Tacikistanın paytaxtı Düşənbədə keçirilən MDB Dövlət Başçıları Şurasının məhdud tərkibdə iclası üzv dövlətlər arasında siyasi dialoqun, iqtisadi əməkdaşlığın və qarşılıqlı etimadın daha da möhkəmlənməsinə xidmət edən mühüm сийаси щадися кими yadda qalдı. Oktyabrın 10-da keçirilən bu mötəbər tədbir regionun gələcək təhlükəsizlik arxitekturası və birgə fəaliyyət istiqamətlərinin müzakirəsi baxımından əlamətdar hadisə olдu. Азярбайъан Prezidentи İlham Əliyev çıxışında yeni əməkdaşlıq imkanlarınы və humanitar sahədə reallaşan təşəbbüsləri diqqətə çatdırдı.
Müstəqil Dövlətlər Birliyi postsovet məkanında sabitlik, qarşılıqlı anlaşma və tərəfdaşlıq mühitinin qorunmasında mühüm rol oynayır. MDB-nin formalaşmasından ötən illər ərzində bu birlik üzv dövlətlər arasında iqtisadi, siyasi və humanitar əlaqələrin genişlənməsi üçün səmərəli çərçivə yaradıb. Azərbaycanın həmin təşkilatdakı fəallığı, müstəqil dövlət kimi balanslı və konstruktiv siyasət yürütməsi ilə seçilir. Dövlətimizin başçısı Düşənbədəki çıxışında məhz sözügedən istiqamətin davamı olaraq, həm əməkdaşlıq, həm də qarşılıqlı hörmət prinsiplərinə əsaslanan münasibətlərin vacibliyini önə çəkir.
Azərbaycanın MDB çərçivəsində iştirakının əsas məqsədi birliyin iqtisadi və humanitar məkanında qarşılıqlı faydalı əlaqələri dərinləşdirmək, regionda təhlükəsizliyi və dayanıqlı inkişafı təmin etməkdir. Dövlətimiz bütün formatlarda bərabərhüquqlu tərəfdaşlıq, qarşılıqlı maraqların qorunması və regional sabitliyin möhkəmləndirilməsi prinsipinə sadiq qalır.
Prezident İlham Əliyevin çıxışında xüsusi vurğulanan məqamlardan biri Azərbaycan ilə Tacikistan arasında ikitərəfli əlaqələrin dinamik inkişafı olub. Son illərdə iki ölkə arasında siyasi dialoq, iqtisadi əməkdaşlıq və mədəni-humanitar əlaqələr ardıcıl şəkildə genişlənib. Bu münasibətlər qardaşlıq, dostluq və qarşılıqlı etimad prinsiplərinə əsaslanır və böyük potensiala malikdir. Tacikistan ilə Azərbaycan arasında həyata keçirilən layihələr ticarət dövriyyəsinin artırılması, energetika, nəqliyyat və informasiya texnologiyaları sahəsində əməkdaşlığın dərinləşməsi istiqamətində mühüm nəticələr doğurur. Düşənbə görüşü iki dövlət arasında strateji tərəfdaşlıq xəttinin daha da gücləndirilməsi baxımından önəmli mərhələ kimi dəyərləndirilir.
Prezident İlham Əliyev çıxışında Laçın şəhərinin cari il MDB-nin mədəniyyət paytaxtı kimi seçilməsinə dair minnətdarlıq ifadə olunması həm simvolik, həm də siyasi baxımdan əhəmiyyət daşıyır. Dövlətimizin başçısı MDB liderlərinə bu qərarı dəstəklədiklərinə görə təşəkkürünü bildirib.
Laçın işğaldan azad edildikdən sonra qısa müddət ərzində dirçəliş və yenidənqurma prosesinin bariz nümunəsinə çevrilib. Cari ilin iyun ayında keçirilən “MDB-nin mədəniyyət paytaxtı İli”nin açılış mərasimi şəhərin qədim tarixini, zəngin mədəni irsini və müasir simasını bir daha nümayiş etdirib. Tədbir iştirakçıları Laçının necə sürətlə yenidən qurulduğunun, tamamilə dağıdılmış bir şəhərin qısa müddətdə yaşayış üçün ən gözəl məkanlardan birinə çevrildiyinin canlı şahidi olublar. Bu əlamətdar hadisə Azərbaycanın müasir bərpa siyasəti, planlı yanaşması və milli irsə hörmət prinsiplərinin parlaq təzahürüdür.
Düşənbə iclasında vurğulanan digər bir mühüm məqam sentyabrın 28-dən oktyabrın 8-dək Gəncə şəhərində keçirilən III MDB Oyunları ilə bağlı idi. Bu nüfuzlu tədbir MDB çərçivəsində humanitar əməkdaşlığın, dostluğun və qarşılıqlı anlaşmanın güclənməsinə xidmət edən nüfuzlu idman platforması kimi diqqət çəkir. Gəncə ilə yanaşı, Qəbələ, Göygöl, Yevlax, Mingəçevir, Xankəndi və Şəki şəhərlərində 13 ölkədən 1600-dən çox idmançının iştirakı ilə keçirilən yarışlar MDB məkanında birliyin təntənəsinə çevrilib. Bu Oyunlar bir tərəfdən xalqlar arasında mədəni yaxınlaşmanı dərinləşdirir, digər tərəfdən də gənclərin sağlam ruhda formalaşmasına, ortaq dəyərlərin təbliğinə mühüm töhfə verib.
Düşənbə sammitində səslənən fikirlər göstərir ki, MDB regionda qarşılıqlı anlaşma, təhlükəsizlik və iqtisadi tərəfdaşlıq üçün mühüm mexanizm olaraq qalır. Bu platformada Azərbaycanın fəal iştirakı, balanslı mövqeyi və təşəbbüskar fəaliyyəti birliyin gələcək inkişafında əhəmiyyətli yer tutur. Prezident İlham Əliyevin çıxışında vurğulanan strateji istiqamətlər – humanitar əməkdaşlığın genişləndirilməsi, mədəni irsin qorunması, idman və təhsil sahəsində birgə təşəbbüslərin dəstəklənməsi MDB-nin qarşıdakı illərdə fəaliyyətinin əsas vektorlarını müəyyənləşdirir.
MDB Dövlət Başçıları Şurasının iclası bir daha təsdiqlədi ki, MDB dövlətləri ortaq tarixi, mədəni dəyərləri və qarşılıqlı maraqları paylaşan tərəfdaşlardır. Azərbaycan bu birliyin səmərəli fəaliyyətində aparıcı mövqeyini qoruyur, regional sabitlik və əməkdaşlığa yönəlmiş siyasəti ilə həm təşkilat daxilində, həm də beynəlxalq səviyyədə etibarlı tərəfdaş statusunu möhkəmləndirir.
Mahir SÜLEYMANLI,
Milli Məclisin deputatı
