14 Mart 2024 09:25
7358
Oxucu məktubları
A- A+

Aranın yoluna baxan yoxdur

 

Yaşadığımız Aran qəsəbəsi Yevlax rayonuna aid olan yaşayış massividir. Əvvəllər qəsəbəmiz  ərazi baxımından kiçik idi. Yeni tikilən evlər sayəsində bu gün qəsəbəmizdə minlərlə insan yaşayır. 
Mən magistral yolunun üstündə yerləşən bu qəsəbədə doğulub böyümüşəm. Əvvəllər iki ildən bir gəlib yolları təmir edir, su arxlarını təmizləyərdilər. Həmin dövrlərdə  yoldan keçən maşınlar dayanaraq müxtəlif alış-veriş də edərdilər ki, bu da bizim üçün əlavə qazanc demək idi. 90-cı illərdən başlayaraq təmir işləri beş ildən bir görülməyə başladı. Son on ildə isə bu yolların bir metri də təmir edilməyib. Əvəzində qəsəbənin girəcəyinə on il əvvəl istinad divarı çəkilib və o divardan içəridə heç bir iş görülməyib. Qəsəbənin girəcəyində iki şəhidimizin xatirə lövhəsi var. Onun ətrafını öz gücümüzə abadlaşdırmışıq. İçərilərə doğru ara yollar isə bataqlıqdan seçilmir. Hətta təcili tibbi yardım maşınları qəsəbənin çağırışlarına gəlməkdən imtina edir. Onları qınamırıq, çünki bir neçə dəfə gecə palçığın içində batıb qalıblar. İşıqlandırma sistemləri də köhnəldiyindən palçıqlı yollar gecələr zülmətə bürünür. 

İsmayıl GÜLMALIYEV,
Yevlax rayon Aran qəsəbə sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video