Bilik Fondunda könüllülərin yeni klubu yaradılıb
Azərbaycan Respublikasının Prezidenti yanında Bilik Fondunun könüllülərdən ibarət növbəti klubu təsis olunub.
Fonddan AZƏRTAC-a bildiriblər ki, bu qurumun beynəlxalq layihələr sektorunun nəzdində fəaliyyət göstərəcək “Diplomatlar” klubu müxtəlif universitetlərin tələbələrinin, gənc mütəxəssislərin çoxlu sayda müraciətləri əsasında yaradılıb. Müraciətlərdə qeyd olunur ki, gənclər Azərbaycanla xarici ölkələr arasında elm, təhsil, mədəniyyət sahələrində əməkdaşlığın daha da genişləndirilməsi, dövlət siyasətinin beynəlxalq aləmə dolğun və obyektiv çatdırılması işində fəal iştirak etmək istəyirlər. Bilik Fondunun rəhbərliyi onların təkliflərini müsbət dəyərləndirib, klubun “Diplomatlar” adı altında fəaliyyət göstərməsi barədə qərar verib.
Əsasən universitetlərin beynəlxalq münasibətlər sahəsində ixtisaslı kadr hazırlığını həyata keçirən fakültələrində təhsil alan tələbələrin cəlb olunduğu klubun üzvləri Bilik Fondunun icraçı direktoru Oqtay Səmədovla görüşüblər. Görüşdə "Diplomatlar" klubunun təsis edildiyi elan olunub, klubun fəaliyyətinin perspektivləri barədə fikir mübadiləsi aparılıb.
O.Səmədov tələbələrə fondun layihələri haqqında ətraflı məlumat verdikdən sonra klubun fəaliyyət dairəsi, strategiyası, məqsəd və məramı ətrafında fikir mübadiləsi aparılıb.
İcraçı direktor fondun ölkədaxili layihələr sektoru nəzdində "Tariximizi öyrənək və öyrədək" Gənclər Klubunun, informasiya təminatı sektoru nəzdində "Gənc jurnalistlər" klubunun fəaliyyət göstərdiyini xatırladıb, bu klubların gördüyü işlərdən danışıb.
Görüşdə vurğulanıb ki, "Diplomatlar" klubu gənclərin ictimai-siyasi fəallığının artırılması, dünyagörüşlərinin genişləndirilməsi, beynəlxalq nüfuzu daim artan dövlətimizin dünya siyasi arenasında yeri və rolunun təbliği, xarici ölkələrin, beynəlxalq təşkilatların ölkəmizdəki təmsilçiləri, diplomatik nümayəndəliklərin rəhbərləri ilə görüşlərin keçirilməsi, tanınmış azərbaycanlı diplomatların təcrübəsinin öyrənilməsi, beynəlxalq münasibətlərin aktual problemləri ətrafında mütəxəssislərin iştirakı ilə müzakirə və “dəyirmi masa”ların, gənclər arasında intellektual müsabiqələrin təşkili məqsədilə yaradılıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Ülviyyə Fətəliyeva Avropa çempionu oldu
29 Aprel
Geomaqnit sahəsi qeyri-stabil olacaq
29 Aprel
“Google Play Market”də yeni funksiya istifadəyə verilir
29 Aprel
Çağrı mərkəzlərində süni zəka dövrü başlayır
29 Aprel
Jerar Depardye Parisdə saxlanılıb
29 Aprel
Azərbaycanlı mütəxəssis Avropa Gimnastikasının İtaliyadakı tədbirində iştirak edib
29 Aprel
Ukraynalı deputat: Ruben Vardanyanın Nobel Sülh Mükafatına namizədliyinin irəli sürülməsi qəbuledilm...
29 Aprel
BMTİP ilə bərpa olunan enerjidən istifadə etməklə mərkəzləşdirilmiş istilik təchizatının qurulması m...
29 Aprel
Azərbaycan Respublikası Baş nazirinin müavini Şahin Mustafayevin Xidmətinin məlumatı
29 Aprel
Baş prokuror TİHEK-in rəhbəri ilə əməkdaşlıq istiqamətləri barədə fikir mübadiləsi aparıb...
29 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!