28 May 2022 15:50
248
CƏMİYYƏT

Ombudsman: İnsan hüquq və azadlığına həssas münasibət, humanizm siyasəti Prezident İlham Əliyev tərəfindən uğurla həyata keçirilir

Müstəqillik Günü ərəfəsində Ali Baş Komandan İlham Əliyev sayca 68-ci əfv Sərəncamını imzalayıb. Ulu öndər Heydər Əliyev tərəfindən insan hüquq və azadlığına göstərilən həssas münasibət və humanizm siyasəti bu gün Prezident İlham Əliyev tərəfindən uğurla həyata keçirilir.

AZƏRTAC xəbər verir ki, bu fikirləri jurnalistlərə müsahibəsində əfv Sərəncamının icrasında iştirak edən Azərbaycan Respublikasının insan hüquqları üzrə müvəkkili (ombudsman) Səbinə Əliyeva söyləyib.

O qeyd edib ki, “Məhkum edilmiş bir sıra şəxslərin əfv olunması haqqında” Sərəncam, ümumilikdə, 213 şəxsə şamil olunub. Sərəncama əsasən bir nəfər ömürlük cəzadan azad edilib. Əfv siyahısı məhkumların özlərinin, ailə üzvlərinin, insan hüquqları üzrə müvəkkilin və insan hüquqları təşkilatlarının müraciətlərinə əsaslanaraq onların ailə vəziyyətləri, səhhətləri, islah olmaları və digər məsələlər də nəzərə alınaraq tərtib olunub: “Mənim insan hüquqları üzrə müvəkkil olaraq Prezident İlham Əliyevə müraciətim əsasında 31 nəfər bu siyahıda yer alıb. Bu Sərəncama, humanist siyasətinə görə Prezident İlham Əliyevə və birinci xanım Mehriban Əliyevaya təşəkkür edirəm. Hesab edirəm ki, əfv olunan şəxslər gələcəkdə Vətəninə, xalqına, dövlətimizin başçısına sadiq olacaqlar”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video