01 Aprel 2023 17:15
521
DÜNYA
A- A+

Alimlər səsdən sürətli yeni təyyarəyə aid kadrları göstəriblər

 

İsveçrənin “Destinus” startap şirkəti hidrogen enerjisi ilə işləyən mühərriklə təchiz olunmuş “Eiger” sərnişin təyyarəsi üzərində iş aparır. Yeni təyyarə Avropadan Avstraliyaya uçuş müddətini 20 saatdan 4 saata endirəcək.

AZƏRTAC xəbər verir ki, şirkət “Eiger”in prototipini iki il ərzində sınaqlardan keçirib və indi sınaq uçuşlarının uğurlu olmasını elan edib.

İspaniyanın Elm Nazirliyi bu yaxınlarda “Destinus” şirkətini strateji təşəbbüsdə iştirak etmək üçün seçib. Hidrogen enerjisi ilə işləyən səsdən sürətli təyyarələrin yaradılması ilə bağlı əlavə araşdırmalar aparılması üçün şirkətə pul ayrılıb.

Hazırda “Destinus” şirkəti İspaniyanın “ITP Aero” şirkəti ilə birlikdə hidrogen enerjisi ilə mühərriklərin sınaqdan keçirilməsi üçün obyekt yaradılması üzərində işləyir. İspaniya hökuməti Madrid yaxınlığında sınaq poliqonunun tikintisini maliyyələşdirmək üçün qrant ayırıb.

Hidrogen energetikası ekoloji baxımdan təmiz olduğuna görə onunla bağlı çoxlu tədqiqatlar aparılır. Hidrogenin yanmasının əsas məhsulları istilik və sudur. Melburndakı RMIT Universitetindən olan mütəxəssislər 3D printerində çap edilmiş katalizatorlar yaradıblar. Bu katalizatorlar səsdən beş dəfə artıq sürətli uçuşları təmin edir. Gələcəkdə belə sürətlə uçan təyyarələr sərnişinləri Londondan Nyu-Yorka cəmi 90 dəqiqəyə çatdıracaq.

“Destinus” şirkətinin nümayəndələrinin sözlərinə görə, yeni texnologiya sayəsində Frankfurtdan Sidneyə uçuş 4 saat 15 dəqiqə, Frankfurtdan Şanxaya uçuş isə cəmi 2 saat 45 dəqiqə vaxt tələb edəcək. Bu, müasir aviaşirkətlərin təklif etdiyindən 8 saat azdır. Sözügedən layihə müxtəlif sahələrdə tətbiq edilmək üçün hidrogenlə işləyən nəqliyyat vasitələrinin yaradılmasına və istehsalına yönəlmiş səylərin bir hissəsidir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video