Bosniya və Herseqovinaya Aİ üzvlüyünə namizədlik statusunun verilməməsi ölkədə birmənalı qarşılanmayıb
Bosniya və Herseqovinaya Avropa İttifaqı (Aİ) üzvlüyünə namizədlik statusunun verilməməsi ölkədə birmənalı qarşılanmayıb.
AZƏRTAC xəbər verir ki, Brüsseldə keçirilən sammitdə Avropa İttifaqı ölkələrinin liderləri Ukrayna və Moldovaya Aİ üzvlüyünə namizədlik statusu verib, Bosniya və Herseqovina ilə bağlı təşəbbüs isə qəbul edilməyib.
Yerli media Moldovaya namizədlik statusu verildiyi halda, Bosniya və Herseqovinanın qəbul olunmamasını sərt şəkildə tənqid edib.
Bosniya və Herseqovinaya namizədlik statusunun verilməsi üçün Avstriya ilə birlikdə ən çox diplomatik səy göstərən ölkə olan Sloveniyanın Baş naziri Robert Qolob Bosniya və Herseqovinanın namizədlik statusu əldə etməməsinə baxmayaraq, bu yolda böyük bir addım atıldığını bildirib. Bosniya və Herseqovinanın namizədliyinin sammitdə bir neçə saat müzakirə edildiyini deyən R.Qolob Aİ-nin 14 əsas şərti yerinə yetirildiyi təqdirdə Bosniya və Herseqovinanın cari ildə namizədlik statusu ala biləcəyini qeyd edib.
Bosniya və Herseqovinanın namizədliyini dəstəkləyən qonşu ölkə Xorvatiyanın Baş naziri Andrey Plenkoviç isə deyib ki, Aİ ilk dəfə olaraq Bosniya və Herseqovinaya namizədlik statusu verməyə hazır olduğunu bəyan edib və əgər Bosniya və Herseqovina hökuməti lazımi addımları atsa, ölkə ilin sonuna qədər namizədlik statusu ala biləcək. O, Bosniya və Herseqovinanın namizədliyi üçün islahatlara xüsusi önəm verildiyini bildirib, bunların ən mühümlərinin isə konstitusiya islahatları və seçki qanunvericiliyində islahatlar olduğunu vurğulayıb.
Sammitdə Almaniya, Fransa və Niderlandın Bosniya və Herseqovinaya Aİ üzvlüyünə namizədlik statusunun verilməsi təklifinə qarşı çıxdıqları bildirilir.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
XRİTDX-nin nümayəndəsi Vyanada keçirilən konfransda iştirak edib
26 Aprel
Xocavənddə partlayıcı vasitələr aşkarlanıb
26 Aprel
Çin də yeni texnologiya əsasında beyin çipini təqdim edib
26 Aprel
Böyük yazıçı, alim və pedaqoq
26 Aprel
“Dalğa-2024” birgə taktiki təlimi başa çatıb
26 Aprel
“Azeri Light” markalı neft ucuzlaşıb
26 Aprel
Türkiyənin məşhur HALK TV-nin "Yeni bir sabah" proqramında "Azərbaycan" qəzetinin manşeti barədə məl...
26 Aprel
Mərkəzi icra hakimiyyəti orqanlarının və digər idarəetmə qurumlarının rəhbərləri tərəfindən 2024-cü ...
26 Aprel
"Türk çələngi" pedaqoji fikir tariximizin aynasıdır
26 Aprel
Qərbi Azərbaycan İcması bəyanat yayıb
26 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!