Prezident Rəcəb Tayyib Ərdoğanın Azərbaycana səfəri Türkiyə mediasının baş xəbəridir
Türkiyənin Prezidenti Rəcəb Tayyib Ərdoğanın oktyabrın 26-da Azərbaycana səfəri, Prezident İlham Əliyevlə bilikdə Füzuli Beynəlxalq Hava Limanının açılışında iştirakı, iki liderin görüşləri və Şərqi Zəngəzurdan dünyaya verdikləri mesajlar, ali qonağa göstərilən yüksək diqqət və qonaqpərvərlik qardaş ölkənin aparıcı kütləvi informasiya vasitələri tərəfindən baş xəbər olaraq qalmaqdadır.
AZƏRTAC verir ki, Anadolu Agentliyi, “TRT Haber”, “Haber Global”, “A Haber” və digər telekanallar səfərin ən mühüm hissələrini canlı yayım olaraq təqdim ediblər.
Səfərin tarixi əhəmiyyəti ilə bağlı çeşidli materiallar yayan Anadolu Agentliyi, eyni zamanda, Prezident İlham Əliyevə “Qarabağ Zəfəri” nəşrinin təqdim olunması barədə də xüsusi xəbər hazırlayıb.
Aparıcı telekanallar səfərin strateji əhəmiyyəti barədə görkəmli ekspertlərin iştirakı ilə efir müzakirələri aparırlar. Mütəxəssislərin yekdil rəyi budur ki, Müzəffər Ali Baş Komandan İlham Əliyevin rəhbərliyi ilə möhtəşəm hərbi zəfər qazanan Azərbaycan Ordusunun yaratdığı yeni geosiyasi vəziyyətin inkişaf dinamikası qarşısıalınmaz prosesdir.
“Hürriyyət” qəzeti səfərlə bağlı materialları “Daimi sülh üçün ən əlverişli zəmin”, “Prezident Ərdoğan Ermənistanla münasibətləri normallaşdırmaq şərtini açıqladı” kimi sərlövhələrlə oxuculara çatdırır.
“Sabah” eyni mövzudakı materialı “Əliyevdən başkan Ərdoğana övgü dolu sözlər“ sərlövhəsi ilə təqdim edib.
Füzuli Beynəlxalq Hava Limanının bölgə üçün əhəmiyyətini ön plana çıxaran “Türkiyə” qəzeti “Qarabağın dünyaya açılan qapısı Füzulu Beynəlxalq Hava Limanı xidmətə başladı. Azərbaycanda tarixi gün” sərlövhəsi ilə baş xəbər olaraq oxuculara çatdırıb. Səfər barədə ən mühüm məqamlar “Yeni Şəfəq” qəzetində də bənzər sərlövhəli yazılarla baş xəbərdə yer alıb.
“Yeni Akit” qəzeti də səfər çərçivəsində Zəngəzur dəhlizinin bir hissəsi olacaq avtomobil yolunun təməlinin qoyulduğuna diqqəti cəlb edərək, “Qardaşlıq koridoruna ilk təməl” başlığından istifadə edib.
Qəzetlər, eyni zamanda, Prezident Rəcəb Tayyib Ərdoğanın bəzi ölkələrin Türkiyənin daxili işlərinə müdaxilə cəhdlərinə qarşı qətiyyətli mövqe sərgiləməsinə Azərbaycanın dövlət başçısının verdiyi dəstək barədə fikirlərinə də geniş yer ayırıblar.
“Akşam” qəzeti “Əliyevdən Ərdoğana övgü” başlığı ilə dövlətimizin başçısının Türkiyə liderinin bütün türk dünyası üçün mühüm amil olduğuna dair fikirlərini ön plana çıxarıb. “Milliyyət”, “Yeni Çağ”, “Posta” və digər qəzetlər də mövzuya geniş yer ayırıblar.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Alimlər: Pilləkənlərlə qalxmaq ömrü uzadır
27 Aprel
Çempionlar Liqası: Pley-off mərhələsində ən çox qol vuran futbolçular açıqlanıb
27 Aprel
Sakit okeanda 6,9 bal gücündə zəlzələ olub
27 Aprel
ÜST-nin rəhbəri: Pandemiya dövründə vaksinlərə qeyri-bərabər əlçatanlıq ölüm hallarını artırdı ...
27 Aprel
ANAMA-nın əməkdaşı Şuşada minaya düşüb
27 Aprel
Aprelin 27-si Beynəlxalq Baytar Həkimi Günüdür
27 Aprel
Yaxın günlərdə Laçının Sus kəndinə köçürüləcək ailələr bəlli olub
27 Aprel
“Paris-2024”: Olimpiya məşəli Yunanıstandan Fransaya yola düşüb
27 Aprel
Sabah Bakıda 31, bəzi rayonlarda isə 32 dərəcə isti olacaq
27 Aprel
Qırğız nazir: Azərbaycan Qırğızıstana neft məhsulları ixrac etməyə hazır olduğunu bildirib...
27 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!