ADA Universitetində dəyirmi masa: “Gələcəyin formalaşdırılması: strateji uzaqgörənlik”
Mayın 10-da ADA Universitetində “Gələcəyin formalaşdırılması: strateji uzaqgörənlik” mövzusunda dəyirmi masa keçirilib.
AZƏRTAC xəbər verir ki, dəyirmi masada İslam Dünyası Təhsil, Elm və Mədəniyyət Təşkilatının (ICESCO) Baş direktoru Salim bin Məhəmməd əl-Malik çıxış edib. ICESCO-nun Baş direktoru çıxışında süni intellektin inkişafının demoqrafik dəyişiklikləri və cəmiyyətin transformasiyanı daha da sürətləndirdiyini bildirib. O deyib: “Təkcə XXI əsrdə əldə olunmuş tərəqqi 40 min ildə nail olunmuş tərəqqiyə bərabər olacaq. 2022-ci il noyabrın 15-də dünya əhalisinin sayının rəsmi olaraq 8 milyardı keçməsi mühüm mərhələdir”.
ICESCO-nun Tərəfdaşlıq və beynəlxalq əməkdaşlıq sektorunun rəhbəri Anar Kərimov çıxışında qeyd edib ki, cəmiyyət texnologiyaların, ekoloji problemlərin və ya siyasi məsələlərin yaratdığı qlobal dəyişikliklərlə qarşılaşmağı öyrənməlidir. Bu baxımdan proqnozlaşdırıla bilən gələcək dövlət və özəl sektor üçün böyük əhəmiyyət kəsb edir.
Tədbirdə çıxış edən UNESCO-nun Gələcək tədqiqatları kafedrası, Tədqiqat və Texnologiya Fondunun - Hellas (FORTH) rəhbəri Epameinandaz Kristafilapulas bildirib ki, bu gün dünya bir çox problemlərlə qarşılaşır: “Biz xarici siyasətin fərqli ssenarilərdə vəziyyətdən çıxmağı üzrə işlər görürük, hətta test tipli proqramlar icad edirik”. O, süni intellektdən bəhs edib və artiq süni intellektin gündəlik həyatın ayrılmaz bir hissəsi olduğunu qeyd edib.
“Yaşıl Aysberq”in prezidenti, “Futures Diamond”un, CFI-nin direktoru Rafael Popper çıxışında bildirib ki, gələcək ilə əlaqəli proqnozlaşdırma zamanı bir çox dərin nüansları nəzərə almalıyıq: “Biz gələcək proqnozlar üçün 10 milyard avroluq büdcə ayırmışıq. Buna ChatGPT və hətta süni intellektdən istifadə daxildir.
İnnovasiyaların meta-analizini aparmaq əslində bir növ kömək olur. Bəli, süni intellekt artıq buradadır. Lakin düşünürəm ki, gələcəyimizi insan beyninin gücü ilə yaratmalıyıq. Çünki biz öz gələcəyimizi özümüz yaratmasaq bizim üçün başqaları bunu edəcək”.
Strateji Uzaqgörənlik Proqramının, Gələcək Təhsil və Tədqiqatlar Proqramının (FARAS) rəhbəri Mohamed Mosaad Saad Şaaban Mohamed çıxışında dünyada süni intellekt sahəsində nəhəng trendlərdən bəhs edib. Bu problemlər sırasında dünyanın bəzi yerlərində yaşlı nəslin sayının artmasını, digər hissələrində isə həddindən artıq artım olmasını, iqlim dəyişikliyini, innovasiyaların yalnız biznesin inkişafı üçün yaranmasını, texnologiyanın həyata müdaxiləsinı, qlobal sağlamlıq və s. məsələləri qeyd edib.
“PAŞA Holding” MMC-nin baş icraçı direktoru Cəlal Qasımov çıxışında texnologiyanın inkişafının cəmiyyət həyatının bir çox sahələrini inkişaf etdirdiyini söyləyib. Onun sözlərinə görə, bu gün bütün potensial risklər nəzərə alınarsa, gələcəyimiz daha uğurlu ola bilər.
Dəyirmi masada COP29 Azərbaycan üzrə baş icraçı direktor Elnur Soltanov respublikamızda bu tədbirə hazırlıqdan söz açıb. O bildirib ki, inkişaf etmiş və inkişaf etməkdə olan ölkələr arasında iqlim təhlükəsizliyi məsələlərində böyük debatlar var. Ən böyük fikir ayrılığı olan məsələlərdən biri isə enerji sahəsindədir.
BP-nin Xəzər regionunda kommunikasiya və xarici əlaqələr üzrə vitse-prezidenti Bəxtiyar Aslanbəyli çıxışında enerji keçidinin nə vaxt yaşanacağı barəsində fikir ayrılıqlarından danışıb.
Digər çıxışlarda müasir dövrdə yeni dəyişikliklərə açıq olmağın zəruriliyi qeyd edilib.
Tədbirdə, həmçinin Azərbaycan xalqının Ümummilli Lideri Heydər Əliyevin uzaq görən siyasətindən bəhs olunub. Onun indiki Azərbaycanın inkişafının təməllərini hələ o zamandan qoyduğu bildirilib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycan və Latviya bənzər tarixə malik dost və strateji tərəfdaş ölkələrdir
21 May
Türkiyə sülh prosesini yaxından izləyir
21 May
Azərbaycan Respublikası vətəndaşlarının 2024-cü il iyulun 1-dən 30-dək müddətli həqiqi hərbi xidmətə...
21 May
Kamerun Respublikasının Prezidenti zati-aliləri cənab Pol Biyaya
21 May
"Dövlət orqanlarında (qurumlarında) normayaratma fəaliyyətinin təkmilləşdirilməsi və bundan irəli gə...
21 May
"Azərbaycan Respublikasının 2001-ci il 12 iyun tarixli 141-IIQ nömrəli Qanunu ilə təsdiq edilmiş "Dö...
21 May
"Məhkəmələr və hakimlər haqqında" Azərbaycan Respublikasının Qanununda dəyişiklik edilməsi barədə...
21 May
"Məhkəmələr və hakimlər haqqında" Azərbaycan Respublikasının Qanununda dəyişiklik edilməsi barədə" A...
21 May
"Elektroenergetika haqqında" Azərbaycan Respublikasının 2023-cü il 11 aprel tarixli 858-VIQ nömrəli ...
21 May
Ş.V.Bayramovun Mingəçevir Dövlət Universitetinin rektoru vəzifəsindən azad edilməsi haqqında...
21 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!