Alternative content

AZƏRBAYCAN RESPUBLİKASI MİLLİ MƏCLİSİNİN ORQANI

Albaniyanın Prezidenti Azərbaycan Dillər Universitetinin fəxri doktoru seçilib

17 Mart 2017
V Qlobal Bakı Forumunda iştirak etmək üçün ölkəmizdə səfərdə olan Albaniyanın Prezidenti Buyar Nişaniyə Azərbaycan Dillər Universitetinin (ADU) fəxri doktoru adı verilib.

AZƏRTAC xəbər verir ki, bu münasibətlə martın 17-də ADU-da tədbir keçirilib.

ADU-nun rektoru vəzifəsini icra edən, professor Əfqan Abdullayev elmi şuranın qərarı ilə Buyar Nişaniyə bu ali məktəbin fəxri doktoru adı verildiyini bildirib və fəxri doktor diplomunu qonağa təqdim edib.

Buyar Nişani ADU-nun fəxri doktoru adına layiq görülməsindən məmnunluğunu bildirib, kollektivə uğurlar arzulayıb.