Varşavada 20 Yanvar – Ümumxalq Hüzn Günü qeyd edilib
20 Yanvar – Ümumxalq Hüzn Günü münasibətilə Varşavada klassik musiqi axşamı təşkil edilib.
AZƏRTAC xəbər verir ki, tədbirdə Polşanın dövlət qurumları və digər təşkilatların rəhbər və nümayəndələri, işgüzar dairələr və yerli mətbuat nümayəndələri, həmçinin Polşada yaşayan həmvətənlərimiz, türk icmasının üzvləri, ölkədə akkreditə olunmuş diplomatik nümayəndəliklərin rəhbərləri və üzvləri iştirak ediblər.
İlk olaraq Azərbaycanın Polşadakı səfiri Nərgiz Qurbanova çıxış edərək Azərbaycanı təlatümə gətirmiş və üzərindən 32 il ötən Qara Yanvar faciəsindən danışıb. Səfir azadlıq, müstəqillik və ərazi bütövlüyü çağırışlarını susdurmaq üçün küçələrə çıxaraq həqiqət və ədalət tələb edən əliyalın günahsız insanlara qarşı sovet rejimi tərəfindən hərbi təcavüz edildiyini bildirib. Səfir Ermənistan tərəfindən Azərbaycana qarşı ərazi iddiaları fonunda 250 min azərbaycanlının Ermənistandan qovulmasına etinasızlığı sovet rejiminin Azərbaycana qarşı məkrli siyasətinin növbəti nəticəsi olduğunu qeyd edib. N. Qurbanova Azərbaycana qarşı sovet rəhbərliyi tərəfindən “erməni kartının” istifadə edildiyini, Bakıya xüsusi təyinatlılardan ibarət ordunun göndərildiyini, insanları məlumat blokadasına almaq üçün dövlət televiziyasının enerji blokunun partladıldığını, şəhərdə törədilmiş qırğınlar nəticəsində 147 nəfər mülki şəxsin öldürüldüyünü, 744 nəfərin yaralandığını 841 nəfərin qanunsuz həbs edildiyini diqqətə çatdırıb.
Dinindən və etnik mənsubiyyətindən asılı olmayaraq Azərbaycan xalqının bir araya gələrək sovet hərbçilərinin təcavüzünə qarşı birlikdə mübarizə apardıqları qeyd edilib. N.Qurbanova 20 Yanvar faciəsinə ilk siyasi qiymətin Azərbaycanın ümummilli lideri Heydər Əliyev tərəfindən verildiyini vurğulayıb və onun faciənin növbəti günü Azərbaycanın Moskvadakı daimi nümayəndəliyinə gələrək Azərbaycanda vətəndaşların kütləvi öldürülməsinin qanuna, demokratiyaya və insanlığa uyğun olmayan akt olaraq xarici və yerli mətbuat qarşısında kəskin ittiham etdiyini bildirib. Səfir Heydər Əliyevin Azərbaycan Respublikasının Prezidenti vəzifəsinə seçilməsindən sonra onun təşəbbüsü ilə 1994-cü ilin 5 yanvar tarixində faciəyə Milli Məclis tərəfindən hüquqi qiymətin verildiyini diqqətə çatdırıb.
N.Qurbanova Azərbaycan xalqının faciəli gecədə böyük itkilərinə və əzablarına baxmayaraq öz qürurunu və ləyaqətini qoruduğunu, öz müqəddəratına sahib çıxaraq müstəqil dövlət qurduğunu fəxrlə bildirib. Nitqinin sonunda səfir Qara Yanvar faciəsinin 32-ci ildönümü münasibətilə azərbaycanlıların şəhidləri qürurla andıqlarını və Azərbaycan Respublikasının müstəqilliyinin güclənməsi yolunda bir olduqlarını vurğulayıb.
Sonra polşalı jurnalist və rejissor Yeji Lyubax çıxışında Azərbaycanın müstəqilliyə aparan enişli-yoxuşlu yolundan bəhs edərək, Azərbaycan xalqının böyük fədakarlıq nümayiş etdirdiyini və məhz bu fədakarlığın bunu qəbul edə bilməyən sovet rejimi tərəfindən 20 Yanvar faciəsinə gətirib çıxardığını bildirib. Y.Lyubax Polşada da ölkənin müstəqilliyi uğrunda azərbaycanlı igidlərin qəhrəmanlıq nümayiş etdirdiklərini xatırladıb, Polşanın Milli Ordusunda xidmət etmiş polkovnik Vəli bəy Yadigarın xatirəsinin Polşa üçün əziz olduğunu qeyd edib.
Çıxışların ardınca 20 Yanvar faciəsinə həsr edilmiş “Azərbaycan Televiziya və Radio Verilişləri” QSC tərəfindən hazırlanmış sənədli film nümayiş etdirilib.
Filmdən sonra Polşada keçirilən dünyaca tanınmış Frederik Şopen Beynəlxalq Piano Festivalının laureatları Mateuş Kşıjovski və Aqneşka Korpıta tərəfindən fortepianoda Azərbaycan bəstəkarları və F.Şopenin repertuarından ibarət musiqi parçalarının ifası ilə konsert proqramı ifa olunub.
Konsertdən sonra qonaqlar 20 Yanvar faciəsini özündə əks etdirən fotolardan ibarət sərgi ilə tanış olub və ehsan süfrəsinə dəvət ediliblər.
Konsertin Polşanın TVP ictimai televiziya kanalı tərəfindən çəkilişi həyata keçirilib, səfir və tədbirdə iştirak edən Seym və Senat üzvlərindən müsahibələr götürülüb.
Səfirliyin önündə 20 Yanvar – Azərbaycanda Hüzn Gününə həsr edilmiş xatirə guşəsi yaradılıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
“Əqli mülkiyyət müasir mərhələdə” - dəyirmi masa YENİLƏNİB
26 Aprel
Almaniyada əsgər çatışmır
26 Aprel
Finlandiya Prezidenti Bakıda keçiriləcək COP29-a dəvət olunub
26 Aprel
ABŞ Dövlət Departamentinin mətbuat katibi istefa verib
26 Aprel
Aydın Süleymanlı: Uşaqlıqdan arzum Azərbaycan çempionu olmaq idi
26 Aprel
“Qarabağ” – “Neftçi” oyunu ilə bağlı qərar verilib
26 Aprel
Terrorçuya 1794 il həbs verildi - Türkiyə məhkəməsindən QƏRAR
26 Aprel
NATO qoşunları sərhədlərimizə yaxınlaşır - Şoyqudan AÇIQLAMA
26 Aprel
Yunanıstan Ukraynaya hava hücumundan müdafiə sistemlərini verməkdən imtina edib
26 Aprel
Kişi şahmatçılar arasında Azərbaycan çempionatının bağlanış mərasimi keçirilib
26 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!