğunu söyləyib. O əlavə edib ki, bu, həm də "ümumiyyətlə İsrailin qaz bazarı, xüsusən də “NewMed Energy”nin biznesi və aktivləri üçün mühüm etimad göstəricisidir.

2010-cu ildə Aralıq dənizinin liman şəhəri Hayfadan 130 kilometr qərbdə kəşf edilən Leviathan qaz yatağında 34,1 milyon barel kondensatla birlikdə 605 milyard kubmetr təbii qaz ehtiyatı olduğu bildirilir. Burada hasilata 2019-cu ilin dekabrında başlanılıb. Yataq qazın bir hissəsini istifadə edən İsrailə boru kəməri ilə bağlıdır, qalan hissəsi isə qonşu Misir və İordaniyaya ixrac olunur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video