Azərbaycanla Türkiyə hər zaman bir-birinin yanındadır
Noyabrın 2-də Milli Məclisin Sədri Oqtay Əsədov Azərbaycanda səfərdə olan Türkiyə Respublikasının ədliyyə naziri Sadullah Erginin başçılıq etdiyi nümayəndə heyəti ilə görüşdü. Qonaqları salamlayan Oqtay Əsədov ortaq mədəni və mənəvi dəyərləri olan Azərbaycan və Türkiyənin əlaqələrinin bütün sahələrdə yüksək olduğunu bildirdi. Qeyd etdi ki, bu səfər ölkələrimiz arasında ədliyyə sahəsində əməkdaşlığın daha da inkişafına töhfə verəcək.
Türkiyənin Van vilayətində baş verən zəlzələ ilə bağlı Oqtay Əsədov dedi ki, Türkiyənin üzüntüsü Azərbaycanın üzüntüsüdür. Milli Məclisin Sədri zəlzələ nəticəsində həlak olanların ailələrinə başsağlığı verdi, onlara səbir, yaralılara şəfa dilədi.
Görüş üçün təşəkkürünü bildirən Türkiyənin ədliyyə naziri Sadullah Ergin Azərbaycanın dövlət müstəqilliyinin bərpasının 20-ci ildönümü və ölkəmizin BMT Təhlükəsizlik Şurasına üzv qəbul olunması münasibəti ilə təbriklərini çatdırdı. O, Azərbaycanın BMT TŞ-yə üzvlüyünün həm də Türkiyənin nailiyyəti olduğunu dedi. Qonaq Vanda baş verən zəlzələ ilə əlaqədar Azərbaycanın göstərdiyi köməyə görə təşəkkürünü bildirərək Azərbaycan və Türkiyənin həm yaxşı, həm də ağır gündə bir yerdə olduğunu qeyd etdi. Sadullah Ergin Azərbaycanın qısa dövr ərzində nail olduğu inkişafı yüksək qiymətləndirdi, respublikamızın Cənubi Qafqazın ən mühüm dövləti olduğunu dedi.
Görüşdə qarşılıqlı maraq doğuran digər məsələlər də müzakirə olundu.
"Azərbaycan",
Foto F.Bağırovundur
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Qırğızıstan Azərbaycandan elektrik enerjisi idxal etməyi planlaşdırır
29 Aprel
Türkiyə səhm bazarı tarixi maksimuma yüksəlib
29 Aprel
Oğuz sakininin kreativ əl işi - dağ ətəyində kiçik “ayı mağarası” - FOTO
29 Aprel
Rusiyalılar may bayramlarında əsasən Türkiyə və Azərbaycana səfər edəcəklər
29 Aprel
Fövqəladə hallar zamanı Azərbaycan və Türkiyənin müvafiq qurumlarının aviasiya qüvvələrinin birgə fə...
29 Aprel
COP25-in vitse-prezidenti: Qarabağ və Şərqi Zəngəzur xalis sıfır emissiya zonasına çevrilə bilər – M...
29 Aprel
İtaliya portalı: Azərbaycan Avropanın qaz bazarını fəth edir
29 Aprel
Keniyada bəndin dağılması nəticəsində 42 nəfər həyatını itirib
29 Aprel
Akademik Zərifə Əliyevanın anadan olmasının 101 illiyi münasibətilə beynəlxalq elmi-praktik konfrans...
29 Aprel
Geomaqnit sahəsinin qeyri-stabil olacağı gözlənilir
29 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!