Mayın 12-si gecəsi, elan edilmiş atəşkəsdən üç gün sonra Rusiya Ukraynanın bir neçə bölgəsinə dron hücumları həyata keçirib.
AZƏRTAC xəbər verir ki, Rusiya qoşunları gecə saatlarında Kiyev şəhəri və Kiyev bölgəsinə dron zərbələri endirib. Paytaxtda səhər saat 3:36-da hava hücumu baş verib. Kiyev bölgəsində uşaq bağçasına dronla zərbə endirilib, paytaxtdakı 16 mərtəbəli binaya isə PUA qalıqları düşüb və yanğın baş verib. Xəsarət alanlar var.
Jitomir bölgəsində hücum nəticəsində avtomobillərə, yaşayış binalarına və yardımçı tikililərə ziyan dəyib. Bu barədə regional administrasiya məlumat verib. İlkin məlumata görə, itki olmayıb.
Dünən gecə Rusiya ordusu Çerniqov bölgəsinə də dron hücumu həyata keçirib. Bu barədə Çerniqov Regional Dövlət Administrasiyasının rəhbəri Vyaçeslav Çaus məlumat verib. Semenovkada dron zərbəsindən sonra bir ev yanıb. Koryukovski rayonunun Menska qəsəbəsində dron zərbələri yardımçı tikililərə ziyan vurub. Xarkov bölgəsində iki kənddə də hücumlar qeydə alınıb.
Xarkov vilayətinin Dövlət Təcili Yardım Xidmətinin məlumatına görə, Kupyansk rayonunun Veliki Burluk kəndində düşmən dronu infrastruktur obyektinə zərbə endirib. Bir avtobus və bir yük maşını alovlanıb. Təcili yardım briqadaları yanğını söndürüb, insan tələfatı olmayıb.
Xarkov rayonunun Bezruki kəndində bir evə dron zərbəsi endirilib. Bir yardımçı bina alovlanıb və yaşayış binasına ziyan dəyib. Yanğın söndürülüb və itki olmayıb. Bundan əlavə, Xarkovda pilotsuz uçuş aparatı evin damına zərbə endirib və bir sakini yaralayıb.
Pavloqradda Rusiya ordusu yaşayış məntəqəsinə hücum edib. Doqquzmərtəbəli binaya və bir neçə avtomobilə ziyan dəyib, iki kişi yaralanıb. Nəqliyyat infrastrukturuna da ziyan dəyib. Dövlət Təcili Yardım Xidmətinin rəisi Nikolay Lukaşukun sözlərinə görə, bu səhər Rusiya Dnepropetrovsk vilayətindəki dəmir yolu infrastruktur obyektlərinə hücum edib, qatar maşinisti yaralanıb.
jpg_1778571435.jpg)
jpg_1779717449.jpg)
jpg_1779705901.jpg)
