02 Dekabr 2023 17:14
659
İDMAN
A- A+

Bakıda hərbçilər arasında güləş üzrə dünya çempionatına yekun vurulub

 

Dövlət Sərhəd Xidməti və Gənclər və İdman Nazirliyinin təşkilatçılığı ilə “Sərhədçi” İdman Olimpiya Mərkəzində hərbçilər arasında keçirilən güləş üzrə 36-cı dünya çempionatının bağlanış mərasimi olub.

AZƏRTAC xəbər verir ki, Beynəlxalq Hərbi İdman Şurasının rəhbərliyi, yüksəkrütbəli hərbçilər və beynəlxalq idman aləminin tanınmış simalarının iştirak etdiyi tədbirdə əvvəlcə hərbçilərin paradı təşkil olunub.

Mərasimdə çıxış edən Beynəlxalq Hərbi İdman Şurasının Avropa üzrə vitse-prezidenti Dirk Şvede yarışda 18 ölkə arasında dostluğun nümayiş olunduğunu bildirib. Onun sözlərinə görə, bütün idmançılar qələbə əzmi göstərdilər və son ana kimi mübarizə apardılar.

Dövlət Sərhəd Xidməti rəisinin müavini general-leytenant Abbas Xəlilov Azərbaycanın bu vaxta kimi bir çox nüfuzlu yarışa ev sahibliyi etdiyini xatırladıb. O, Prezident İlham Əliyevin həyata keçirdiyi uğurlu idman siyasəti nəticəsində Azərbaycanın dünyada idman ölkəsi kimi tanındığını vurğulayıb. A. Xəlilov Azərbaycan Güləş Federasiyasına, Gənclər və İdman Nazirliyinə, eləcə də media nümayəndələrinə təşəkkürünü bildirib, uğur qazanan idmançıları isə təbrik edib.

Ardınca Dövlət Sərhəd Xidmətinin polkovniki Firdovsi Umudov, və "Sərhədçi" İdman Mərkəzinin rəisi, təşkilat komitəsinin nümayəndəsi polkovnik Elşən Mirzəyev Beynəlxalq Hərbi İdman Şurası tərəfindən ordenlə təltif olunublar. Beynəlxalq hakimlərə isə sertifikat və diplomlar təqdim edilib.

Təltifetmədən sonra Azərbaycanda güləş sahəsində qazanılan uğurları əks etdirən videoçarx nümayiş olunub. Bununla da dünya çempionatı rəsmən başa çatıb.

Qeyd edək ki, Azərbaycan güləşçiləri dünya çempionatını 21 medalla başa vurublar.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video